Amerika

Mkataba wa kimataifa wa uhamiaji kupitishwa rasmi Marrakech- UN

Wakuu wa nchi na serikali, mawaziri, viongozi wengine wa ngazi ya juu, asasi za kiraia na wawakilishi toka sekta za umma na binafsi wamekusanyika mjini Marrakech nchini Morocco,   kwa ajili ya mkutano wa ngazi ya juu kwa lengo moja tu, kupitisha mkataba wa kimataifa wa uhamiaji.

Mambo yamekamilika, macho na masikio Marrakech

Sasa ni wakati wa kupatia uhai mkataba wa kimataifa kuhusu uhamiaji salama na unaofuata kanuni, amesema Katibu Mkuu wa Umoja wa Mataifa Antonio Guterres wakati akizungumza kwenye hafla maalum ilyofanyika huko Marrakech nchini Morocco, wakati wa mkesha wa kuanza mkutano wa viongozi waandamizi wa serikali wenye lengo la kupitisha mkataba huo siku ya Jumanne.
 

Rushwa yawa  hoja kuu wakati wa upigaji kura- Guterres

Leo ni siku ya kimataifa ya kutokomeza rushwa ambapo Katibu Mkuu wa Umoja wa Mataifa Antonio Guterres anasema vitendo vya ufisadi vimeshamiri nchi zote iwe maskini au tajiri, iwe za kaskazini au kusini.
 

Pamoja na kustahili uhuru, kila mtu ana wajibu kwa jamii.

Tarehe 10 Desemba 1948, Umoja wa Mataifa uliridhia tamko la haki za binadamu ambalo kwa miaka yote limekuwa muongozo kwa nchi wanachama kote duniani kutunga sheria zinazolenga kumwakikishia haki kila mwanadamu, na kwa hivyo tarehe 10 Desemba mwaka huu wa 2018, dunia inaadhimisha kutimia kwa miaka 70 ya tamko hilo.

Kila mtu ana haki ya kufurahia utulivu wa kijamii na kimataifa


Disemba 10, dunia itaadhimisha miaka sabini tangu kuridhiwa kwa tamko la haki za binadamu la Umoja wa Mataifa. Nyaraka hii imetajwa kuwa ya kipekee kwani imezingatia haki zote na imejumuisha makundi ya watu wote katika jamii ikiwemo makundi ya watu walio wachache. 

 

Mamia wakielekea Marrakech, CO24 nayo yajadili tabianchi na uhamiaji

Wakati mamia ya watunga sera wakikusanyika huko Marrakech nchini Morocco kwa ajili ya kukubaliana juu ya mkataba mpya wa kimataifa kuhusu uhamiaji, mkutano wa 24 wa nchi wanachama wa mkataba wa mabadiliko ya tabianchi, COP24 huko Katowice Poland, nao unajikita katika njia thabiti za kusaidia nchi kukabiliana na ukimbizi wa ndani  utokanao na madhara ya mabadiliko ya tabianchi ikiwemo ukosefu wa maji, mafuriko, vimbunga na kuongezeka kwa kina cha maji ya bahari
 

Usasa hautuepushi na mauaji ya kimbari bali maadili na vitendo -UN

Miaka 70 tangu kupitishwa kwa mkataba wa kimataifa wa kuzuia mauaji ya kimbari, bado watu wanauawa, wanabakwa, nyumba zao kutiwa moto, wananyang’anywa ardhi zao kwa sababu tu ya utambulisho wao.

CERF ndio mkombozi na ahadi yetu kwa walionasa kwenye majanga- Guterres

Mkutano wa mwaka wa mfuko wa Umoja wa Mataifa wa usaidizi wa dharura kwa majanga yanayokumba binadamu, CERF  umefanyika leo jijini New York, Marekani ambapo Katibu Mkuu wa umoja huo, Antonio Guterres amesema CERF amesihi wahisani kuchangia zaidi ili kufikia lengo la uchangiaji la dola bilioni 1 kwa mwaka lililowekwa na Baraza Kuu la umoja huo miaka miwili iliyopita.

Kuna haja ya kuamsha ari ya utekelezaji wa tamko la haki za binadamu-UN

Wataalamu huru wa haki za binadamu  wa Umoja wa Mataifa wamesisitiza haja ya kuamsha tena ari ya utekelezaji wa tamko la haki za binadamu lililozinduliwa yapata miaka 70 iliyopita.

Asilimia 51 watu duniani watatumia intaneti ifikapo mwisho wa 2018-ITU

Asilimia 51.2 ya watu wote duniani sawa na watu bilioni 3.9 watakuwa wanatumia mtandao wa intaneti ifikapo mwishoni mwa mwaka huu wa 2018, kwa mujibu wa makadirio mapya yaliyotolewa leo na ITU ambalo ni shirika la Umoja wa Mataifa kwa ajili ya habari na teknolojia ya mawasiliano au ICTs.