Ulaya

COVID-19 yasababisha watoto milioni 23 kukosa chanjo

Watoto milioni 23 duniani mwaka jana wa 2020 walikosa huduma muhimu ya chanjo zinazotolewa kuwakinga dhidi ya maradhi mbalimbali, idadi hiyo ikiwa ni ongezeko la watoto milioni 3.7 ikilinganishwa na mwaka 2019, yamesema mashirika mawili ya Umoja wa Mataifa lile la kuhudumia watoto UNICEF na lile la afya, WHO.

Pombe yahusishwa na wagonjwa wapya wa saratani 740,000 mwaka 2020 

Habari mpya kuhusu ugonjwa wa saratani inasema kwamba pombe imebainika kuwa kisababishi cha wagonjwa wapya 740,000 wa saratani au kansa kwa mwaka jana wa 2020. Takwimu  hizo ni za ulimwengu mzima na zimetolwa na taasisi ya kimataifa ya utafiti wa saratani, IARC, ambayo ni taasisi tanzu ya shirika la Umoja wa Mataifa la afya ulimwenguni, WHO. 

Kupata chanjo ya tatu na nne kunaweza kuleta balaa kwa wananchi na nchi- WHO 

Shirika la Umoja wa Matiafa la afya ulimwenguni WHO limeonya juu ya kile kinachoonekana  kuwa baadhi ya watu wanataka kuanza kuchanganya chanjo za ugonjwa wa Corona au COVID-19 na kueleza tabia hiyo inaweza kuwa na madhara kwa watu hao na pia kwa nchi zao. 

Walichopoteza watoto baada ya shule kufungwa kutokana na COVID-19 watakipataje? – Ripoti

Kufunguliwa kwa shule na vyuo vya elimu baada ya kufungwa mwaka jana kutokana na janga la ugonjwa wa Corona au COVID-19 kumeacha baadhi ya wanafunzi katika njiapanda kwa sababu kile walichopoteza wakati shule zimefungwa , bado hakuna jitihada za kutosha kuhakikisha wanakipata ili kuepusha kukosa kabisa ufahamu wa kile walichokuwa wamepangiwa kukifahamu, imesema ripoti mpya iliyotolewa leo na mashirika ya Umoja wa Mataifa na wadau. 

Usawa wa kijinsia waangaziwa zaidi huko Paris Ufaransa

Hii leo huko Paris nchini Ufaransa kumeanza jukwaa la siku tatu la kusaka kusongesha usawa wa kijinsia kwa kujumuisha vijana katika kufanikisha lengo hilo namba 5 la malengo ya maendeleo endelevu, SDGs ya Umoja wa Mataifa. Mkutano huo unafanyika kwa kuzingatia kuwa miaka 25 baada ya mkutano wa kimataifa wa wanawake huko Beijing nchini China, bado usawa wa jinsia unasalia ndoto kwa maeneo mengi. 

Je wafahamu vinavyotibua bayonuai?

Muongo wa kurejesha bayonuai umezinduliwa rasmi mwezi huu wa Juni mwaka 2021 kwa lengo la kurekebisha kile ambacho mwanadamu amefanya kuharibu mazingira ya sayari dunia na vile vile kuchukua hatua kuepusha uharibifu. Je nini kinaharibu bayonuai? Lucy Igogo wa kituo cha habari cha  Umoja wa Mataifa UNIC jijini Dar es salaam nchini Tanzania amezungumza na Clara Makenya, Mwakilishi wa shirika la Mazingira la Umoja wa Mataifa, UNEP nchini humo. Bi. Makenya anaanza kwa kuelezea chanzo cha muongo huo.

Idadi ya wanaojifungua kwa njia ya upasuaji usio wa lazima inaongezeka:WHO 

Ripoti mpya iliyotolewa na shirika la afya la Umoja wa Mataifa WHO inasema kiwango cha wanawake kujifungua kwa njia ya upasuaji kinaongezeka duniani kwa idadi inayoashiria taratibu zisizo za lazima za kiafya na zinazoweza kuletya madhara. Flora nducha amefuatilia ripoti hiyo na kuandaa taarifa hii 

Utumaji fedha kimtandao ulinusuru familia za kijijini mwaka 2020 

Mfuko wa Umoja wa Mataifa wa maendeleo ya kilimo, IFAD umesema ingawa kiwango cha wahamiaji kutuma fedha nyumbani kimtandao  wakati wa janga la ugonjwa wa Corona au COVID-19 mwaka 2020 kimeongezeka, bado kaya za vijijini zilishindwa kunufaika vyema na utumaji huo kutokana na kukosa miundombinu ya kidijitali ya kupokea fedha hizo. IFAD imesema hayo ikiwa leo ni siku ya kimataifa ya familia kutumiana fedha.

Wafanyakazi wa ndani bado wanalilia maslahi yao: ILO

Licha ya muongo mmoja wa uwepo wa mkataba wa kimataifa wa haki za wafanyakazi wa ndani,  bado kada hiyo inaendelea kupigania usawa na mazingira bora ya kazi huku janga la ugonjwa wa Corona au COVID19 likionesha dhahiri udhaifu uliopo katika kada hiyo.

Ajira za utotoni zafikia milioni 160, zaidi ya nusu ni watoto wa miaka 5 mpaka 11

Kwa mara ya kwanza katika kipindi cha miongo miwili, ajira za utotoni zimeongezeka na kufikia watoto milioni 160 na huenda takwimu hizo zikapanda kwa mwaka ujao wa 2022 iwapo hatua za haraka hazitachukuliwa kuwalinda watoto.