Habari Mpya

Baraza la Usalama lazungumzia hifadhi ya watoto wanaonaswa kwenye mazingira ya mapigano

Baraza la Usalama liliitisha kikao maalumu cha siku moja katika Makao Makuu, ambapo wajumbe kadha wa kadha walishauriana hatua za kuchukuliwa na Mataifa Wanachama ili kuwalinda watoto wenye umri mdogo dhidi ya vitimbi vya udhalilishaji, mateso na uonevu wanaokabiliwa nawo wakati wanapozongwa na mazingira ya migogoro na mapigano, unyanyasaji ambao umeonekana kukithiri katika miaka ya karibuni, hasa kwenye yale maeneo yalioghumiwa na kukumbwa na hali ya mapigano.~

UNAMID yaidhinisha na Sudan makubaliano kuhusu operesheni za amani Darfur

KM wa UM Ban Ki-moon ametangaza kufanikiwa kutia sahihi Maafikiano ya kuidhinisha Hadhi ya Vikosi Mseto vya UM/UA vinavyotazamiwa kulinda Amani katika Darfur, mapatano yatakayojulikana kama Maafikiano ya SOFA. Rodolphe Adada, Mjumbe Maalumu wa UM/UA wa Shirika la Ulinzi wa Amani kwa Darfur, UNAMID alitia sahihi Muwafaka huu pamoja na Waziri wa Mambo ya Nje wa Sudan, Deng Alor.

Wasomali milioni mbili wahitajia haraka misaada ya kiutu

Ofisi ya UM juu ya Misaada ya Dharura (OCHA) imedhihirisha kwamba watu milioni 2 katika Usomali wanahitajia kufadhiliwa haraka misaada ya kiutu kutoka wahisani wa kimataifa ili kunusuru maisha.

Mchango wa UM kuhudumia misaada ya kiutu na amani Kenya

Imeripotiwa kwamba Waziri wa Habari wa Kenya Samuel Poghiso alitangaza karibuni kuwa kumeandaliwa tume maalumu ya uchunguzi itakayotumiwa kupeleleza kama baadhi ya watu na makundi fulani nchini yalitumia vyombo vya mawasiliano ya redio kuchochea chuki za kikabila kufuataia matokeo ya uchaguzi, kitendo ambacho kinavunja sheria za taifa. ~

UNMEE yahamisha, kwa muda, wafanyakazi na vifaa kutoka Eritrea

Mnamo wiki hii Shirika la UM linalohudumia ulinzi wa amani mipakanai Ethiopia/Eritrea limeanzisha uhamisho wa muda wa wafanyakazi na vifaa kutoka Eritrea na kuelekea maeneo yaliopo ndani ya Ethiopia.

Waathiriwa wa mafuriko kusini ya Afrika wanahitajia dola milioni 89 kukidhi mahitaji ya kiutu

Hivi karibuni Ofisi ya UM juu ya Misaada ya Dharura (OCHA) imetoa mwito maalumu wa kufadhiliwa mchango wa dola miloni 89 na wahisani wa kimataifa kwa makusudio ya kuisaidia Serikali za Malawi, Msumbiji, Zambia na Zimbabwe kukabiliana na athari za mafuriko yaliolivaa eneo lao hivi karibuni. Imeripotiwa mafuriko yaliangamiza maelfu ya nyumba na kuharibu mavuno, na vile vile kusababisha watu nusu milioni kufiliska na kutegemea misaada ya dharura ya kimataifa kunusuru maisha. Kadhalika inatazamia kutumia mchango huo kuyasaidia mataifa husika kujiandaa kidharura pindi mvua zitanyesha tena kwa wingi na kusababisha mafuriko haribifu mengine ambayo huenda yakaathiri watu 805,000.

Hapa na pale

Ofisi ya UM ya Kudhibiti Uhalifu na Madawa ya Kulevya (UNODC) iliopo Vienna, Austria imeandaa mkutano maalumu wa kuzingatia hatua za kuchukuliwa haraka kukomesha biashara haramu ya kunyakua watu ambao baadaye hulazimishwa kushiriki kwenye ajira za umalaya na vibarua vyengine nje ya sheria; kikao ambacho kilijumuisha watu 1,200 wakiwemo wataalamu, wabunge, watumishi wa usalama, viongozi wa biashara na wawakilishi wa mashirika yasio ya kiserekali na pia waathiriwa wa biashara ya utumwa mambo leo kutoka mataifa 116.~

Huduma za amani na kiutu za UM katika Kenya

Ripoti za UM wiki hii zimethibitisha ya kuwa hali ya usalama Kenya, inaendelea kuwa tulivu, kufuatia wiki kadha za machafuko na vurugu liliofumka katika sehemu mbalimbali za nchi baada ya siotafahamu kuzuka juu ya matokeo ya uchaguzi uliofanyika Disemba mwaka jana.

Mchango wa UM kuhudumia amani na misaada ya kiutu Kenya

Timu ya Mashirika Wakazi ya UM katika Kenya imeripoti hali, kwa ujumla, nchini, sasa hivi, inaendelea kuwa shwari na tulivu, isipokuwa katika miji ya Eldoret na Kericho ambako hali huko tumearifiwa bado ni ya kigeugeu na inatia wasiwasi.~

UM yasaidia Kenya kurudisha amani baada ya machafuko ya uchaguzi

Timu inayowakilisha mashirika ya UM yanayohusika na miradi ya chakula duniani, WFP, maendeleo ya watoto, UNICEF na pia huduma za wahamiaji, UNHCR, ikijumuika na Jumuiya ya Kikatoliki juu ya Misaada ya Kiutu (CRS), Jumuiya ya Msalaba Mwekundu Kenya (KRCS) na mashirika mengine yasio ya kiserekali, yaani Shirika la World Vision International (WVI) na kundi la Kikatoliki la kufarijia maafa, Mercy Corps, yanashirikiana hivi sasa kipamoja kutathminia vizuri zaidi mahitaji ya kimsingi kwa umma uliopo eneo la Bonde la Ufa/Rift Valley, ambapo inaripotiwa ugawaji wa misaada ya kiutu unaendelea kwa usalama kama ilivyopangwa na idadi ya wahamiaji wa ndani ya nchi (IDPs) waliopo huko imetulia, na haijabadilika sana.~