Mtoto mhamiaji kutoka nchini Ghana ambaye sasa anaishi nchini Ugiriki amesema kutokana na yale aliyopitia, safari ngumu ya kunusurika kifo na sasa angalau anaona mwanga mwishoni mwa tanuru, amejizatiti kusaka elimu na ufahamu ili hatimaye asaidie watoto wengine kwa kuwa anafahamu maana ya maisha ya kukosa.

Mamilioni ya magari yaliyokwisha kutumiwa, ambayo yameuzwa katika nchi zinazoendelea, hayafai, yana ubora wa chini na yanachangia kwa kiasi kikubwa katika uchafuzi wa hewa na hivyo kutatiza juhudi za kupunguza athari za mabadiliko ya tabianchi, imesema ripoti mpya ya Shirika la mazingira la Umoja wa Mataifa UNEP. 

Tathimini ya utafiti uliofanywa na shirika la Umoja wa Mataifa la kuhudumia watoto UNICEF na Benki ya Dunia iliyotolewa hii leo mjini New York na Washington DC Marekani imekadiria kuwa mtoto 1 kati ya 6 au sawa na watoto milioni 356 duniani kote, walikuwa wanaishi katika umaskini uliokithiri hata kabla ya janga la virusi vya corona, na hali inategemewa kuwa mbaya zaidi.

Wakati duniani inasubiri kwa hamu chanjo dhidi ya ugonjwa wa virusi vya Corona au COVID-19, shirika la Umoja wa Mataifa la kuhudumia watoto UNICF, nalo limeanza maandalizi ya kuhakikisha chanjo hiyo inatolewa na kusambazwa mapema na kwa usalama kwa kununua na kuhifadhi mabomba ya sindano na vifaa vingine vya kufanikisha zoezi hilo.