Asia Pasifiki

Teknolojia mpya zibuniwe kupunguza uchafuzi wa mazingira utokanao na safari za majini

Ikiwa leo ni siku ya kimataifa ya usafirishaji bidhaa baharini, Katibu Mkuu wa Umoja wa Mataifa Antonio Guterres amesema meli zitakazosafiri katika muongo huu zitatoa majibu iwapo sekta ya usafirishaji baharini imejipanga kutotoa hewa chafuzi ifikapo mwaka 2050 au la.

Kichaa cha mbwa bado ni tishio licha ya kuweko kwa chanjo- WHO

Hii leo tarehe 28 mwezi Septemba ni siku ya kichaa cha mbwa duniani siku ambayo shirika la Umoja wa Mataifa la afya ulimwenguni, WHO linaitumia kuelimisha umma juu ya madhara ya ugonjwa huo ambao licha ya kuwa na kinga bado unasababisha vifo hususan barani Afrika na Asia.

UN yaendelea kufuatilia kinachoendelea Iran

Katibu Mkuu wa Umoja wa Mataifa Antonio Guterres anafuatilia kwa karibu maandamano yanayoendelea nchini Iran ambayo chanzo chake ni kifo cha msichana Mahsa Amini aliyekufa mikononi mwa polisi baada ya kukamatwa tarehe 13 Septemba kwa madai ya kuvaa hijabu kinyume na inavyotakiwa nchini humo.

Sekta ya Utalii yazidi kuimarisha duniani kote

Leo ni siku ya utalii duniani na ulimwengu uko kwenye mwelekeo mzuri katika sekta ya utalii ikilinganishwa na miaka miwili iliyopita kufuatia janga la COVID-19.

Kifo cha Mahsa: UN yaingiwa hofu ya matumizi ya nguvu kupita kiasi Iran

Hali ikizidi kuwa tete nchini Iran, ofisi ya Umoja wa Mataifa ya Haki za Binadamu, OHCHR imesema ina wasiwasi mkubwa kutokana na vikosi vya usalama nchini Iran humo kuendelea kutumia hatua kali za kudhibiti waandamanaji, huku njia za mawasiliano zikidhibitiwa na kuathiri mawasiliano kwa njia ya simu za mezani na kiganjani halikadhalika mitandao ya kijamii.

Körösi, akunja jamvi la mjadala wa ngazi ya juu wa UNGA77

Magari yaliyotanda kuzunguka makao makuu ya Umoja wa Mataifa kwa ajili ya kuhakikisha usalama wakati wa wiki ya mjadala wa ngazi ya juu wa viongozi kwenye Baraza Kuu UNGA77 sasa yameondoka na barabara iliyofungwa kufunguliwa, polisi wengi na maafisa wa ujasusi ambao walizuia njia za kuelekea kwenye jengo la Umoja wa Mataifa, nao wametrejea kwenye majukumu yao ya kila siku, kilomita za vyuma vilivyokuwa vizuizi kuzunguka eneo hilo la Umoja wa Mataifa New York, vinavyojulikana kama Turtle Bay navyo vimesafirishwa kwa malori hadi kwenye maghala kusubiri hadi mwakani kwani wiki ya mjadala wa ngazi ya juu imemalizika kwenye Baraza Kuu la Umoja wa Mataifa  .

Vita ya Ukraine na Urusi: India iko upande wa amani na itasalia huko

India imesema itaendelezeka ahadi zake za ushirikiano wa pande nyingi, wenye ushahidi uliothibitishwa,  uamuzi wa kusambaza chanjo kwa mataifa zaidi ya 100 duniani, kutoa misaada ya maafa kwa wale walio katika taabu, kushirikiana na nchi nyingine, kwa kuzingatia ukuaji wenye kujali mazingira, muungano bora wa kidijitali na upatikanaji wa huduma ya afya.

Hakuna taifa lililo bora kuliko lingine, mshikamano wa kimataifa ni muhimu:China

Kila mtu katika hii dunia anategemea amani ili kuweza kuishi, kuwa huru, kuwa na maendeleo na kufurahia maendeleo hivyo ni jukumu la kila mtu na kila nchi kuidumisha amesema Wang Yi Waziri wa mambo ya nje wa China akiwasilisha hotuba yake kwenye mjadala wa wazi wa Baraza Kuu hii leo mjini New York Marekani.

Wakimbizi 20,000 kutoka Afghanistani wahamia Canada tangu mwaka jana- IOM

Suala la kuhamishia wakimbizi nchi ya tatu kama njia mojawapo ya kutekeleza mkataba wa kimataifa wa wakimbizi linaendelea kuzaa matunda ambapo shirika la uhamiaji la Umoja wa Mataifa linasema tangu mwezi Agosti mwaka jana wa 2021 hadi leo hii limesaidia wakimbizi 20,000 kutoka Afghanistan kuhamia nchini Canada.

Nishati ya sola yaongeza kasi ya ajira duniani

Kama bado unapuuza suala la nishati jadidifu ikiwemo ile ya sola, ni wakati wa kuchukua hatua sasa kwani ripoti mpya iliyotolewa leo na shirika la kimataifa la nishati jadidifu, IRENA na lile la Umoja wa Mataifa la kazi duniani, ILO imethibitisha ukuaji wa ajira kwenye sekta ya nishati jadidifu na kutaka mikakati ya kuweka mnyonyoro tulivu wa thamani na ajira zenye hadhi, ikisema mwaka jana idadi ya ajira kwenye sekta hiyo ilifikia milioni 12.7, ikiwa ni ongezeko la ajira mpya 700,000 licha ya janga la COVID-19.