Ujumbe wa shirika la Umoja wa Mataifa la kuwahudumia watoto UNICEF uliozuru maeneo ya Shadatkot na Sindh nchini Pakistan kati ya tarehe 21 na 23 mwezi huu unasema kuwa maneo ya vijiji ya sehemu hizo yameharibiwa kabisa huku wanaorejea makiwa wakikosa nyumba , chakula , shule au njia zozote za kujikimu kimaisha kufuatia mafuriko makubwa yaliyoyakumba maeneo hayo. Hadi leo UNICEF imepokea dola milioni 169 kati ya ya dola milioni 251 ilizoomba. Marixie Mercado ni msemaji wa UNICEF:

(SAUTI YA MARIXIE MERCADO)

Mjumbe maalumu wa Umoja wa Mataifa nchini Ivory Coast ametangaza hatua zinazopaswa kuchukuliwa ili kuwezesha duru ya pili ya uchaguzi ujao unafanyika katika mazingira ya uwazi na ukweli.

Kila mwaka tarehe 25 Novemba ni siku ya kimataifa ya kupinga ukatili dhidi ya wanawake na wito umetolewa kwa serikali, jumuiya za kijamii, mashirika yasiyo ya kiserikali na wadau wote wanaopigania haki za wanawake kuhakikisha udhalimu huo unamalizwa.

Shirika la kilimo na mazao la Umoja wa Mataifa FAO limeonya kuwa huenda familia za wanyama kwa matumizi ya binadamu na kwa kilimo zikatoweka hususan nchini Marekani na barani Ulaya.