Mabadiliko ya Tabianchi

WMO kusaidia utabiri wa hali ya hewa katika Olimpiki ya Beijing 2008

Shirika la UM juu ya Utabiri wa Hali ya Hewa Duniani (WMO) limetangaza kuisadia Uchina kutabiri vizuri zaidi hali ya hewa wakati mashindano ya olimpiki yanapopamba katika mji wa Beijing kuanzia tarehe 08 Agosti (08).

Sampuli za 'plutonium' kudhibitiwa baada ya kuvuja kwenye lebu ya IAEA

Shirika la UM juu ya Matumizi ya Amani ya Nishati ya Kinyukilia Kimataifa (IAEA) limeripoti Ijumapili kijichupa kidogo kilichofungwa kwenye maabara ya kuhifadhia sampuli za utafiti na ukaguzi, iliopo kwenye mji wa Seibersdorf, Austria kilifura shinikizo na kuvuja ile sumu kali ya maadini yanayojulikana kama plutonium, ambayo hutumiwa kutengenezea silaha za nyuklia.

UNEP imeshirikiana na Uchina kuandaa Olimpiki rafiki kwa mazingira

Achim Steiner, Mkurugenzi Mkuu wa Shirika la UM juu ya Hifadhi ya Mazingira (UNEP) anatarajiwa kuhudhuria Sherehe za Ufunguzi wa Michezo ya Olimpiki mjini Beijing, Uchina mnamo tarehe 08 Agosti (08). Ziara hii ni kuthibitisha uungaji mkono wa UNEP zile juhudi za Uchina kuendesha mashindano ya olimpiki kwa kulingana na taratibu za kuimarisha hifadhi bora ya mazingira.

IAEA imeidhinisha usalama wa viwanda vya nyuklia India

Bodi la Magavana wa Shirika la UM juu ya Matumizi ya Amani ya Nishati ya Nyuklia (IAEA) lilikutana mjini Vienna Ijumaa kuzingatia Mapatano juu ya Ukaguzi Kuhusu Usalama wa Viwanda vya Nishati ya Nyuklia kwa Raia katika India.

'UM uliopoa' kutunza mazingira Makao Makuu

Kuanzia Ijumaa tarehe mosi Agosti, UM utatekeleza mradi maalumu kwenye majengo ya Makao Makuu yaliopo New York, kwa matarajio ya kuongeza akiba ya fedha za matumizi na kutunza mazingira. Hatua hii inachukuliwa kwa kulingana na juhudi za kimataifa za kukabiliana na matatizo yanayotokana na athari za mabadiliko ya hali ya hewa, na UM imeamua kuongoza kwenye juhudi hizi kwa vitendo.

Wakulima wanahimizwa kujiunga na mapinduzi ya "Kijanikibichi"/Kilimo

Wajumbe karibu 100 kutoka nchi 36 wanaokutana kwenye Makao Makuu ya Shirika la Chakula na Kilimo (FAO)Roma, Utaliana wiki hii wametoa mwito maalumu wenye kupendekeza kwa wakulima wa kimataifa kujihusisha na yale mapinduzi ya kilimo yanayoendelea, yajulikanayo kama mapinduzi ya "Kijanikibichi". Mapinduzi haya huwakilishwa na utaratibu unaojulikana kama "Mfumo wa Hifadhi Bora ya Ukulima" au Mfumo wa CA.

UM kutetea waathiriwa wa zilzala Uchina kupata misaada ziada ya kihali

Khalid Malik, Ofisa Mkaazi anayehusika na huduma za dharura Uchina, ametangaza kutokea mjini Beijing ya kwamba UM umeanzisha kampeni maalumu ya kuchangisha msaada wa dola milioni 33.5 wa kuwahudumia waathiriwa wa zilzala ya nguvu iliyotukia Mei 12 katika jimbo la Sichuan, tetemeko ambalo liliuwa watu 70,000 na kujeruhi mamia elfu wengine, na pia kusababisha zaidi ya watu milioni tano kukosa makazi.

Misitu ya dunia itafanyiwa ukaguzi kuinusuru na mabadiliko ya hali ya hewa

Shirika la Chakula na Kilimo (FAO), likishirikiana na nchi wanachama na wadau wengineo kutoka jumuiya kadha wa kadha za kimataifa, wameafikiana kuanzisha upimaji wa hali za misitu iliopo kwenye sehemu zote za ardhi ya dunia yetu, kwa kutumia vifaa vinavyoendeshwa kutokea mbali.

FAO inasema mabadiliko ya hali ya hewa huathiri vibaya uvuvi

Shirika la UM juu ya Chakula na Kilimo (FAO) limeonya wiki hii kwamba kuongezeka kwa hali ya joto, na mageuzi mengine kwenye mazingira yanayosababishwa na mabadiliko ya hali ya hewa, ni mambo yatakayoathiri, kwa uzito mkubwa zaidi, uvuvi pamoja na utamaduni wa shughuli za baharini. Kadhalika mabadiliko haya pia hunyima akiba ya chakula fungu maalumu la umma wa kimataifa unaotegemea mavuno ya uvuvi kuishi.

Watalaamu wa UM/UU kuisaidia Philippines kudhibiti uharibifu wa sumu kutoka feri iliozama

Timu ya wataalamu wa UM na Umoja wa Ulaya (UU) hii leo wameelekea Philippines kuitika ombi la Serikali, ili kutathminia viwango vya sumu kali ya kemikali iliomwagika kutoka shehena ya mapipa ya dawa za kuua wadudu, yaliokuwa yamepakiwa kwenye ile feri iliozama karibu na Kisiwa cha Sibuyan, mnamo Juni 21 (2008), baada ya kupigwa na Kimbunga Fengshen.