Asia Pasifiki

Mkuu wa WHO anasema taarifa inayoaminika ya H1N1 ni muhimu kutuliza wahka wa umma kimataifa

19 Mei 2009

Dktr Margaret Chan, Mkurugenzi Mkuu wa Shirika la WHO, kwenye mashauriano ya kiwango cha juu kuhusu maambukizi ya homa ya mafua ya A(H1N1) yaliofanyika Geneva Ijumatatu, alitilia mkazo umuhimu wa kuripoti "taarifa halisi za kitaaluma, zinazoaminika, juu ya vipengele mbalimbali vilivyodhihiri kuhusu ugonjwa huu, na kuwawezesha wataalamu kufanya maamuzi ya dharura ya kudhibiti bora mfumko wa maradhi kwa kujitayarisha kukabiliana na janga hilo kimataifa."

Makampuni ya madawa yaombwa na KM kushirikiana kimataifa kudhibiti vyema homa ya A(H1N1)

19 Mei 2009

KM Ban Ki-moon kwenye risala yake mbele ya kikao cha 62 cha Baraza Kuu la Afya Duniani, kilichofunguliwa rasmi mapema wiki hii mjini Geneva, aliyahimiza makampuni yenye kutengeneza madawa kushirikiana na serikali wanachama katika kutafuta suluhu ya dharura, ili kuulinda ulimwengu na maambukizi hatari ya mripuko wa karibuni wa maradhi ya homa ya mafua ya A(H1N1).

Kikao cha mwaka cha wenyeji wa asili kimefunguliwa rasmi Makao Makuu

18 Mei 2009

Tume ya Kudumu ya UM juu ya Masauala ya Wenyeji wa Asili (UNPFII) imeanzisha kikao cha mwaka, kitakachokua karibu wiki mbili, kwenye Makao Makuu ya UM na kuendelea mpaka tarehe 29 Mei (2009), kwa makusudio ya kusailia taratibu za kuharakisha utekelezaji wa Mwito wa Kimataifa juu ya Haki za Wenyeji wa Asili.

Mashitaka mapya dhidi ya Aung San Suu Kyi yalaumiwa na Navi Pillay

18 Mei 2009

Kamishna Mkuu wa UM juu ya Haki za Binadamu, Navi Pillay, Ijumaa alishtumu taarifa zilizoonyesha kwamba wenye mamlaka Myanmar walimfungulia mashitaka mapya mpinzani, Aung San Suu Kyi. Aliwasihi kufuta msururu wa mashitaka ambayo yanafungamana na tukio nje ya uwezo wa Aung San Suu Kyi.

Ripoti kinga ya WHO dhidi ya maambukizi ya homa ya A(H1N1)

15 Mei 2009

Alkhamisi (14 Mei 2009), taarifa ya Shirika la Afya Duniani juu ya hali ya maambukizi ya vimelea vya homa ya mafua ya H1N1 ulimwenguni ilieleza ya kuwa nchi wanachama 33 ziliripoti rasmi kwa WHO kugundua wagonjwa waliopatwa na maradhi hayo kwenye maeneo yao.

Takwimu za WHO juu ya Homa ya A(H1N1)

15 Mei 2009

Takwimu mpya za Shirika la Afya Duniani (WHO) juu ya maambukizi ya homa ya mafua ya A(H1N1) zinasema nchi 34 zimethibitisha rasmi kugundua wagonjwa waliopatwa na maradhi haya kwenye maeno yao.

OCHA imelaani kitendo cha kufanya raia ngao dhidi ya mashambulio Sri Lanka

15 Mei 2009

Ofisi ya UM juu ya Misaada ya Dharura (OCHA) imetoa taarifa kali iliolaani idadi kubwa ya mauaji yanayofanyika kwenye mapigano yaliojiri sasa hivi katika Sr Lanka, hali ambayo UM unasema haikubaliki na ni lazima irekibishwe haraka.

Siku ya Kimataifa kwa Familia 2009 yaadhimishwa na UM

15 Mei 2009

Tarehe 15 Mei huadhimishwa rasmi kila mwaka na UM kuwa ni \'Siku ya Kimataifa Kuhishimu Familia\'.

Kamishna Mkuu juu ya wahamiaji azuru Pakistan kutathminia hali ya waathirika mapigano

15 Mei 2009

António Guterres, Kamishna Mkuu wa UM juu ya Huduma za Wahamiaji (UNHCR) Alkhamisi alianza ziara rasmi ya siku tatu katika Pakistan, kufanya tathmini ya mahitaji ya dharura ya kihali ya raia 800,000 waliong\'olewa makazi, kutokana na mapigano makali yalioshtadi karibuni baina ya vikosi vya Serikali na wapambanaji wapinzani, kwenye eneo la kaskazini-magharibi.

Baraza la Usalama lashtumu vikali kundi la LTTE Sri Lanka kwa "ugaidi ulioselelea"

14 Mei 2009

Ijumatano Baraza la Usalama limearifu kuingiwa wahka mkuu juu ya kuongezeka kwa uharibifu wa hali ya kiutu katika Sri Lanka, kwa sababu ya mapigano makali katika Sri Lanka baina ya vikosi vya Serikali na kundi la wapinzani la LTTE.