Mashariki ya Kati

Vijana bilioni 1.8 muhimu katika mustakabali wa sayari dunia

Ni muhimu kwamba vijana bilioni 1.8 wawe na sauti kuhusu vita dhidi ya mabadiliko ya tabianchi na hatimaye mustakabali wa sayari dunia, amesema Mjumbe Maalum wa Katibu Mkuu wa Umoja wa Mataifa kwa ajili ya vijana Jayathma Wickramanayake.

Je wajua mapana na marefu ya rungu la kuongozea mikutano ya UNGA?

 Rungu la rais wa Baraza Kuu la Umoja wa Mataifa, UNGA, linalotumiwa kuongozea mikutano lilitolewa kama zawadi ya Iceland kwa Umoja wa Mataifa.

Amani sio tu kutokuwepo vita bali pia kujenga mazingira ya utangamano:Guterres

Katibu Mkuu wa Umoja wa Mataifa Antinio Guterres amesema mara nyingi dunia inaiangalia amani katika mtazamo wa migogoro baina ya binadamu. Lakini amani sio tu kutokuwa na vita, ni kutengeneza mazingira ya kuwa na utangamano na utulivu kwa njia ambayo watu wataishi pamoja na kuruhusu vita kutotokea.

Kutowashirikisha vijana kwenye tabianchi ni janga- Guterres

Kuelekea siku ya kimataifa ya amani ambayo huadhimishwa kila mwaka Septemba 21, leo katika maadhimisho kwenye Umoja wa Mataifa Katibu Mkuu wa Umoja huo, Antonio Guterres ametoa wito wa hatua madhubuti kuchukuliwa kukabiliana na changamoto kubwa za dunia ikiwemo mabadiliko ya tabianchi ili kudumisha amani kwa wote. 

Maoni ya wakuu wa nchi yanaweza kutofautiana lakini yakatatua changamoto zinazoikabili dunia-Balozi Modest Mero

Tukielekea wiki ya vikao vya mjadala mkuu wa Baraza Kuu la Umoja wa Mataifa vitakavyowakutanisha viongozi wa dunia katika makao makuu ya umoja  huo mjini New York Marekani kuanzia jumatatu ya wiki ijayo, Mwakilishi wa kudumu wa Tanzania katika Umoja wa Mataifa, Balozi Modest Mero amezungumza na Idhaa ya Kiswahili ya Umoja wa Mataifa na kueleza kuwa mijadala ya viongozi wakuu wa dunia itatawaliwa na changamoto kuu tano ambazo dunia nzima inakabiliana nazo hivi sasa.

Kuanza kwa UNGA ni matokeo ya maandalizi ya takribani mwaka mmoja

Mkutano wa kila mwaka wenye lengo la kuimarisha diplomasia ya kimataifa hufanyika kwa juma moja wakati wa kuanza mwa mkutano wa Baraza kuu la Umoja wa mataifa lakini maandalizi huchukua miezi kadhaa. Hakuna ambalo halizingatiwi katika tukio ambalo linavuta hisia za mamilioni ya watu duniani kote.

Hali ya kibinadamu bado ni tete Syria hususan Idlib:Ursula Muller

Licha ya hatua kiasi zilizopigwa nchini Syria hususan baada ya mwakilishi maalum wa Umoja wa Mataifa kufanya ziara , lakini hali bado ni tete katika baadhi ya maeneo ikiwemo Idlib amesema msaidizi wa Katibu Mkuu kuhusu masuala ya kibinadamu na naibu mratibu wa misaada ya dharura Ursula Muller akitoa tarifa katika Baraza la Usalama hii leo jijini New york Marekani.

Wanawake na watoto wanaishi zaidi leo hii kuliko awali – WHO/UNICEF

Wanawake zaidi na watoto wao kwa sasa wanaishi zaidi ya hapo awali kulingana na makadirio mapya ya watoto wanaokufa wakati wa kuzaliwa au kina mama wanaofariki dunia wakati wa kujifungua . Makadirio hayo yametolewa leo na mashirika ya Umoja wa Mataifa likiwemo la  kuhudumia Watoto duniani UNICEF na Shirika la Afya Duniani WHO.

Ufadhili kwa ajili ya maendeleo ni mtihani mkubwa- Amina J. Mohammed

Hakuna lengo litakaloweza kutimizwa bila kuwa na fedha, lakini kuchangisha fedha za kutosha za ufadhili ni mtihani mkubwa.

Tutumie vikao vya wiki ijayo kuonesha watu tunawajali badala ya kuja na kauli zilizorembwa- Guterres

Kufuatia kuanza kwa mkutano wa 74 wa Baraza Kuu la Umoja wa Mataifa, UNGA74,  jijini New York, Marekani, Katibu Mkuu wa umoja huo Antonio Guterres leo amekutana na waandishi wa habari kuzungumzia matarajio yake ya vikao muhimu vya wiki ijayo ambapo pia amejibu maswali kadhaa kutoka kwa wanahabari hao.