Mabadiliko ya Tabianchi

Kampuni zaendelea kuitikia wito wa UN wa kuondokana na plastiki

Shirika la chakula na kilimo duniani FAO limeonyesha mfano wa manufaa yanayoanza kupatikana kutokana na matumizi mbadala ya bidhaa za plastiki, ikiwemo vifungashio ambavyo hivi sasa kampuni zinatengeneza ili kupunguza matumii ya vifungashio vya plastiki vinavyochafua mazingira.

Mahitaji ya waathirika wa vimbunga Msumbiji bado ni mengi-IOM

Mkurugenzi Mkuu wa shirika la Umoja wa Mataifa la uhamiaji duniani, IOM António Vitorino hii leo amehitimisha ziara yake ya siku mbili nchini Msumbiji ambako ametathmini na kuunga mkono juhudi za msaada wa kibinadamu kufuatia vimbunga viwili vilivyopiga taifa hilo la kusini mwa Afrika mwezi  Machi na Aprili mwaka huu na kuathiri watu milioni 1.8 bila kusahau vifo vya mamia ya watu.

Mradi wa Quid mbali ya kuhifadhi mazingira umekuwa mkombozi kwa wanawake Italia:UNFCCC

Mradi wa Quid unaoendeshwa na wanawake mjini Verona Italia katika sekta ya fasheni mbali ya kushughulikia changamoto za mabadiliko ya tabia nchi pia umekuwa neema kubwa kwa kuwapa ajira wanawake wenye Maisha duni. 

Mazao duni, ukosefu wa uhakika wa chakula unachochea uhamiaji Ukanda wa Amerika Kusini-WFP

Kwa kipindi cha miaka mitano mfululizo, hali ya hewa isiyotabirika, ukame wa muda mrefu na mvua kubwa zimeathiri mazao ya mahindi na maharagwe katika ukanda wa Amerika ya kati hali ambayo imeathiri pia uhakika wa chakula kwa wakulima wadogo huku wakikabiliwa na ugumu wa kulisha familia zao kila siku.

Ardhi ni rasilimali iliyo katika shinikizo kubwa kutoka kwa binadamu na mabadiliko ya tabianchi:IPCC

Ardhi ni rasilimali muhimu ambayo iko katika shinikizo kubwa kutoka kwa binadamu na mabadiliko ya tabia nchi, lakini pia inaweza kuwa sehemu ya suluhu ya changamoto hizo imesema ripoti ya jopo la kimataifa kuhusu mabadiliko ya tabianchi IPCC.

Janga baya zaidi la njaa laikabili Zimbabwe-WFP

Zimbabwe inakabiliwa na janga baya zaidi la la njaa kuwahi kuikumba nchi hiyo na hali ya uhakika wa chakula imefikia kiwango kinachohitaji msaada wa haraka ili kunusuru Maisha ya mamailioni ya watu  limesema leo shirika la mpango wa chakula duniani WFP. 

 Mbinu za kujengea jamii mnepo zinahitajika kukabiliana na mabadiliko ya tabianchi Afrika-FAO

Mbinu za kujengea jamii mnepo katika kukabiliana na mabadiliko ya tabianchi lazima ziimarishwe, wamesema washiriki wa mjadala wa ngazi ya juu kuhusuuhakika wa upatikanaji wa chakula  Afrika ulioandaliwa na serikali ya Rwanda mjini Kigali kwa ushirikiano na shirika la chakula na kilimo duniani, FAO, kamisheni ya Muungano wa Afrika, Benki ya maendeleo Afrika, mfuko wa kimataifa wa maendeleo ya kilimo, IFAD  na Benki ya Dunia. Taarifa zaidi na Arnold Kayanda.

Vijana Tanzania wakumbatia mifuko mbadala wa plastiki kulinda mazingira na kujipatia kipato

Wakati serikali ya Tanzania inaendelea na utekelezaji wa hatua ya kuachana na matumizi ya mifuko ya plastiki kwa ajili ya kulinda mazingira , hatua hiyo inaleta neema kwa vijana walioamua kujifunza utengenezaji wa mifuko mbadala.

Matendo ya nchi nyingine yanayosababisha mabadiliko ya tabianchi, yanatuathiri sisi tusio na hatia-Msumbiji

Miezi minne baada ya vimbunga viwili kikubwa kuipiga Msumbiji, WFP inadhihirisha kuwa gharama za mabadiliko ya tabianchi ni mbaya. Tathimini ya chakula ya hivi karibuni inaonesha kuwa watu milioni 1.6 wako hatarini kukosa chakula angalau kufikia mwezi septemba mwaka huu wa 2019. Hata hivyo WFP inajaribu kupambana na kupitia video yake mpya, shirika hilo linaonesha hali halisi ili kuwachagiza wadau kunyoosha mkono na kusaidia.

Mito 700 inayokatiza Bangladesh yazidi kuweka hatarini taifa hilo wakati wa pepo za monsuni

Nchini Bangladesh, shirika la mpango wa chakula duniani, WFP linafuatilia hali halisi kufuatia mvua kubwa za pepo za monsuni ambazo zimesababisha mafuriko na ongezeko la kiwango cha maji kwenye mito.