Habari Mpya

UN yaipongeza Jamhuri ya korea kwa ahadi ya kukomesha uzalishaji wa hewa ukaa 

Ahadi ya Jamhuri ya Korea ya kufanikisha kutokuwepo kwa hewa ukaa ifikapo mwaka 2050 imepongezwa na Katibu Mkuu wa Umoja wa Mataifa Antonio Guterres kama “Ni hatua nzuri sana katika mwelekeo sahihi” 

Viwango vya unyafuzi Yemen vyavunja rekodi- UNICEF 

Unyafuzi au utapiamlo uliokithiri umeshika kasi miongoni mwa watoto wenye umri wa chini ya miaka 5 nchini Yemen ambapo takwimu mpya zinaonesha kuwa zaidi ya watoto 500,000 kwenye wilaya 13 kusini mwa nchi hiyo wana unyafuzi.

Filamu yatumika kupambana na ndoa za utotoni na ukatili mwingine wa kingono Sudan Kusini 

Filamu mpya iliyopewa jina, “Zuia ndoa za utotoni Sudan Kusini” imeoneshwa kwa mara ya kwanza kwa wanajamii katika eneo la Yambio jimboni Equatoria Magharibi ikiwa na lengo la kupambana na unyanyasaji wa kingono unaohusiana na migogoro pamoja na ubakaji ambavyo ni matukio ya kawaida katika nchi hiyo changa zaidi ulimwenguni.  

COVID-19 imetufunza mengi na hata ambayo hatukutarajia: Barubaru Termeh na Toranj 

Kutana na mapacha wawili barubaru kutoka nchini Iran, wanasema janga la corona au COVID-19 limewafunza mengi, kuanzia kusomea nyumbani, kukabiliana na upweke na msongo wa mawazo na hata kupika na  majukumu mengine ya nyumbani. 

COVID-19 imeangusha kwa asilimia 49 aina zote za uwekezaji wa nje wa nchi zilizoendelea.

Mtiririko wa uwekezaji wa moja kwa moja wa kigeni kimataifa, FDI, umepungua kwa asilimia 49 katika nusu ya kwanza ya 2020 ikilinganishwa na mwaka 2019, kwa sababu ya kuanguka kwa uchumi kutokana na COVID-19, umebaini utafiti wa hivi karibuni wa  Monitor mwelekeo wa uwekezaji uliofanywa na shirika la Umoja wa Mataifa la biashara na maendeleo UNCTAD na kutolewa leo tarehe 27 Oktoba 2020. 

Côte d’Ivoire chunguzeni kwa kina na bila upendelezo mauaji ya watu 20- OHCHR

Ofisi ya haki za binadamu ya Umoja wa Mataifa imesihi serikali ya Cote d’Ivoire ihakikishe uwajibikaji kwa watu wanaohusika na mauaji ya watu 20 yaliyotokea baada ya mapigano ya kikabila na majibizano kati ya polisi na wafuasi wa vkundi vya upinzani nchini huo kwenye vitongoji mbalimbali nchini humo.

Wahudumu 2 wa kutoa chanjo dhidi ya Polio Somalia wauawa, UNICEF yalaani

Shirika la Umoja wa Mataifa la kuhudumia watoto, UNICEF, limeeleza kushtushwa kwake na mauaji ya wafanyakazi wawili wa kibinadamu mjini Mogadishu nchini Somalia hii leo.

Shule hazipaswi kulengwa na mashambulizi Pakistan: UNICEF  

Shirika la Umoja wa Mataifa la kuhudumia watoto UNICEF limelaani vikali shambulio la mabomu lililokatili maisha ya angalau watu saba kwenye shule ya kidini nchini Pakistan. 

Chonde chonde Tanzania fanyeni uchaguzi kwa amani:OHCHR

Ofisi ya haki za binadamu ya Umoja wa Mataifa OHCHR, leo imetoa wito kwa wadau wote nchi Tanzania kuhakikisha uchaguzi mkuu unaofanyika kesho Jumatano Oktoba 28, unakuwa wa amani, jumuishi na shirikishi, kwa watu kuweza kupiga kura zao kwa uhuru bila hofu na vitisho. 

Nuru ya amani yaanza kuonekana katika eneo la PK 5, MINUSCA yashuhudia 

Ujumbe wa Umoja wa Mataifa wa kuweka amani na utulivu nchini Jamhuri ya Afrika ya kati MINUSCA, umewapongeza waliokuwa wanachama wa makundi ya wapiganaji katika eneo la PK 5 waliokuwa wanajiita makundi ya kujilinda baada ya kukabidhi silaha zao mbele ya Waziri wa nchi hiyo anayesimamia upokonyaji silaha kutoka kwa raia, ujumuishaji na urejeshaji katika jamii wa watu waliokuwa wapiganaji ikiwa ni sehemu za Umoja wa Mataifa kuhamasisha usitishaji mapigano duniani kote.