Habari Mpya

Uchunguzi kuhusu COVID-19 wahimiza ujasiri wa hatua za kuzuia janga hilo:WHO 

Jopo la ngazi ya juu lililoteuliwa na Shirika la afya la Umoja wa Mataifa WHO, leo limehimiza kuchukuliwa hatua za kijasiri ili kumaliza janga la corona au COVID-19, huku pia likitaka shirika hilo la Umoja wa Mataifa lipewe mamlaka zaidi ya kuchukua hatua za haraka zaidi kwa vitisho vya siku zijazo vya milipuko ya majanga kama hili.

Mashirika ya UN yapambana na utapiamlo shuleni Guatemala 

Guatemala ni taifa linaloshika nafasi ya 4 kwa kuwa na viwango vya juu vya utapiamlo duniani, lakini sasa kwa msaada wa mashirika ya Umoja wa Mataifa lime la mpango wa chakula duniani WFP, la chakula na kilimo FAO na mfuko wa kimataifa wa maendeleo ya kilimo IFAD changamoto hiyo inadhibitiwa kwa kuhakikisha mlo shuleni.

Hospitali bila wauguzi ni sawa na gari bila injini – Muuguzi Mildred Okemo

Ikiwa leo ni siku ya wauguzi duniani, shirika la afya la Umoja wa Mataifa WHO linasema, licha ya jukumu muhimu wanalofanya wauguzi  katika huduma ya afya, kuna uhaba wa wafanyakazi hao ulimwenguni, uhaba ambao unatarajiwa kuongezeka kadiri idadi ya watu inavyoongezeka.

Hali ya njaa Madagascar ni tete! UN na serikali wataka msaada wa haraka 

Msaada wa kibinadamu wa haraka unahitajika ili  kuwanusuru wananchi waishio kusini mwa Madagascar ambao sasa wanakabiliwa na baa la njaa kutokana na ukame ulioikumba nchi hiyo. Mashirika mawili ya umoja wa mataifa kwa kushirikiana na serikali ya nchi hiyo wametoa wito huo wakati huu ambapo takribani watu milioni 1.4 kusini mwa nchi hiyo hawana uhakika wa mlo wao huku watoto wakiendelea kupoteza maisha.

Tunalaani vikali shambulio dhidi ya MONUSCO Kivu Kaskazini:UN 

Umoja wa Mataifa umelaani vikali shambulio lililofanyika jana Jumatatu dhidi ya eneo la muda la mpango wa Umoja wa Mataifa nchini Jamhuri ya Kidemokrasia ya Congo DRC katika mji wa Beni jimboni Kivu Kaskazini. 

Ghasia zaendelea Yerusalem Mashariki, UN yapaza sauti 

Kamishna mkuu wa haki za binadamu wa umoja wa mataifa Michelle Bachelet ameelezea wasiwasi wake mkubwa kuhusiana na muendelezo wa ghasia katika maeneo yanayokaliwa ya wapalestina ikiwemo Yerusalemu mashariki na Israel katika siku za hivi karibuni. 

Juhudi za kujikwamua na COVID-19 zakumbana na kigingi, huku wagonjwa wakiongezeka:WESP 

Juhudi za kimataifa za kujikwamua kiuchumi na janga la corona au COVID-19 ziko katika tishio kubwa, huku idadi ya wagonjwa ikiendelea kuongezeka na utoaji wa chano katika nchi masikini ukidemadema na pengo la usawa likitumbukiza nyongo matarajio ya ukuaji wa uchumi kwa silimia 5.4 mwaka huu wa 2021 kwa mujibu wa ripoti ya hali na matarahjio ya uchumi duniani (WESP). 

Ufadhili wa Benki ya dunia kwa nishati ya jua, nuru kwa wafanyabiashara Somalia

Kupitia ufadhili wa Benki ya Dunia kwa Mfuko wa Kichocheo cha Biashara Somalia, SBCF, kampuni ya Solargen kupitia umeme wa nguvu ya jua imefanikiwa kuleta unafuu wa kimaisha kwa wananchi wa Warsheikh, katika pwani ya Somalia.

Mwanamke mtengeneza juisi Uganda aangukiwa na nuru na sasa ana maono makubwa

Julian Omalla ambaye alitinga fainali za kinyang’anyiro cha tuzo ya wanawake wajasiriamali ilyoandaliwa na kamati ya Umoja wa Mataifa ya biashara na maendeleo, UNCTAD amekabidhiwa na serikali ya nchi yake Uganda mkopo nafuu wa dola milioni 10 ili ajenge kiwanda endelevu cha kutengeneza juisi.

Majengo marefu ya vioo , kaburi la ndege wanaohamahama

Jumamosi ya tarehe nane mwezi Mei 2021 dunia imeadhimisha siku ya kimataifa ya ndege wanaohama ikiwa ni njia mojawapo ya kutambua faida zao katika maisha ya binadamu na sayari dunia.  Maudhui ya mwaka huu ni Imba, paa, Ruka Zaidi Angani kama ndege.