Afrika

Orodha fupi ya mikutano rasmi kwenye Makao Makuu

Kwenye Makao Makuu ya UM, Ijumatatu ya leo, kumefanyika mkutano makhsusi wa Kamati Maalumu ya Kisiasa na Ufyekaji wa Ukoloni (au Kamati ya Nne). Vile vile wawakilishi wa kimataifa wamehudhuria kikao cha 17 cha Kamati juu ya Maendeleo ya Kusarifika.

BK lakutana kusikiliza ripoti ya maendeleo ya KM kwenye udhibiti wa homa ya A(H1N1)

Leo asubuhi, kwenye Ukumbi wa Mikutano, wa rakamu ya tatu, kulisanyika wajumbe wa kimataifa kwenye kikao maalumu cha wawakilishi wote, kusikiliza fafanuzi za KM Ban Ki-moon, na Mkurugenzi Mkuu wa Shirika la Afya Duniani (WHO) Dktr Margaret Chan juu ya maandalizi ya kimataifa ya kudhibiti bora mripuko wa virusi vya homa ya mafua ya aina ya A(H1N1).

UNEP inazingatia sera mbadala kukomesha viumbe hai chafuzi (POP)

Paul Whylie, Ofisa Mratibu wa Shirika la UM juu ya Miradi ya Hifadhi ya Mazingira (UNEP) kuhusu utekelezaji wa Mkataba wa Stockholm dhidi ya Hatari ya Kuselelea kwa Viumbe Hai Chafuzi aliiambia Redio ya UM-Geneva kwamba walimwengu wanawajibika kuhakikisha afya ya wanadamu na mazingira hupata hifadhi ya pamoja dhidi ya athari hatari za vidudu chafuzi.

Taarifa ya 13 ya WHO kuhusu homa ya A(H1N1) duniani

Kwa mujibu wa takwimu mpya za WHO imeripotiwa nchi 20 zimethibitisha rasmi jumla ya wagonjwa 985 walioambukizwa na homa ya mafua ya A(H1N1).

Mkurugenzi wa mradi wa kudhibiti Malaria Zanzibar asailia maendeleo kwenye huduma za kuyatokomeza maradhi

Taarifa za Shirika la Afya Duniani (WHO) zinakadiria nusu ya idadi ya watu ulimwenguni wanahatarishwa, kila kukicha na maambukizi maututi ya malaria, hususan ule umma wenye kuishi kwenye nchi masikini.

UNHCR na Wakf wa Mandela waazimu kupiga vita bia chuki za wageni Afrika Kusini

Shirika la UM Linalohudumia Wahamiaji (UNHCR) pamoja na Taasisi ya Wakf wa Nelson Mandela (NMF) wamejumuika kwenye kadhia muhimu ya kupiga vita lile janga la hatari kuu inayochochea chuki za wazalendo dhidi ya wageni katika Afrika Kusini, tatizo ambalo mwaka jana lilisababisha mauaji ya wageni 62, wingi wao wakiwa wahamiaji kutoka nchi za Afrika pamoja na watu wenye kuomba hifadhi ya kisiasa.

Siku ya Uhuru wa Vyombo vya Habari kuadhimishwa na UM Ijumapili - 03 Mei 2009

Tarehe 03 Mei huadhimishwa kila mwaka na UM kuwa ni Sikukuu ya Uhuru wa Vyombo vya Habari Duniani.

Baraza la Usalama

Alkhamisi Baraza la Usalama asubuhi lilianza shughuli zake kwa kujadilia hali katika Cyprus, na maendeleo kuhusu mazungumzo ya kusawazisha mfarakano baina ya raia wa Kigiriki na wale wa Kituruki.

Uamuzi wa mahakama ya jeshi la JKK waungwa mkono na MONUC

Alan Doss, Mjumbe Maalumu wa KM kwa JKK ameyakaribisha maamuzi ya mahakama ya kijeshi la taifa ya kuwatia hatiani maofisa 20 wa jeshi, waliotuhumiwa kushiriki kwenye makosa yanayojumlisha wizi wa mabavu, jinai dhidi ya utu na vitendo haramu vya kunajisi raia kihorera.

Ofisa wa ECA ameripoti taaluma ya sayansi Afrika ndio ngao dhidi ya migogoro

Wataalamu wa sayansi 600 kutoka sehemu mbalimbali za dunia wamekusanyika wiki hii Addis Ababa, Ethiopia kuhudhuria Kikao cha Awali cha Kamati ya Maendeleo ya Sayansi na Teknolojia (CODIST-1) kilichoanza mashauriano leo Alkhamisi.