Afrika

Kuna mwanga wa matumaini Maziwa Makuu licha ya changamoto zilizopo:Xia

Eneo la Maziwa Makuu barani Afrika licha ya kuendelea kukabiliwa na changamoto lukuki , kuna mwanga wa matumaini na kupunguza madhila kwa watu wa eneo hilo amesema leo mjumbe maalum wa Umoja wa Mataifa katika kanda hiyo.

Matajiri Afrika wawekeze kwa vijana Afrika-UNCTAD

Lengo la kuanzisha ubia kati ya Kamati ya biashara na maendeleo ya Umoja wa Mataifa, UNCTAD na mjasiriamali Jack Ma kutoka Uchina ni kukusanya vijana kutoka nchi zinazoendelea na kuwawezesha kupaza sauti kuhusu mambo ambayo wangetaka yafanyike ili kurahisisha utendaji wa biashara mtandaoni.

Ukame wawalazimu Wasomali zaidi kufungasha virago kuingia Ethiopia: UNHCR

Hali mbaya ya ukame na usalama nchini Somalia imewalazimu maelfu wa watu kuendelea kufungasha virago tena na kukimbia nchi jirani ya Ethiopia kwa mujibu wa shirika la Umoja wa Mataifa la kuhudumia wakimbizi UNHCR. 

Mradi wa uzazi wa mpango wa UNFPA kisiwani Unguja umeboresha hata mapenzi kati yetu-Othman Vuai

Na sasa tuelekee Kwarara Unguja, Zanzibar nchini Tanzania ambako shirika la idadi ya watu duniani, UNFPA limefadhili mradi wa ushirikishaji wa wanaume katika elimu ya afya ya Uzazi.

Afisa Mawasiliano mkuu wa UNFPA Tanzania, Warren Bright katika kukagua miradi hiyo kuangazia miaka 25 ya mafanikio ya mkutano wa kimataifa kuhusu idadi ya watu na maendeleo, ICPD uliofanyika Cairo, Misri mwaka 1994, amezungumza na Mwalimu Othman Maulid Vuai na mkewe Nargis Nassor ambao ni wanufaika wa mradi huo.

 

 

Kuelekea ustawi wa wote, hebu tuzibe pengo la tufanyacho na kile tuwezacho kufanya- Guterres

Katibu Mkuu wa Umoja wa Mataifa Antonio Guterres amesema maono ya baba wa taifa la India, Mahatma Gandhi yameendelea kuvuma ulimwenguni kote kupitia kazi za umoja huo za maelewano, usawa, maendeleo endelevu, uwezeshaji vijana na suluhu ya amani ya mizozo.

Sasa tunaona mkataba mpya Sudan Kusini ni wetu sote na si serikali pekee- Mkimbizi wa ndani

Nchini Sudan Kusini harakati zinaendelea za kuhakikisha mkataba mpya wa amani uliotiwa sain mwezi Septemba mwaka jana huko Addis Ababa Ethiopia unakuwa na mashiko mashinani ili kila mtu aweze kushiriki na hatimaye amani ya kudumu na endelevu iweze kupatikana kwenye taifa hilo. John Kibego na ripoti kamili.

Chanjo dhidi ya kipindupindu Sudan kuanza katikati ya mwezi huu- WHO

Shirika la afya ulimwenguni, WHO limesema awamu ya kwanza ya utoaji wa chanjo dhidi ya ugonjwa Kipindupindu kwenye majimbo mawili ya Blue Nile na Sinnar nchini Sudan itaanza katikati ya mwezi huu wa Oktoba.

Majadiliano kati ya WHO na Tanzania kuhusu Ebola yanaendelea-WHO

Shirika la afya duniani WHO hii leo limesema mazungumzo ya ngazi ya juu kabisa yanaendelea kati yake na serikali ya Tanzania kuhusu tetesi zilizokuwa zinadai uwepo wa mlipuko wa Ebola nchini humo.

Surua ikiua zaidi ya watu 3, 600 DRC, WHO na wadau waendesha kampeni ya chanjo

Shirika  la afya ulimwenguni, WHO na wadau wamezindua kampeni ya dharura  nchini Jamhuri ya Kidemokrasia ya Kongo, DRC kwa ajili ya kukabiliana na mlipuko mkubwa wa surua ambao  hadi sasa umesababisha vifo vya watu zaidi ya 3,600.

Maisha ya mzee yasalia mashakani, Uganda

Leo Oktoba Mosi ni siku ya wazee duniani ambapo mwaka huu kauli mbiu ni “safari ya kuzeeka kwa usawa” kwa kutambua kwamba malengo ya maendeleo endelevu, SDGs yatafikiwa pale tu watu wa umri wote wamejumuishwa.