Amerika

Ripoti ya tabianchi ni onyo kwa sayari- Guterres

Mataifa hayajafikia popote katika kiwango kinachotakiwa kukabili ongezeko la joto duniani, imesema ripoti mpya ya Umoja wa Mataifa iliyotolewa hii leo huku ikisihi serikali kuchukua hatua thabiti zaidi na za kina ili kufikia malengo ya mkataba wa Paris wa mabadiliko ya tabianchi ya kuhakikisha ongezeko la joto halizidi nyuzijoto 1.5 katika kipimo cha Selsiyasi ifikapo mwishoni mwa karne hii.
 

COVID-19 yaongeza mahitaji ya Oksijeni, WHO na wadau wachukua hatua

Shirika la afya la Umoja wa Mataifa, WHO na wadau wake leo wamezindua kikosi kazi cha kuhakikisha nchi za kipato cha chini na cha kati, LMICs zinapata mitungi ya hewa ya Oksijeni ambayo mahitaji yake yameongezeka hivi sasa kutokana na janga la ugonjwa wa Corona au COVID-19.

Nchi kadhaa zinazoendelea zinafanya vizuri katika matumizi ya teknolojia mpya lakini nyingi zasalia nyuma-UNCTAD Ripoti 

Baadhi ya mataifa yanayoendelea yanaonesha uwezo wa kutumia na kuchukua teknolojia mpya ikilinganishwa na vipimo vya pato la kitaifa lakini nyingi bado zinasalia nyuma, imesema ripoti mpya ya Kamati ya Umoja wa Mataifa ya biashara na maendeleo, UNCTAD ya mwaka 2021 ambayo imetolewa leo Februari 25 mjini Geneva Uswisi. 

Kujikwamua na COVID-19 ni fursa ya kuhakikisha haki za binadamu kwa wote:Guterres

Haki za binadamu zimeathirika vibaya wakati wa janga la corona au COVID-19, lakini wakati huu wa kujikwamua na janga hilo ni fursa muhimu ya kuboresha hilo na kuhakikisha utu kwa wote, amesema leo Katibu Mkuu wa Umoja wa Mataifa Antonio Guterres kwenye Baraza Kuu la Umoja huo.

Janga la Corona lapeleka mrama mgao wa vyakula shuleni- WFP 

Mafanikio ya miongo kadha ya mgao wa chakula shuleni yaliyolenga watoto walio hatarini na wasio na uwezo wa kupata mlo bora, yako hatarini kutumbukia nyongo kutokana na janga la ugonjwa wa Corona au COVID-19, imesema ripoti mpya ya Umoja wa Mataifa iliyotolewa hii leo huko Roma Italia ikimulika hali ya mpango wa mlo shuleni duniai, SOSFW

Takriban watu milioni 8 wanakabiliwa na njaa Amerika ya Kati na kuhitaji msaada:WFP

Janga la njaa limeongezeka karibu mara nne katika miaka miwli iliyopita nchini El Salvador, Guatemala, Honduras na Nicaragua na kuwaacha takriban watu milioni 8 katika eneo hilo la Amerika ya Kati wakihitaji msaada mwaka huu wa 2021, limesema shirika la Umoja wa Mataifa la mpango wa chakula WFP.

Adhabu ya kifo haipunguzi idadi ya mauaji: Bachelet

Kamishina Mkuu wa haki za binadamu wa Umoja wa Mataifa amesema hakuna ushahidi kwamba adhabu ya kifo itakuwa na matokeo mazuri ya kupunguza vitendo vya mauaji.

Ushirikiano wa kimataifa ni muhimu zaidi sasa kukabili dharura ya tabianchi- Guterres

Baraza la Usalama la Umoja wa Mataifa leo limekuwa na mjadala kuhusu vitisho vya amani na usalama duniani visababishwavyo na janga la tabianchi ambapo Katibu Mkuu wa Umoja wa Mataifa Antonio Guterres amesema janga la tabianchi ni changamoto ya ushirikiano wa kimataifa katika zama za sasa.

Ukuaji wa haraka wa uchumi wa kidijitali unahitaji majibu madhubuti ya sera

Ripoti mpya ya shirika la kazi la Umoja wa Mataifa, ILO iliyotolewa hii leo mjini Geneva Uswisi, imesema majukwaa ya kazi ya kidijitali ulimwenguni yameongezeka mara tano katika muongo mmoja uliopita ingawa kunahitajika utatuzi wa adha zinazoambatana na ukuaji huo.

Mapinduzi ya kijeshi hayana nafasi karne ya sasa - Guterres

Mkutano wa 46 wa Baraza la Haki za Binadamu la Umoja wa Mataifa umeanza hii leo huko Geneva, USwisi ambapo Katibu Mkuu wa Umoja wa Mataifa Antonio Guterres ametumia fursa hiyo  kusisitiza mshikamano wake na watu wa Myanmar, wiki tatu baada ya mapinduzi ya kijeshi yaliyosababisha maelfu ya watu kuingia mitaani na kuandamana.