Afrika

Tumeambiwa kuna amani, basi turejee nyumbani-mkimbizi wa ndani Sudan Kusini

Hali ya utulivu imerejea kwa kiasi fulani kufuatia mashambulizi katika kijiji cha Rimenze ambako watu wanne walitekwa huku maelfu wakikimbia kwenda kujificha vichakani baada ya watu waisojulikana kushambulia kanisa lililoko vitongoji vya mji wa Yambio kusini magharibi mwa Sudan Kusini.

Miaka 30 ya haki za mtoto kuna mafanikio lakini changamoto ni kubwa kwa masikini:UNICEF 

Katika kuelekea siku ya kimataifa ya haki za mtoto hapo Novemba 20, ripoti mpya ya shirika la Umoja wa Mataifa la kuhudumia watoto UNICEF inasema kuna mafanikio ya kihistoria yaliyopatikana kwa miaka 30 lakini bado kuna changamoto kwa watoto masikini duniani

Kila sekunde 24 mtu 1 hupoteza maisha katika ajali barabarani:Guterres 

Hatua za haraka zinahitajika na kusalia kuwa za muhimu sana katika kuokoa maisha ya maelfu na maelfu ya watu yanayopotea kila siku katika ajali za barabarani. Wito huo umetolewa na Katibu Mkuu wa Umoja wa Mataifa Antonio Guterres katika ujumbe maalum wa kuadhimisha siku ya kimataifa ya usalama barabarani ambayo kila mwaka huadhimishwa Novemba 17. “Natoa wito kwa kila mtu kujiunga nasi katika kushughulikia changamoto ya kimataifa ya janga la usalama barabarani.”

Utangamano ni utajiri na si chachu ya mgawanyiko:UNESCO

Utangamano au mchanganyiko wa watu kutoka maeneo tofauti ni aina ya mfumo wa utajiri na si sababu ya kuleta mgawanyiko amesema mkurugenzi mkuu wa shirika la Umoja wa Mataifa la elimu , sayansi na utamaduni UNESCO katika ujumbe wake maalum wa siku ya kimataifa kwa ajili ya kuvumiliana.

Mbu dume anayeeneza Zika, Dengue na Chikungunya kupigwa mionzi ili wasizaliane

Kufuatia kitendo cha mataifa mengi zaidi kutaka kutumia mbinu ya kutumia mionzi ili kuondoa uwezo wa mbu kuzaliana na hivyo kudhibiti magonjwa kama vile dengue, chikungunya na zika, imesababisha mashirika ya Umoja wa Mataifa na wadau kuandaa mwongozo mpya kuhakikisha kuwa mbinu hiyo inakuwa salama na fanisi.

UN yachukua hatua ili Insulini ya bei rahisi ipatikane kuokoa wagonjwa wa kisukari

Kwa kawaida gharama ya Insulini ni kubwa mno kiasi kwamba zaidi ya nusu ya wagonjwa wa kisukari wanashindwa kupata huduma hiyo, limesema shirika la afya ulimwenguni , WHO hii leo kuelekea siku ya kimataifa ya kisukari hapo kesho.

UPU kupanua wigo wa huduma za kifedha mtandaoni

Shirika la posta duniani, UPU, litazindua huduma mpya ya utumaji fedha kidijitali kwa kutumia mashirika ya posta katika nchi 8 duniani.

Linapokuja suala la amani, kuzuia migogoro ni bora kuliko kuikabili:Guterres

Kuzuia vyanzo vote vinavyosababisha uvunjifu wa amani duniani ndio dawa mujarabu ya kulinda na kudumisha amani ya dunia kuliko kukabili machafuko wakati yameshatokea. Hayo yamesemwa na Katibu Mkuu wa Umoja wa Mataifa Antonio Guterres mjini Paris Ufanransa hii leo, wakati wa ufunguzi wa kongamano la kimataifa la Paris kwa ajili ya amani.

Apu ya Tap2Eat yasaidia kufanikisha SDGs Kenya

Hii leo shule  ya msingi ya Ruiru iliyoko jijini Nairobi nchini Kenya imekuwa na mgeni ambaye ameshiriki katika tukio la kuwagawia wanafunzi mlo wa mchana.

Msemo wa ukielimisha mwanamke umeelimisha jamii wadhihirika Congo

Ndani ya misitu minene kaskazini mwa Jamhuri ya Congo, kunapatikana kundi la wanawake waliojitolea kusaidia jamii zilizoko maeneo ya ndani zaidi kutokomeza utapiamlo.