Tabianchi na mazingira

Chonde chonde hebu tujikwamue kutoka kwenye janga hili la mazingira:UN 

Mkutano wa ngazi ya juu wa Umoja wa Mataifa kuhusu mazingira ya binadamu, Stockholm+50, umeanza leo kwenye mji mkuu wa Sweden, Stockholm kwa wito kutoka kwa Katibu Mkuu wa Umoja wa Mataifa Antonio Guterres akizitaka nchi zote duniani kukumbatia haki za binadamu kwa ajili ya mazingira safi na yenye afya kwa wote hususan kwa jamii masikini, wanawake na wasichana, watu wa asili, vijana na vizazi vijavyo.  

UNDP na SUZA katika mapinduzi ya ukusanyaji takangumu Zanzibar

Nchini Tanzania shirika la Umoja wa Mataifa la mpango wa maendeleo duniani, UNDP linashirikiana na Chuo Kikuu cha Taifa, SUZA visiwani Zanzibar kutekeleza mradi wa kuibuka na mbinu bora zaidi za kukusanya taka ngumu ili kufanikisha lengo namba 12 la malengo ya maendeleo endelevu, SDGs. 
 

Ukame wa kihistoria Somalia umewaacha taabani watu zaidi ya milioni 7: OCHA 

Mratibu mkuu wa Umoja wa Mataifa wa masuala ya kibinadamu nchini Somalia Adam Abdelmoula akiandamana na mjumbe mpya wa masuala ya ukame Somalia katika ziara yake ya kwanza, Jumanne wiki hii ameonya kuhusu hali mbaya  kwa mamilioni ya Wasomali walioathirika na ukame, huku kukiwa na hatari kubwa ya baa la njaa. 

Zaidi ya watu milioni 30 walifungasha virago 2020 kutokana na majanga:UNDRR

Zaidi ya watu milioni 30 walikimbia makazi yao kutokana na majanga mwaka 2020 pekee, na idadi hii huenda ikaongezeka kutokana na kuongezeka kwa hatari na idadi ya matukio makubwa yanayohusiana na hali ya hewa. Jopo katika Kikao cha 7 cha Jukwaa la Kimataifa la Kupunguza Hatari za majanga (GPDR2022), lililosimamiwa na Sarah Charles, Msimamizi Msaidizi wa Shirika la Maendeleo la Kimataifa la Marekani, limeangazia mbinu za kuimarisha utawala ili kupunguza hatari za majanga ya kuhamishwa.

Iwajibisheni sekta ya tumbaku kwa uharibifu wa mazingira na afya ya binadamu:WHO

Ikiwa leo ni siku ya kupinga matumizi ya tumbaku duniani, shirika la afya la Umoja wa Mataifa WHO limesema sekta ya tumbaku inaathiri mazingira na afya ya watu na inahitaji kuwajibishwa zaidi kwa kusababisha uharibifu

FAO yatoa dola milioni 12 kusaidia wananchi wa Sudan

Juhudi zinazofanywa na Shirika la Umoja wa Mataifa la Chakula na Kilimo FAO za kusaka misaada kwa ajili ya wananchi wa Sudan wanaokabiliwa na njaa, ukame, na hali ngumu ya maisha ambayo kwa ujumla imechochewa na vita ya Ukraine zimezaa matunda baada ya mradi wao mpya kupata ufadhili wa dola milioni 12 kutoka Mfuko wa kukabiliana na dharura wa Umoja wa Mataifa CERF.

Hatua zichukuliwe sasa kulinda mazingira la sivyo binadamu watageuka kafara: wataalam UN 

Miongo mitano baada ya kongamano la kwanza la dunia la kufanya mazingira kuwa suala kuu, wataalam wa haki za binadamu wa Umoja wa Mataifa leo wametoa wito kwa mataifa kuongeza juhudi za kulinda sayari iliyo hatarini kwa ajili ya vizazi vya sasa na vijavyo huku kukiwa na changamoto ambazo hazijawahi kushuhudiwa za mazingira na nyinginezo.

Baa la njaa lanyemelea Afrika Mashariki ukitabiriwa ukame kwa mwaka wa tano mfululizo:UN

Mashirika sita ya Umoja wa Mataifa na wadau wengine wa kibinadamu leo wametoa tahadhari ya baa la njaa kunyemelea Afrika Mashariki baada ya miaka minne ya ukame mkali huku ikitabiriwa uhaba wa mvua kwa mwaka mwingine wa tano mfululizo. 

Njia 5 za ushirikiano zinazotumiwa na Walinda Amani  zinazochangia kuleta amani na maendeleo

Kila siku, walinda amani wa Umoja wa Mataifa wanafanya kazi ili kuwalinda mamilioni ya watu walio hatarini katika maeneo hatarishi yanayozidi kuwa katika mazingira tete ya kisiasa duniani.

Mkutano wa UN kuhusu majanga Bali ni kengele ya kumuamsha kila mtu kuchukua hatua

Mkutano wa kimataifa wa kupunguza hatari za majanga umekunja jamvi leo mjini Bali Indonesia huku Umoja wa Mataifa ukisema mkutano huo ni kengele ya kumuamsha kila mtu kuboresha hatua za kuzuia na kukomesha ongezeko la athari na hatari ya majanga.