Afrika

Hali Chad Mashariki yazidi kuharibika, kuhadharisha OCHA

22 Disemba 2009

Ofisi ya UM juu ya Misaada ya Dharura (OCHA) imeripoti hali ya usalama katika Chad Mashariki inaendelea kuwa mbaya zaidi. Mnamo mwisho wa wiki iliopita, msafara wa UM wa magari matatu ya kiraia, wa Shirika la UM juu ya Ulinzi Amani katika Jamuri ya Afrika ya Kati na Chad (MINURCAT) uliohusika na ugawaji wa misaada ya kihali kwa umma waathirika wa mapigano, ulishambuliwa na majambazi wasiojulikana wanane. Ofisa mmoja wa Vikosi vya Ulinzi wa Mchanganyiko, aliyekuwa akiongoza msafara wa UM, alijeruhiwa.

Ban aweka muda kwa mataifa kutia sahihi Itifaki ya Copenhagen kudhibiti hali ya hewa ya kigeugeu

22 Disemba 2009

KM Ban Ki-moon jana alitangaza mwito maalumu kwa mataifa makuu, unaoyanasihi kuongeza bidii zao ili kuhakikisha, katika 2010 kutapatikana maafikiano ya kimataifa yenye sharti kisheria, juu ya udhibiti bora wa mabadiliko ya hali ya hewa katika ulimwengu.

Ripoti ya fujo Guinea yakabidhiwa makundi husika na KM

21 Disemba 2009

Msemaji wa KM ameripoti kwamba Ban Ki-moon leo amewatumia makundi kadha husika na tukio la Guinea, ripoti maalumu ya Tume ya Uchunguzi ya Kimataifa juu ya hatua kali za kinidhamu zilizochukuliwa na vikosi vya usalama dhidi ya raia waliokuwa wakiandamana, bila ya fujo, kwenye mji wa Conakry, mnamo mwisho wa mwezi Septemba mwaka huu, ambapo raia wanaokadiriwa 150 waliuawa, na wingi kujeruhiwa.

UM imelaumu vikali waasi wa LRA kwa mauaji na mateso ya raia katika JKK

21 Disemba 2009

Vile vile hii leo, kumewasilishwa ripoti nyengine ya apmoja ya Ofisi ya Kamishna Mkuu wa UM juu ya Haki za Binadamu (OHCHR) na Shirika la Ulinzi Amani la UM katika JKK (MONUC) kuhusu mashambulio ya kikatili yaliofanywa na waasi wa LRA katika JKK.

OHCHR inasema mashambulio ya LRA Sudan Kusini ni "madhambi yanayokiuka ubinadamu"

21 Disemba 2009

Ofisi ya Kamishna Mkuu wa UM juu ya Haki za Binadamu (OHCHR) Ijumatatu imechapisha ripoti mpya juu ya Sudan, ilioeleza ya kwamba mashambulio katili, dhidi ya raia, yalioendelezwa na wapiganaji waasi wa Uganda wa kundi la LRA katika Sudan Kusini, ni vitendo vilivyofananishwa "sawa na makosa ya jinai dhidi ya ubinadamu."

Mwanaharakati wa Kenya juu ya Mazingira awakilisha maoni binafsi juu ya Mkutano wa Copenhagen

19 Disemba 2009

Majadiliano ya Mkutano Mkuu wa Copenhagen, unaojulikana kama Mkutano wa COP15, yaliendelezwa kwa wiki mbili, kwa kasi ambayo wajumbe wengi, hasa wale wa kutoka nchi zinazoendelea, walilalamika ilikuwa ni ya polepole sana, hali ambayo iliwakatisha tamaa juu ya uwezekano wa kufikia mapatano ya mwisho yanayoridhisha.

Mtetezi wa Haki za Binadamu Sahara Magharibi aruhusiwa kurejea nchini

18 Disemba 2009

Taarifa iliotolewa na KM Ban Ki-moon, baada ya saa sita za usiku ya Ijumaa, imeeleza kuwa amefarajika na pia kupata nafuu baada ya kupokea ripoti ilioleza mtetezi wa uhuru wa taifa la Sahara ya Magharibi, Aminatou Haidar, aliruhusiwa kurejea kwao kwenye mji mkuu wa Laayoun.

Mashirika ya UM yajihusisha Kenya kudhibiti mripuko wa kipindupindu Turkana Mashariki

18 Disemba 2009

Ofisi ya UM juu ya Misaada ya Dharura (OCHA) imeripoti Alkhamisi jioni kwamba taasisi kadha za UM zinazohudumia misaada ya kiutu, hivi sasa zinajitahidi kuipatia Serikali ya Kenya misaada ya dharura inayohitajika kupambana na mripuko wa maradhi ya kipindupindu, yaliozuka kwenye eneo la kaskazini-magharibi, ambapo tumearifiwa watu karibu 30 walifariki kutokana na ugonjwa huo, kwenye zile sehemu za mbali zenye matatizo kuzifikia.

Viongozi wa Dunia wamo mbioni kuleta maafikiano ya kuridhisha kutoka Mkutano wa COP15

18 Disemba 2009

Majadiliano ya Mkutano Mkuu wa UM wa kuleta mapatano yatakayosaidia Mataifa Wanachama kudhibiti bora, kipamoja, athari za mabadiliko ya hali ya hewa katika ulimwengu, Ijumaa yalishindwa kuwasilisha maafikiano ya kuridhisha, yaliotarajiwa kutiwa sahihi na viongozi wa Kitaifa na serikali 120 ziada waliokusanyika sasa hivi kwenye mji wa Copenhagen, Denmark.

Shughuli za Baraza la Usalama kwa Alkhamisi

17 Disemba 2009

Mapema asubuhi ya leo, Baraza la Usalama limepitisha azimio la kuongeza muda wa shughuli za Ofisi ya UM juu ya Mchanganisho wa Huduma za Amani Burundi (BINUB) ambazo zinatazamiwa kuendelezwa hadi mwisho wa mwaka 2010.