Afrika

Tuamue tuzame na jahazi la mabadiliko ya tabianchi au tuchukue hatua sahihi- Muhammad-Bande

Ili kulinda kizazi hiki na kijacho dhidi ya athari za mabadiliko ya tabianchi, basi ni wajibu wa kila mtu kuchukua hatua na kuhakikisha kiwango cha joto duniani hakiongezeki.

Safari ya kuanzia UNFCCC hadi COP25:

Mabadiliko ya tabianchi yanatokea. Joto duniani sasa hivi ni nyuzi joto 1.1 zaidi ya ilivyokuwa mwanzoni mwa mapinduzi ya viwanda, na tayari linaleta madhara makubwa kwa ulimwengu, na kwa maisha ya watu. Ikiwa kiwango cha sasa kitazidi, basi kiwango cha joto duniani kinaweza kuongezeka kwa nyuzi joto 3.4 hadi 3.9 kwenye kipimo cha selsiyasi katika karne hii, kiwango ambacho kinaweza kusababisha madhara makubwa zaidi na yenye uharibifu kwa tabianchi.

Muungano mpya wa maendeleo ya utabiri wa hali ya hewa na taarifa wazinduliwa COP25

Mashirika 12 ya kimataifa yanayotoa msaada katika nchi zinazoendelea leo yamekuja pamoja kwenye mkutano wa 25 wa nchi wanachama wa mkataba wa mabadiliko ya tabianchi, COP25 unaofanyika huko Madrid nchini Hispania  na kuzindua ushirika mpya kwa ajili ya kuboresha masuala ya utabiri wa hali ya hewa, maji na huduma za mabadiliko ya tabianchi  au Alliance for Hydromet Development.

Ndoto si ndoto tu wakati mwingine hutimia:Mkimbizi Sidra

Hakuna faraja kubwa unayoweza kuipata kama pale ndoto zako zinapotimia, na hii ndio hali anayoihisi Sidra Taleb mkimbizi kutoka Syria aliyetamani sana kusomea udaktari wa meno, na kwa ukarimu wa serikali ya Uturuki sasa anatimiza ndoto hiyo. 

Heko Ethiopia kwa haki za binadamu lakini msibweteke kazi bado ipo:Kaye

Baada ya robo karne ya ukandamizaji wa haki za binadamu, sasa Ethiopia iko katika safari ya mchakato wa mabadiliko ambayo yanatia moyo lakini pia ni tete na yanastahili msaada wa kimataifa amesema mtaalam wa haki za binadamu baada ya kuzuru nchi hiyo.

Kuchangia CERF ni uwekezaji bora zaidi- Guterres

Kuwekeza katika mfuko wa dharura wa Umoja wa Mataifa, CERF si tu kunafanikisha usaidizi wa kibinadamu bali pia ni kuwekeza katika kuboresha kazi za chombo hicho chenye wanachama 193, amesema Katibu Mkuu Antonio Guterres jijini New  York, Marekani hii leo wakati akifungua kikao cha ngazi ya juu cha kuchangia mfuko huo  ulioanzishwa mwaka 2006.

Wanawake wapagazi Bukavu washukuru MONUSCO

Nchini Jamhuri ya Kidemokrasia ya Congo, DRC mradi wa ujumbe wa Umoja wa Mataifa nchini humo MONUSCO wa kuelimisha jamii kuhusu ulinzi wa mtoto na ukatili wa kingono umesaidia kuongeza uelewa wa jamii kuhusu madhara ya vitendo hivyo. 

Katu tusikubali ufisadi ukwamishe SDGs- Guterres

Ikiwa leo ni siku ya kupinga rushwa na ufisadi duniani, Umoja wa Mataifa unataka hatua bunifu zaidi kushinda vita hivyo ambavyo vinapora rasilimali muhimu kwa ajili ya maendeleo  ya wananchi. Brenda Mbaitsa na maelezo zaidi.

Lazima tushikamane kujumuisha wenye ulemavu:Mohammed

Jumuiya ya kimataifa imeafikiana mfumo wa kusongesha mbele haki za watu wenye ulemavu ikiwemo katika Nyanja ya maendeleo, lakini bado kuna mapengo mengi baina ya azma hii na hali halisi inayowakabili kila siku mamilioni ya watu wenye ulemavu amesema naibu Katibu Mkuu wa Umoja wa Mataifa Amina J. Mohammed.

Mafanikio ya operesheni za ulinzi wa amani yanategemea mshikamano wa wanachama:Guterres

Katibu Mkuu wa Umoja wa Mataifa amesema mafanikio ya operesheni za ulinzi wa amani za Umoja wa Mataifa yanategemea mshikamano wa nchi wanachama hasa katika mchango wao na pia kupitisha maamuzi muhimu kwenye Baraza la Usalama la Umoja wa Mataifa.