Ulaya

Rais wa Baraza Kuu ataja vipaumbele vyake huku akisisitiza matumaini

Huku janga la ugonjwa wa Corona au COVID-19 likiendelea kusambaa maeneo mbalimbali duniani, Rais wa Baraza Kuu la Umoja wa Mataifa Abdulla Shahid leo wakati akitoa hotuba ya vipaumbele vyake, amesisitiza umuhimu wa mshikamano na matumaini.
 

Dunia imekosa mshikamano- Guterres

Katibu Mkuu wa Umoja wa Mataifa António Guterres amehutubia mkutano wa Jukwaa la uchumi duniani, WEF na kuwaeleza viongozi wa sekta ya biashara wanaoshiriki kuwa kinachokosekana hivi sasa duniani ni mshikamano wa kimataifa.
 

UN yapongeza hukumu ya vitendo vya unyanyasaji wa kijinsia  Syria

Mwakilishi Maalum wa Katibu Mkuu wa Umoja wa Mataifa kuhusu ukatili wa kingono kwenye mizozo, Pramila Patten amekaribisha uamuzi wa Mahakama ya Juu huko Koblenz, Ujerumani, dhidi ya kanali wa zamani wa Syria Anwar R. kuhusu uhalifu dhidi ya kibinadamu ikiwa ni pamoja na vitendo vya unyanyasaji wa kijinsia.

Kama tunataka kupona kiuchumi 2022 lazima tushirikiane: Guterres

Umoja wa Mataifa umesema ikiwa dunia inataka kupona kwa watu na kuimarika kwa uchumi kwa mwaka huu wa 2022, basi sasa ni wakati wa kuziba mapengo yote ya ukosefu wa usawa ndani, na miongoni mwa nchi na kuimarisha ushirikiano kwa kufanya mambo kama familia moja ya kibinadamu.

Je suala la kukata hedhi lipatiwe kipaumbele pahala pa kazi? 

Shirika la Umoja wa Mataifa linalohusika na ajira duniani, ILO limeanzisha mjadala wa kuangazia iwapo suala la mwanamke kukata hedhi ni suala linalopaswa kuangaziwa pahala pa kazi baada ya utafiti uliofanyika nchini Uingereza kubaini kuwa changamoto za kiafya zitokanazo na kukatika kwa hedhi zinasababisha baadhi ya wanawake kushindwa kufanya kazi ipasavyo na wengine kuamua kuacha kazi hali inayowaathiri kiuchumi. 

Kauli ya Guterres kuhusu Ethiopia na Kazakhstan

Katibu Mkuu wa Umoja wa Mataifa Antonio Guterres amekaribisha hatua ya Ethiopia ya kuaachia kutoka gerezani watu kadhaa waliokuwa wanashikiliwa wakiwemo wapinzani wa kisiasa.

Fahamu mambo ya kufanya kutokomeza saratani  ya shingo ya kizazi

Ikiwa mwezi huu wa Januari ni mwezi wa kuelimisha kuhusu saratani ya shingo ya kizazi, Mkurugenzi Mkuu wa shirika la Umoja wa Mataifa la afya duniani, WHO Dkt. Tedros Ghebreyesus amesema saratani hiyo inaweza kuwa ina ya kwanza ya saratani kutokomezwa ulimwenguni iwapo serikali itaongeza huduma za tiba na kinga.

Chanjo chanjo chanjo ndio jawabu mujarabu dhidi ya Omnicron- WHO

Virusi aina ya Omnicron vikiendelea kuwa sababu ya kasi kubwa ya maambukizi ya ugonjwa wa Corona au COVID-19 hivi sasa duniani kote, shirika la Umoja wa Mataifa la afya ulimwenguni, WHO hii leo limesema ni muhimu hatua zaidi zikachukuliwa ili kusaidia nchi zote kupata haraka iwezekanavyo chanjo dhidi ya Corona kwa kuwa ndio mkombozi iwapo mtu anaambukizwa na tayari ana chanjo. 

Ukiukwaji wa haki za mtoto duniani umeshamiri- UNICEF

Mwaka 2021 ukifikia ukingoni hii leo, shirika la Umoja wa Matafa la kuhudumia Watoto UNICEF limesema mwaka huu umekuwa wa machungu na ukiukwaji mkubwa wa haki za Watoto katika mizozo ya muda mrefu na ile mipya.

Hakimiliki ya mwili wa mwanamke ipewe uzito mtandaoni kama haki miliki zingine:UNFPA 

Kampeni mpya iliyozinduliwa mwezi huu wa Desemba na shirika la Umoja wa Mataifa la idadi ya watu duniani linalohusika pia na afya ya uzazi UNFPA ya “Hakimiliki ya miwli wa binadamu” ina lengo la kuwasukuma watunga sera, sekta za teknolojia na mitandao yote ya kijamii kuuchukulia unyanyasaji na ukatili wa miili ya binadamu hususani ya wanawake mtandaoni kuwa ni suala linalohitaji kupewa uzito kama ilivyo ukiukwaji wa hakimiliki zingine. Flora Nducha na taarifa kamili