Asia Pasifiki

Uongozi mpya unahitajika kukabiliana na mizozo ya ajira duniani. inasema ILO

15 Juni 2009

Juan Somavia, Mkurugenzi Mkuu wa Shirika la UM juu ya Haki za Wafanyakazi (ILO) alipohutubia kikao cha ufunguzi wa Mkutano Mkuu juu ya Masuala ya Mizozo ya Ajira Duniani, uliofanyika Geneva, amependekeza kuwepo “uongozi mpya katika viwango vyote vya kiuchumi na kijamii" ili kusuluhisha vyema mizozo ya ajira kimataifa. Mkuu huyo wa ILO, alisema ulimwengu hauwezi tena kusubiri uchumi ukuwe, kwanza, kwa miaka kadha kabla ya kuamua kuzalisha ajira.

Mkuu wa WHO ahimiza haki kwenye sera za kimataifa

15 Juni 2009

Mkurugenzi Mkuu wa Shirika la Afya Duniani (WHO), Dktr Margaret Chan aliwaambia wajumbe wa kimataifa, waliohudhuria warsha maalumu uliofanyika Makao Makuu ya UM, kuwacha ile tabia ya “kuamini, bila kuelewa, madai yanayojigamba ustawi wa uchumi na natija zake kimataifa ndio mambo yatakayofanikiwa kumaliza na kuponya matatizo yote ya maisha duniani.”

Ulimwengu sasa umo kwenye mkumbo wa awali wa maambukizo ya janga la homa ya A(H1N1), yahadharisha WHO

12 Juni 2009

Shirika la Afya Duniani (WHO) wiki hii limepandisha kiwango cha tahadhari ya maambukizi ya homa ya mafua ya aina ya A(H1N1) kutoka daraja ya 5 mpaka ya sita.

Siku ya Dunia Dhidi ya Ajira ya Watoto Wadogo

12 Juni 2009

Kwenye kumbukumbu ya miaka 10 ya Siku ya Dunia dhidi ya Ajira ya Watoto wa Umri Mdogo, siku ambayo huadhimishwa tarehe ya leo kulitolewa mwito maalumu na Shirika la UM juu ya Mfuko wa Maendeleo kwa Watoto (UNICEF), likijumuika na mashirika wenzi wa kuhimiza jamii ya kimataifa kukabiliana na sababu za msingi zenye kuchochea umasikini na ufukara, hali ambayo inaaminika ndio yenye kuwalazimisha watoto wenye umri mdogo kutafuta ajira ya kumudu maisha.

Maendeleo kupatikana kwenye mkutano wa kudhibiti mabadiliko ya hali ya hewa

12 Juni 2009

Mkutano wa UM uliofanyika Bonn, Ujerumani mwezi huu, kuzingatia masuala yanayohusu Mabadiliko ya Hali ya Hewa Duniani, umemalizika Ijumaa ya leo na iliripotiwa kumepatikana mafanikio ya kuridhisha katika maandalizi ya waraka wa ajenda ya majadiliano, kwa kubainisha dhahiri matarajio ya serikali wanachama kutoka Mkutano ujao wa Copenhagen, ili kuharakisha udhibiti bora wa taathira za mabadiliko ya hali ya hewa kimataifa.

BU laamrisha vikwazo ziada dhidi ya DPRK

12 Juni 2009

Baraza la Usalama limekutana leo adhuhuri, na kupitisha, kwa kauli moja, azimio 1874 (2009) liliopendekeza kuchukuliwa hatua kali za kuweka vikwazo dhidi ya miradi ya kutengeneza silaha za kinyuklia na makombora katika Jamhuri ya Kidemokrasia ya Umma wa Korea/Korea ya Kaskazini (DPRK).

Homa ya mafua ya A(H1N1) yatambuliwa na WHO kuwa janga la ugonjwa wa kuenea kimataifa

11 Juni 2009

Shirika la Afya Duniani (WHO) limetangaza ilani maalumu yenye kuthibitisha kwamba Homa ya Mafua ya A(H1N1) sasa inatambuliwa rasmi kuwa ni janga la ugonjwa wa kuenea kimataifa - hii ni aina ya ilani ambayo inatangazwa tena kwa mara ya kwanza na WHO baada ya kipindi cha miaka 40.

UNAIDS kuuzindua umma wa kimataifa, VVU ni washiriki bubu wa maafa ya dharura

11 Juni 2009

Mumtaz Mia, mshauri wa Jumuiya ya Mashirika ya UM dhidi ya UKIMWI (UNAIDS) kwa ukanda wa Mashariki na Kusini mwa Afrika, amenakiliwa akitahadharisha ya kwamba mara nyingi, hasakatika mataifa yanayoendelea, huduma ya kuzuia maambukizo ya virusi vya UKIMWI huwa haipewi umuhimu unaostahiki, hasa baada ya kuzuka mizozo kadhaa ya dharura katika majiraya karibuni.

WFP kuonya, mizozo ya fedha duniani hupalilia njaa kwa mafukara

11 Juni 2009

Ripoti mpya ya uchunguzi, iliotolewa na Shirika la Miradi ya Chakula Duniani (WFP) leo imeeleza ya kuwa mzozo wa kifedha uliozuka katika miezi ya karibuni, katika soko la kimataifa, umeathiri zaidi watu maskini na wale wenye njaa - umma ambao hali yao ya kimaisha inaashiriwa itaharibika zaidi katika siku zijazo.

Treky wa Libya ateuliwa kuwa raisi wa 64 wa Baraza Kuu

10 Juni 2009

Dktr Ali Abdessalaam Treky wa Jamhuri ya Kiarabu ya Libya, aliye Katibu wa Masuala ya Umoja wa Afrika taifani mwao, amechaguliwa leo na wajumbe wa kimataifa, na bila kupingwa, kuwa raisi wa kikao kijacho cha 64 cha Baraza Kuu la UM, kikao ambacho kitaanza shughuli zake mwezi Septemba (2009).