Ulaya

Mwaka 2020 umetububujisha machozi, na kutupitisha kwenye majaribu, lakini 2021 kuna nuru- Guterres

COVID-19 imebadili maisha yetu na kuutumbukiza ulimwengu katika mateso na huzuni. Ndivyo alivyoanza ujumbe wake wa mwaka mpya 2020, Katibu Mkuu wa Umoja wa Mataifa Antonio Guterres, ujumbe alioutoa kwa njia ya video kutoka jijini New York, Marekani, makao makuu ya Umoja wa Mataifa.

COVID-19 ni kengele ya kujiandaa vyema dhidi ya majanga- Guterres

Katibu Mkuu wa Umoja wa Mataifa Antonio Guterres amesema maadhimisho ya kimataifa ya siku ya kujindaa dhidi ya majanga yamekuja katika kipindi ambacho ni muafaka na kuakisi kile ambacho kinapaswa kufanywa ili kuepuka madhara makubwa.

Virusi vilivyofunga dunia: Pengo linalopanuka kati ya matajiri na maskini

Wakati wa janga la COVID-19 pengo la ukosefu wa usawa kati ya matajiri na maskini limeongezeka zaidi, halikadhalika umaskini, ikiwa ni mara ya kwanza katika miongo kadhaa. Katika sehemu hii ya pili ya mfululizo wa makala kuhusu jinsi COVID-19 imebadili dunia, tunaangazia jinsi janga hilo limerudisha nyuma juhudi za kujenga jamii zenye usawa zaidi. 

2020 ulikuwa mwaka wa zahma kubwa kwa wanawake na wasichana- UNFPA

Mwaka 2020 ukielekea ukingoni, Mkurugenzi Mtendaji wa shirika la Umoja wa Mataifa la masuala ya idadi ya watu, UNFPA, Dkt. Natalia Kanem amesema mwaka huu wa 2020 ulikuwa ni mwaka wa janga kuu zaidi kwa wanawake na wasichana ambao tayari walikuwa kwenye masahibu hata kabla ya janga hilo.

 

Virusi vilivyotikisa dunia: 2020, mwaka tofauti na mingine

Ugonjwa unaosababishwa na virusi vya Corona au COVID-19 uko kila pahali na katika mwaka 2020 ulisambaa na kuleta madhara makubwa yaliyosababisha janga la dunia ambalo mapana yake hayakutarajiwa. Katika mfululizo wa makala sita juu ya mwaka huu wa mtikisiko, UN News inamulika athari za ugonjwa huu kwa watu kwenye maeneo mbalimbali ya dunia na suluhisho ambazo Umoja wa Mataifa umependekeza kufuatia janga hili. Katika makala hii ya kwanza tunamulika mambo ya msingi katika miezi 12 ya mwaka huu wa 2020.

Tunachunguza aina mpya ya virusi vya Corona Uingereza na Afrika Kusini-WHO

Shirika la afya la Umoja wa Mataifa, WHO limesema linashirikiana na wanasayansi ili kuelewa aina mpya ya virusi vya COVID-19 vilivyoripotiwa huko Afrika Kusini na Uingereza.
 

Tunachopitia sasa kwenye COVID-19 wahamiaji hupitia kila uchao- Guterres

Ikiwa leo ni siku ya wahamiaji duniani, Katibu Mkuu wa Umoja wa Mataifa, Antonio Guterres amesema ni mwaka wa kutathmini jinsi janga la Corona au COVID-19 lilivyosababisha mamilioni ya watu kukumbwa na machungu ya kutengana na familia zao na kutokuwa na uhakika wa ajira, jambo ambalo limewapatia watu hisia halisi ambazo wahamiaji hukumbana nazo kila wakati kwenye maisha yao.
 

UNICEF yatoa msaada wa dharura wa chakula kwa watoto nchini Uingereza

Maelfu ya familia zilizoathirika na janga la corona au COVID-19 nchini Uingereza zitapokea msaada wa dharura wa chakula kutoka shirika la Umoja wa Mataifa la kuhudumia watoto UNICEF katika kipindi cha sikukuu na zaidi limetangaza shirika hilo likiongeza kuwa msaada huo utakuwa ni wa mara moja tu. 

Kimsingi UNHCR haitakiwi iwepo iwapo tutatimiza wajibu wetu- Grandi

Shirika la Umoja wa Mataifa la kuhudumia wakimbizi (UNHCR) limetimiza miaka 70 tangu kuanzishwa kwake ambapo Kamishna Mkuu wa shirika hilo Filippo Grandi amesema “niondoeni kwenye jukumu hili”  kwa kushughulikia visababishi vya mamilioni ya watu kukimbia makwao kutokanana vita na ukosefu wa usalama.

Watu na sayari dunia ‘vitagongana’ isipochukuliwa hatua-UNDP 

Shirika la Mpango wa Maendeleo la Umoja wa Mataifa, UNDP kupitia ripoti yake mpya limeonya kuwa nchi lazima zibuni njia zao za maendeleo ili kupunguza uharibifu wa mazingira na ulimwengu wa asili, la sivyo ni kuhatarisha maendeleo ya ubinadamu kwa ujumla.