Afrika

UN yahimiza uwajibikaji kwa watu wanaounga mkono wanamgambo huko Jonglei Sudan Kusini. 

Umoja wa Mataifa umetoa ripoti leo ukiitaka mamlaka nchini Sudan Kusini kuwawajibisha wanajeshi na viongozi wa kisiasa ambao wanaunga mkono makundi ya jamii yaliyojihami katika eneo la Jonglei ili kuzuia ukatili zaidi.   

Ni wakati wa kuhakikisha mwanamke anashika usukani kila nyanja Guterres akiambia kikao cha CSW65

Mkutano wa kamisheni ya hali ya wanawake  duniani kikao cha 65 umefungua pazia hii leo ikiwa ni mara ya pili kufanyika katika mazingira ya janga la virusi vya corona au covid-19 ambapo Katibu Mkuu wa Umoja wa Mataifa Antonio Guterres amesema janga hili lina sura ya mwanamke akisema kwamba hali ya sasa imedhihirisha jinsi ukosefu wa usawa wa kijinsi ulivyo kwa kiasi kikubwa na umekita mizizi katika mifumo ya kisiasa, kijamii na kiuchumi. 

Kikao cha 65 cha kamisheni ya hali ya wanawake duniani CSW65 chang’oa nanga:UN Women

Kikao cha 65 cha kamisheni ya hali ya wanawake duniani CSW65 leo kimefungua pazia mjini New York Marekani kikishirikisha wadau kutoka kila pembe ya dunia ambao safari hii kwa asilimia kubwa wanashirikia kupitia mtandaoni kwa sababu ya athari na vikwazo vya janga la corona au COVID-19. 

Miaka miwili baada ya kimbunga Idai, Msumbiji bado inahitaji msaada – Guterres 

Katibu Mkuu wa Umoja wa Mataifa kupitia ujumbe alioutoa mwishoni mwa wiki hii kwa njia ya video, ametoa wito kwa jumuiya ya kimataifa kuisaidia Msumbiji kwani miaka miwili baada ya kimbunga Idai, bado watu wa nchi hiyo barani Afrika wanahitaji usaidizi. 

WHO yaondoa hofu kuhusu chanjo ya AstraZeneca na kuidhinisha ya Jonhson & Jonson

Shirika la afya la Umoja wa Mataifa WHO limesema leo kwamba linajua kuhusu hofu ya damu kuganda inayohusishwa na kundi maalum la chanjo ya AstraZeneca-Oxford dhidi ya gonjwa la corona au COVID-19, lakini inashikilia kuwa hadi sasa, hakuna mtu aliyekufa kutokana na chanjo yoyote dhidi ya  virusi vya corona .

Ubia wa FAO na JR Farms Rwanda kuibua ajira za kilimo zenye utu kwa vijana 

Nchini Rwanda shirika la Umoja wa Mataifa la chakula na kilimo, FAO limetia saini na kampuni ya kilimo ya JR Farms kwa lengo la kusongesha ushiriki wa vijana kwenye kilimo na kujenga fursa za ajira zenye utu.

Uhaba wa maji waweka njia panda maisha ya mamilioni ya watu na mifugo Somalia:OCHA 

Maelfu ya watu nchini Somalia wamelazimika kukimbia makwao tangu mwezi Novemba mwaka jana kwa sababu ya uhaba mkubwa wa maji huku utabiri wa sasa ukionesha kwamba msimu wa mvua unaoanza Machi hadi Juni hautakuwa na mvua za kutosha, imesema ofisi ya Umoja wa Mataifa ya kuratibu masuala ya binadamu na misaada ya dharura OCHA .

"Nilisikia sauti usiniache! ndipo nikakuta mtoto Anuarita"- Asema baba aliyenusuru mtoto msituni huko DRC

Anwarita mtoto mwenye  umri wa miaka 8 amejikuta yatima baada ya waasi kuua kwa mapanga wazazi wake huko Ituri nchini Jamhuri ya Kidemokrasia ya Congo, DRC. Hivi sasa Anwarita anaishi na familia iliyomnusuru msituni, wakati huu ambapo takwimu za shirika la Umoja wa Mataifa la kuhudumia watoto, UNICEF linasema kwa sasa watoto milioni 3 nchini humo wametawanyishwa na mizozo.
 

Mwaka mmoja wa janga la COVID-19 kuna nuru gizani:Guterres

Baada ya miezi 12 ya ulimwengu kukabiliwa na "tsunami ya mateso", kuwasili kwa chanjo dhidi ya janga la corona au COVID-19 inashiria nuru fulani baada ya kiza totoro" amesema Katibu Mkuu wa Umoja wa Mataifa leo Alhamisi,ikiwa ni maadhimisho yam waka mmoja tangu shirika la afya la Umoja wa Mataifa (WHO) ) kutangaza rasmi kuwa janga hilo ni la kimataifa.

UN yazindua kampeni yake ya ‘Ni Kwa Pamoja Tu’

Umoja wa Mataifa leo umezindua kampeni ya uchechemuzi kwa umma, ikipatiwa jina Ni Kwa Pamoja Tu, yenye lengo la kutoa wito ili chanjo dhidi ya Corona au COVID-19 zipatikane kwa wote na popote pale duniani.