Afrika

Afrika magharibi na kati, wasio na uhakika wa chakula wanaweza kuongezeka zaidi ya maradufu kutokana na COVID-19

WFP kupitia msemaji wake hii leo mjini Geneva Uswisi limesema changamoto za kijamii na kiuchumi zilizoletwa na njia zilizolenga kudhibiti kusambaa kwa COVID-19, zimeathiri kwa kiasi kikubwa uhakika wa chakula Afrika ya kati na magharibi.

Nyimbo za wasanii kama Diamond Platnumz na Ali Kiba zinasaidia kueneza Kiswahili DRC na kutusaidia kazi ya ulinzi wa amani

Nchini Jamhuri ya Kidemokrasia ya Congo, DRC,  lugha ya Kiswahili imekuwa nyenzo muhimu atika kutekeleza majukumu ya ulinzi wa amani ya Umoja wa Mataifa, ikitumiwa na walinda amani wa chombo hich hususan wale wanaotoka Tanzania,  sambamba na raia.

OHCHR yapata wasiwasi kuhusu maandamano ya Ethiopia, yasihi uchunguzi wa kina kuhusu kuuawa kwa Hachalu Hundessa

Ofisi ya haki za binadamu ya Umoja wa Mataifa OHCHR kupitia taarifa yake iliyoitoa leo Julai 3 mjini Geneva Uswisi, imeeleza kusikitishwa sana na matukio ya vurugu nchini Ethiopia ambako mwibaji maarufu na mwanaharakati kutoka katika eneo la Oromia, Hachalu Hundessa alipigwa risasi na kuuawa jumatatu katika mji mkuu Addis Ababa

Kundi la kwanza la raia 15,000 wakirejea, Sudan yaongeza huduma za kiafya katika vituo vya kuingilia

Taarifa iliyotolewa hii leo mjini Khartoum, Sudan na shirika la uhamiaji la Umoja wa Mataifa, IOM inaeleza kuwa serikali ya Sudan kuanzia mwezi uliopita,ikishirikiana na IOM imeanza kuratibu kurejea nyumbani kwa kundi la kwanza la raia wanaokadiriwa kufikia 15,000 ambao walikuwa wamekwama katika mataifa mengine.

Mradi wa kukuza lishe (SUN), wawanufaisha wanawake na watoto Malawi

Mradi wa  ushirikiano kati ya Shirika la Umoja wa Mataifa la kuhudumia watoto UNICEF na Seriali ya Malawi kuboresha hali ya lishe ya wanawake wajawazito, akina mama na watoto wenye umri chini ya miaka mitano umekuwa na manufaa makubwa kwa wananchi nchini Malawi.

Licha ya COVID-19, Uganda yafungua mpaka kwa muda kuruhusu wakimbizi kutoka DRC

Hatimaye Uganda imeruhusu raia wa Jamhuri ya kidemokrasia ya Congo, DRC waliokimbia mapigano nchini mwao wapatiwe hifadhi baada ya kushindwa kuingia nchini humo tangu mwezi Mei mwaka huu kutokana na janga la ugonjwa wa virusi vya Corona au COVID-19.

UNESCO yaonya dhidi ya hati za kughushi zinazodai kuidhinisha usafirishaji wa sanaa za kitamaduni za Kiafrika

UNESCO, kupitia taarifa yake iliyotolewa hii leo mjini Paris Ufaransa, inahimiza uangalifu mkubwa baada ya kupokea ripoti nyingi za udanganyifu na usafirishaji haramu wa mali za kitamaduni za Kiafrika kwa kutumia nyaraka za uongo zikidai kuwa UNESCO inathibitisha biashara kama hiyo na hata kuthibitisha thamani ya bidhaa hizo.

Idara ya zimamoto mjini Juba Sudan Kusini yaishukuru UNMISS kwa msaada wake wa magari

Mamlaka mjini Juba Sudan Kusini zimeushukuru Ujumbe wa Umoja wa Mataifa nchini Sudan Kusini, UNMISS ambao umetoa msaada wa magari mawili makubwa ya huduma za uzimaji moto katika nchi hiyo ambayo miundombinu yake na huduma za kijamii vimeharibiwa na vita ya wenyewe kwa wenyewe iliyodumu kwa takribani miaka mitano.

Vikundi vilivyojihami vyatesa jamii DRC, watu wauawa kwa kukatwa mapanga

Shirika la Umoja wa Mataifa la kuhudumia wakimbizi, UNHCR, limetoa wito kwa mamlaka nchini Jamhuri ya Kidemokrasia ya Congo, DRC, ziimarishe uwepo wa jeshi na polisi kwenye maeneo ya mashariki mwa nchi hiyo ili kunusuru maisha ya raia wanaoendelea kuteseka na kuuawa na vikundi vilivyojihami.

COVID-19 inakumbusha jukumu la mabunge katika kuimarisha jamii- Guterres 

Leo ni siku ya mabunge duniani ambapo Umoja wa Mataifa unasema ni siku muhimu ya kutambua mchango muhimu wa mabunge katika kupaza sauti za wananchi na pia kushawishi uundaji wa sera.