Ulaya

Matukio ya mwaka 2018 .

Leo Jumatatu ya tarehe 31 mwezi Desemba mwaka 2018, mwisho wa mwaka  jarida la Habari za Umoja wa Mataifa limemulika matukio muhimu ya mwaka huu wa 2018. Hata hivyo tumekuwekea pia habari zilizogongwa vichwa hii leo kutoka Jamhuri ya Kidemokrasia ya Congo, DRC, Yemen na Afghanistan.

Mwaka 2018 ulikuwa ‘tamu na chungu’ sasa tumeazimia kutokata tamaa 2019 - Guterres

Kuelekea mwaka mpya wa 2019, Katibu Mkuu wa Umoja wa Mataifa António Guterres ametumia salamu zake za mwaka mpya akifanya tathmini ya mwaka 2018 na matarajio yake kwa mwaka mpya.

Mwaka 2018 ulikuwa mbaya kwa watoto wanaoishi maeneo ya mizozo- UNICEF

Mwaka 2018 ukifikia  ukingoni, shirika la Umoja wa Mataifa la kuhudumia watoto, UNICEF limetoa tathmini ya hali ya watoto mwaka huu hususan kwenye nchi zenye mizozo na kusema ilikuwa ni mbaya kiasi cha kuweka mashakani mustakabali wao.

Wakimbizi wanaweza kuwa na mchango chanya kwenye nchi zinazowapokea

Shirika la kuhudumia wakimbizi duniani UNHCR linasema mji wa Vienna nchini Austria umeandaa nyumba, huduma za afya, madarasa ya lugha na programu za elimu kwa ajili ya wakimbizi na hivyo kuunga kampeni za shirika hilo za miji na manispaa zinazosaidia wakimbizi. 

Vita vikiisha Syria, nitarejea na kufungua duka la mikate ya kijerumani- Mkimbizi

Nchini Ujerumani, mmiliki mmoja wa duka la kuoka mikate ameleta matumaini kwa vijana wakimbizi ambao awali walihisi maisha yao yametumbukia nyongo kutokana na changamoto walizokuwa wanakumbana nazo ikiwemo lugha na fursa za kujiendeleza. Grace Kaneiya na ripoti kamili.

Zilizovuma mwaka 2018

Mwaka 2018 ulighubikwa na changamoto nyingi hususan kwa nchi za Afrika, mizozo ikiendelea kukumba bara hilo sambamba na magonjwa. Hata hivyo kulikuwa na habari chanya, na kwa muhtasari tutaangazia pande zote za sarafu wakati huu ambapo tunafunga mwaka huu wa 2018.
 

Wahamiaij wafa maji Mediteranea, siku chache baada ya kupitishwa kwa mkataba wa uhamiaji salama

Walinzi wa pwani ya Hispania wamapata maiti 12 kutoka kwenye boti zilizonusuriwa kwenye upande wa magharibi wa bahari ya Mediteranea huku watu wengine 33 wakiokolewa kwenye operesheni hiyo ya uokozi iliyofanyika Alhamisi.

Mkataba wa Uhamiaji ukitekelezwa vizuri utalinda haki za wahamiaji.

Taarifa ya wataalamu wa Umoja wa Mataifa iliyotolewa hii leo mjini Geneva Uswisi imesema watalaam hao wameupokea wito uliotolewa katika mkataba wa kimataifa wa uhamiaji salama, wenye mpangilio na unaofuata kanuni za kawaida ambao umepitishwa mjini Marrakesh,Morocco hivi karibuni.

Wito huo umezitaka nchi kushirikiana na sekta binafsi katika kulinda haki za wahamiaji na kuhakikisha wanagawana faida za kiuchumi wanazozalisha.

Tushikamane kwa maslahi na utu wa kila mtu

Leo ni siku ya kimataifa ya mshikamano ambapo Umoja wa Mataifa unataka kila mtu popote pale alipo ashikamane na mwenzake ili kurejesha imani iliyopotea na kusongesha utu wa kila mtu, ili hatimaye kuweza kufanikisha malengo ya maendeleo endelevu, SDGs.

Vibali vya kusoma, ajira na familia vyasaidia wakimbizi wengi kuhamia ugenini kihalali- Ripoti

Takwimu mpya zilizotolewa leo zinaonyesha kuwa idadi kubwa ya nchi wanachama wa ushirikiano wa maendeleo ya kiuchumi OECD, zilipokea wakimbizi wengi kutoka mataifa yenye mizozo kupitia vibali visivyohusiana na masuala ya kibinadamu badala ya mipango ya kuhamishia wakimbizi mataifa mengine.