Asia Pasifiki

WHO inasema ni salama kusafiri licha ya kusambaa kwa homa ya H1N1 duniani

5 Mei 2009

Msemaji wa WHO, Fadela Chaib alinakiliwa pia kuonya kwenye taarifa yake mbele ya waandishi habari wa kimataifa Geneva, kwamba ijapokuwa ilani ya tahadhari juu ya maambukizo ya homa ya mafua ya H1N1 ipo kwenye kiwango cha 5 kwa sasa, uamuzi huu wa WHO haumaanishi katu watu wanaotaka kusafiri, nje ya maeneo yao, wanyimwe haki ya kusafiri.

Mfumo wa tahadhari ya mapema maafa unafanyiwa mapitio na wataalamu wa WMO

5 Mei 2009

Shirika la UM juu ya Utabiri wa Hali ya Hewa Duniani (WMO) limeripoti wataalamu 90 kutoka nchi wanachama walikutana kwenye Makao Makuu ya Geneva, kutathminia ubora wa hewa na mabadiliko ya hali ya hewa yaluiojiri ulimwenguni pamoja na athari zake.

Kamati ya Utafiti wa Sayansi yakutana Geneva kuzingatia chanjo kinga dhidi ya virusi vya H1N1

5 Mei 2009

Kikao cha pili cha Kamati ya Utafiti wa Kisayansi, kilichoongozwa kimataifa kutokea ofisi za UM za Geneva, leo jioni, kilikusanyisha wanasayansi na matabibu 150, kutoka sehemu mbalimbali za dunia, ambao walishauriana, kwa kutumia njia ya vidio, masuala kadha wa kadha kuhusu utaratibu unaofaa kuchukuliwa kidharura kutengeneza chanjo ya kudhibiti vimelea vya homa ya mafua ya A(H1N1), na kuzingatia kiwango halisi cha maambukizi ya maradhi duniani kwa sasa.

KM ahimiza ushikamano wa kimataifa kupambana na homa ya H1N1

5 Mei 2009

Kwenye mahojiano ya kila mwezi na waandishi habari wa kimataifa, yanayofanyika Makao Makuu ya UM, KM Ban Ki-Moon aliwakumbusha tena walimwengu juu ya fungamano hakika zilizidhihiri miongoni mwa mataifa katika nyakati za sasa. Kwa hivyo, alisihi Mataifa Wanachama kujitahidi kushirikiana kipamoja kudhibiti vyema mripuko wa virusi vya homa ya mafua ya H1N1, hali itakayoleta nantija kwa wote pote duniani.

Taarifa rasmi ya rakamu 15 juu ya homa ya H1N1

5 Mei 2009

Takwimu mpya kutoka Shirika la Afya Duniani (WHO) kuhusu hali halisi ya maambukizi ya homa ya mafua ya H1N1 ulimwenguni zimeonyesha ongezeko la wagonjwa 39 walioambukizwa na homa ya mafua ya A/H1N1.

Hapa na pale

4 Mei 2009

Dktr Margaret Chan, Mkurugenzi Mkuu wa Shirika la Afya Duniani (WHO), asubuhi ya leo, kwa kupitia njia ya video aliwaambia wajumbe wa kimataifa waliohudhuria kikao kisio rasmi cha Baraza Kuu, kilichofanyika asubuhi kwenye Makao Makuu ya kuwa taasisi yao imepokea ripoti zilizothibitisha jumla ya wagonjwa 1,003 kutoka nchi 20 ziliopo katika mabara manne, waligundulikana kuambukizwa na homa ya mafua ya H1N1.

Orodha fupi ya mikutano rasmi kwenye Makao Makuu

4 Mei 2009

Kwenye Makao Makuu ya UM, Ijumatatu ya leo, kumefanyika mkutano makhsusi wa Kamati Maalumu ya Kisiasa na Ufyekaji wa Ukoloni (au Kamati ya Nne). Vile vile wawakilishi wa kimataifa wamehudhuria kikao cha 17 cha Kamati juu ya Maendeleo ya Kusarifika.

BK lakutana kusikiliza ripoti ya maendeleo ya KM kwenye udhibiti wa homa ya A(H1N1)

4 Mei 2009

Leo asubuhi, kwenye Ukumbi wa Mikutano, wa rakamu ya tatu, kulisanyika wajumbe wa kimataifa kwenye kikao maalumu cha wawakilishi wote, kusikiliza fafanuzi za KM Ban Ki-moon, na Mkurugenzi Mkuu wa Shirika la Afya Duniani (WHO) Dktr Margaret Chan juu ya maandalizi ya kimataifa ya kudhibiti bora mripuko wa virusi vya homa ya mafua ya aina ya A(H1N1).

UNEP inazingatia sera mbadala kukomesha viumbe hai chafuzi (POP)

4 Mei 2009

Paul Whylie, Ofisa Mratibu wa Shirika la UM juu ya Miradi ya Hifadhi ya Mazingira (UNEP) kuhusu utekelezaji wa Mkataba wa Stockholm dhidi ya Hatari ya Kuselelea kwa Viumbe Hai Chafuzi aliiambia Redio ya UM-Geneva kwamba walimwengu wanawajibika kuhakikisha afya ya wanadamu na mazingira hupata hifadhi ya pamoja dhidi ya athari hatari za vidudu chafuzi.

Taarifa ya 13 ya WHO kuhusu homa ya A(H1N1) duniani

4 Mei 2009

Kwa mujibu wa takwimu mpya za WHO imeripotiwa nchi 20 zimethibitisha rasmi jumla ya wagonjwa 985 walioambukizwa na homa ya mafua ya A(H1N1).