Asia Pasifiki

Shule hazipaswi kulengwa na mashambulizi Pakistan: UNICEF  

Shirika la Umoja wa Mataifa la kuhudumia watoto UNICEF limelaani vikali shambulio la mabomu lililokatili maisha ya angalau watu saba kwenye shule ya kidini nchini Pakistan. 

UN ikitimiza miaka 75 leo, malengo ya kuanzishwa ni muhimu zaidi hivi sasa kuliko wakati wowote ule- Guterres

Leo ni siku ya Umoja wa Mataifa ikiwa ni maadhimisho ya miaka 75 tangu kuanzishwa kwa chombo hicho mwaka 1945 huko San Francisco nchini Marekani wakati huu wanachama waanzilishi wakiwa ni 50.

COVID-19 kutumbukiza mamilioni zaidi ya watu katika umasikini:Guterres

Ikiwa leo ni siku ya kimataifa ya kutokomeza umasikini, Katibu Mkuu wa Umoja wa Mataifa amesema janga la corona au COVID-19 litawatumbukiza mamilioni ya watu zaidi katika janga la umasikini. 

Ubakaji ni kosa lakini kuwahukumu kifo na kuwahasi watekelezaji si suluhu:Bachelet 

Kamishina mkuu wa haki za binadamu amesema ingawa watekelezaji wa ubakaji na mifumo mingine ya ukatili wa kingono lazima wawajibishwe, hukumu ya kifo au utesaji sio jawabu muafaka. 

Wahalifu wanasaka kufaidika na COVID-19, tushirikiane kupambana nao:UNODC 

Wakati mitandao ya uhalifu kote duniani ikijaribu kusaka mbinu za kunufaika na janga la corona au COVID-19, ni muhimu kwa serikali kushirikiana na kufanyakazi pamoja kwa mujibu wa mktaba wa Umoja wa Mataifa wa kupambana na usafirishaji haramu wa binadamu, usafirishaji wa silaha na uhalifu miongoni mwa nchi , amesema Katibu Mkuu wa Umoja wa Mataifa Antonio Guterres. 

Kushughulikia afya ya akili ni muhimu katika kufikia uhakika wa afya kwa wote-Guterres  

Kuelekea siku ya afya ya akili inayoadhimishwa kesho Oktoba 10, huku takwimu zikionesha kuwa takribani watu bilioni 1 duniani kote wanaishi na matatizo ya akili, Katibu Mkuu wa Umoja wa Mataifa Antonio Guterres kupitia ujumbe wake kwa siku hii amesema, inabidi hatua zichukuliwe ili kuhakikisha kunakuwa na huduma bora ya afya ya akili kwa wote kwani hivi sasa inaonesha pia kuwa kila sekunde 30 mtu mmoja anajiua kutokana na tatizo hili la afya ya akili.  

COVID-19 yashamirisha biashara mtandaoni:UNCTAD 

Janga la corona au COVID-19 limebadili mtazamo wa watu kuhusu kuelekea zaidi kwenye ulimwengu wa kidijitali kwa mujibu wa matokeo ya utafidi wa wateja uliofanywa hivi karibuni ya shirika la Umoja wa Mataifa la biashara na maendeleo UNCTAD. 

Pande kinzani Kyrgyzstan jizuieni na machafuko zaidi- Guterres 

Katibu Mkuu wa Umoja wa Mataifa Antonio Guterres ametoa wito kwa pande husika katika mvutano wa baada ya uchaguzi wa bunge nchini Kyrgyzstan kujizuia na machafuko zaidi baada ya taarifa za watu kujeruhiwa na mmoja kupoteza maisha katika maandamano yaliyozuka jana Jumatatu. 

COVID-19 inaingilia huduma muhimu za afya ya akili yaonya WHO 

Janga la kimataifa la corona au COVID-19 linaingilia huduma muhimu za afya ya akili katika asilimia 93 ya nchi wanachama wa shirika la afya la Umoja wa Mataifa WHO na kuainisha haja ya haraka ya kuongeza ufadhili, limesema shirika hilo la WHO. 

Miaka 25 baada ya Beijing, kuna mafanikio lakini kasi ni ndogo- Phumzile

Azimio la Beijing na Jukwaa la kuchukua hatua vimefungua zama mpya ya kusaka usawa wa kijinsia, amesema Phumzile Mlambo-Ngcuka katika hotuba yake aliyotoa leo kwenye makao makuu ya Umoja wa Mataifa, jijini New York, Marekani wakati wa miaka 25 ya maadhimisho ya mkutano wa kimataifa wa wanawake, FWCW uliofanyika Beijing, China.