Tunauona ushirikiano wa kimataifa kama njia ya kushughulikia matishio magumu na mapya kama vile janga la COVID-19 ambalo limeathiri kila mwanachama wa jumuiya ya kimataifa, imeeleza sehemu ya kwanza ya hotuba ya Rais Yoweri Kaguta Museveni wa Uganda katika mjadala mkuu wa Baraza Kuu la Umoja wa Mataifa ambayo imesomwa kwa niaba yake na Naibu Mwakilishi wa kudumu wa Uganda katika Umoja wa Mataifa, Balozi Philip Ochen Odida ikieleza pamoja na mengine, kile ambacho wamejifunza kutokana na ugonjwa huo. 

Kila mwaka, takribani dola bilioni 89 hutoroshwa katika nchi za Afrika na kusababisha bara hilo umaskini na kukosa mitaji, imesema ripoti mpya kuhusu maendeleo ya uchumi wa Afrika,  iliyotolewa leo na kamati ya biashara na maendeleo ya Umoja wa Mataifa, UNCTAD.
 

Katibu Mkuu wa Umoja wa Mataifa amesihi dunia katika wakati huu wa changamoto kubwa zinazoikabili dunia likiwemo janga la corona au COVID-19 ni muhimu kutowasahau watu wanaoishi vijijini katika ahadi ya maendeleo endelevu au SDGs. 

Rais wa Malawi Lazarus Chakwera amehutubia mjadala mkuu wa mkutano wa 75 wa Baraza Kuu la Umoja wa Mataifa hii leo akisema kuwa mjadala huo unafanyika wakati ambao dunia imegubikwa na janga la ugonjwa wa Corona, au COVID-19, na hali ikiwa mbayá zaidi kwa nchi zinazoendelea ikiwemo Malawi.