Afrika

Uganda imewekeza dola milioni 18 kujianda dhidi ya ebola

Serikali ya Uganda na wadau wengine wamewekeza dola milioni 18 kwa ajili ya kujiandaa kukabiliana na ugonjwa wa ebola. Taarifa za shirika la afya ulimwenguni, WHO zinasema fedha hizo ni kwa ajili ya kuandaa mikakati mbali mbali ikiwemo kuwandaa watoa huduma wa afya 526 katika wilaya 14 waliopatiwa mafunzo kuhusu namna ya kuhudumia watu wanaoshukiwa kuwa na ebola huku wakijikinga.

Mashirika ya UN yashikamana kukabili changamoto za miji:UN-HABITAT

Umoja wa Mataifa umesema changamoto za miji zinahitaji mshikamano sio tu wa Umoja wa Mataifa na mashirika yake bali wa kimataifa ili kuweza kufikia ajenda ya 2030 ya amendeleo endelevu yaani SDGs.

Chonde chonde walio hatarini si wakazi wa Tuvalu pekee bali sayari nzima ya dunia- Guterres

Katibu Mkuu wa Umoja wa Mataifa Antonio Guterres ameendelea kupigia chepuo suala la kila mkazi wa dunia pamoja na serikali kuchukua hatua kukabiliana na mabadiliko ya tabianchi nchi, akisema kutochukua hatua si mbadala.
 

Wataalamu wa akili bandia wakutana Geneva, kubonga bongo ili iwe na maslahi kwa wote

Hii leo huko mjini Geneva, Uswisi kumeanza mkutano wa siku nne ukilenga kusaka mbinu na mikakati ya kuhakikisha kuwa akili bandia au AI inakuwa na manufaa kwa kila mkazi wa dunia hii.

Kampeni kubwa ya chanjo yaanza dhidi ya kipindupindu yaanza Kivu Kaskazini, DRC.

Taarifa iliyotolewa na WHO hii leo mjini Geneva Uswisi na Goma Jamhuri ya Kidemokrasia ya Kongo, DRC, inasema zaidi ya watu 800,000 watachanjwa dhidi ya ugonjwa wa kipindupindu huko Kivu Kaskazini, mashariki mwa DRC kufuatia uzinduzi wa kampeni kubwa ya chanjo uliofanyika leo.

Wakimbizi wa Eritrea na raia wa Ethiopia watangamana na hili ni jambo jema- Priyanka

Balozi mwema wa shirika la Umoja wa Mataifa la kuhudumia watoto, UNICEF Priyanka Chopra Jonas ametembelea Ethiopia ambako amekutanana watoto wakimbizi waliokimbilia nchini humo kutokanana majanga vita na kibinadamu yanayoendelea kwenye nchi zao. Grace  Kaneiyana ripoti kamili.

Maonesho ya sanaa yatumika kumtetea mwanamke, Sudani Kusini.

Kwa udhamini wa ujumbe wa Umoja wa Mataifa nchini Sudani Kusini (UNMISS), wanafunzi wa Sanaa wamefanya maonesho ya kukuza uelewa kuhusu unyanyasaji wa kingono na kijinsia katika nchi yao ambayo imeghubikwa na vita kwa takribani miaka sita sasa. 

Nguvu ya vijana wa bara la Afrika, zinaendeleza bara hilo kuelekea enzi mpya za maendeleo endelevu-Antonio Guterres.

Nguvu na matumaini ya vijana isiyo na mipaka ya vijana wa kiafirika vinaimarisha bara hilo kuelekea katika nyakati mpya za maendeleo endelevu, sambamba na ushirikiano mpya kati ya Umoja wa Mataifa na Muungano wa Afrika, AU. Hiyo ni kwa mujibu wa ujumbe wa Katibu Mkuu wa Umoja wa Mataifa Antonio Guterres alioutoa hii leo katika kuadhimisha siku ya kimataifa ya Afrika.

Nimejisikia vibaya sana kumpoteza mwenzangu Chitete - Koplo Omary

Wiki hii kwenye makao makuu ya Umoja wa Mataifa kumetolewa tuzo ya juu zaidi ya ulinzi wa amani ya Kapteni Mbaye Diagne.

Bachelet asikitishwa na hatua ya mahakama kuu Kenya kazia vizuizi vya uhalifu mahusiano ya jinsia moja

Kamishna Mkuu wa haki za binadamu wa Umoja wa Mataifa Michelle Bachelet leo ameelezea kusikitishwa na uamuzi wa mahakama kuu ya Kenya ya kukazia hukumu ya sheria ya zama za ukoloni ya kutohalalisha mahusiano ya jinsia moja kati ya watu wazima.