Afrika

Mamlaka Zanzibar wapongeza programu ya kujitolea ya UN

Rais wa Zanzibar na Mwenyekiti wa Baraza la Mapinduzi Dk. Ali Mohamed Shein ameipongeza azma ya Umoja wa Mataifa (UN) kupitia programu yake ya kujitolea ya Umoja huo (UNV) kwa kuendelea kuiunga mkono Zanzibar katika shughuli za maendeleo.

Pamoja na hatua ilizopiga, DRC bado inahitaji kusaidiwa- Leila Zerrougui

Baraza la Usalama la Umoja wa Mataifa leo limekuwa na kikao maalum mjini New York Marekanikujadili hali ya Jamhuri ya Kidemokrasia ya Congo, DRC ambapo, mwakilishi maalum wa Katibu Mkuu nchini DRC ambaye pia ni mkuu wa ujumbe wa  Umoja wa Mataifa wa kulinda amani nchini humo, MONUSCO , Leila Zerrougui amewaeleza wajumbe kuhusu hali ya sasa ya DRC.

Guterres aelezea kusikitishwa na madhara ya kimbunga Idai, WFP yajizatiti kuwasilisha misaada

Katibu Mkuu wa Umoja wa Mataifa ameelezea kusikitishwa kwake na vifo, uharibifu wa mali na kufurushwa kwa watu kufuatia mvua kubwa na mafuriko yaliyosababishwa na kimbunga Idai.

Mabadiliko  ya tabianchi hebu tusikilize sauti za vijana- Guterres

Katibu Mkuu wa Umoja wa Mataifa António Guterres amesema anatambua shaka na shuku walizo nazo vijana kuhusu mustakabali wa mazingira lakini bado ana matumaini kwa siku za usoni.

UN yakumbuka wafanyakazi wake waliofariki dunia kwenye ajali ya ndege Ethiopia

Hii leo kwenye makao makuu ya Umoja wa Mataifa kumefanyika tukio maalum la kukumbuka wafanyakazi 21 wa umoja huo waliofariki dunia kwenye ajali  ya ndege ya shirika la ndege la Ethiopia, iliyotokea huko Addis Ababa Ethiopia Jumapili iliyopita.

Mwitikio wa wananchi kwenye harakati dhidi ya Ebola huko Katwa na Butembo watia moyo- WHO

Shirika la afya ulimwenguni, WHO limesema linatiwa matumaini makubwa na harakati za kukabiliana na ugonjwa wa Ebola huko jimboni Kivu Kaskazini, nchini Jamhuri ya Kidemokrasia ya Congo, DRC.

Viwango vipya vya kimataifa vyaweka kupambana na tatizo la mihadarati:UN

Muungano wa nchi wanachama wa Umoja wa Mataifa, mashirika ya Umoja wa Mataifa na wataalam wa haki za binadamu wanaokutana kwa ajili ya mkutano wa tume ya masuala ya madawa ya kulevya mjini Vienna Australia, leo umezindua viwango vipya vya kimataifa vya kisheria ili kuandaa na kubadili mtazamo wa vita vya kimataifa dhidi ya tatizo la mihadarati.

Zaidi ya Wavenezuela 5,000 wapata makazi mapya Brazil:UNHCR

Zaidi ya raia 5,000 wa Venezuela wamehamishwa kutoka katika jimbo la Kaskazini mwa Barazil la Roraima na kupelekwa katika majimbo mengine 17, ikiwa ni asante kwa mpango wa ubunifu wa uhamisho wa ndani unaofadhiliwa na shirika la Umoja wa Mataifa la kuhudumia wakimbizi UNHCR , asasi za kiraia na mashirika mengine ya Umoja wa Mataifa lile la uhamiaji IOM, la idadi ya watu duniani UNFPA na la mpango wa maendeleo UNDP.

Sudan Kusini sasa ukatili wa kingono basi! Tumeaibika- Waziri Juuk

Nchini Sudan Kusini, jeshi limezindua mpango wa utekeleza wa kutokomeza kabisa ukatili wa kingono unaofanywa na askari wa jeshi hilo dhidi ya raia kwenye maeneo yenye mizozo ambapo maafisa wa ngazi ya juu wameahidi kutokomeza vitendo hivyo vilivyoshamiri tangu vita vya wenyewe kwa wenyewe vianze nchini humo mwezi Disemba mwaka 2013. 

Ni kweli maambukizi ya VVU yamepungua Nigeria lakini tusibweteke -UNAIDS.

Matokeo ya utafiti uliofanywa na serikali ya Nigeria kuhusu maambukizi ya Virusi Vya UKIMWI, VVU nchini humo, yametangazwa hii leo mjini Abuja Nigeria na Geneva Uswisi na kuonesha kushuka kwa maambukizi kutoka asilimia 2.8 hadi asilimia 1.4 miongoni mwa watu wa umri kuanzia miaka 15 hadi 49.