Habari Mpya

Hapa na Pale

16 Juni 2009

Kwenye mkutano na waandishi habari uliofanyika kwenye Makao Makuu, KM Ban Ki-moon alitangaza kumteua rasmi Raisi mstaafu wa Marekani, Bill Clinton kuwa Mjumbe Maalumu wa UM kwa Haiti. Mkutano ulihudhuriwa na Raisi Clinton pamoja na Waziri wa Nchi za Kigeni wa Haiti, Alrich Nicolas. Clinton aliwaambia wanahabri ya kwamba licha ya dhoruba kadha wa kadha zilizopiga Haiti mwaka uliopita na kusababisha uharibifu mkubwa ndani ya nchi, sasa hivi taifa hilo limo kwenye mazingira yenye matumaini ya kufufua, kwa mafanikio, huduma za kiuchumi na kijamii nchini.

IAEA inaripoti matumaini kuhusu mazungumzo ya Iran-Marekani, na wasiwasi kufuatia majaribio ya kinyuklia ya DPRK

15 Juni 2009

Ripoti ya Mkuu wa Shirika la UM juu ya Matumizi ya Amani ya Nishati ya Kinyuklia (IAEA), Mohamed ElBaradei iliowakilishwa kwenye Bodi la Magavana, imebainisha kuwa na matumaini ya kutia moyo, katika kuanzisha mazungumzo baina ya Teheran na Washington, kuzingatia masuala ya miradi ya kinyuklia inayoendelezwa na Iran hivi sasa pamoja na mada nyeginezo.

Nusu ya vifo vya barabarani huathiri wenda kwa miguu, wapanda baiskeli na wanaoendesha motosekli/pikipiki

15 Juni 2009

Utafiti mpya uliofanywa na Shirika la Afya Duniani (WHO) umethibitisha ya kuwa nusu ya watu milioni 1.27 wanaokadiriwa kufariki kila mwaka kutokana na ajali za barabarani, ni watu wanaokwenda kwa miguu, na wale wanaopanda baiskeli na wanaoendesha motosekli/pikipiki.

Uongozi mpya unahitajika kukabiliana na mizozo ya ajira duniani. inasema ILO

15 Juni 2009

Juan Somavia, Mkurugenzi Mkuu wa Shirika la UM juu ya Haki za Wafanyakazi (ILO) alipohutubia kikao cha ufunguzi wa Mkutano Mkuu juu ya Masuala ya Mizozo ya Ajira Duniani, uliofanyika Geneva, amependekeza kuwepo “uongozi mpya katika viwango vyote vya kiuchumi na kijamii" ili kusuluhisha vyema mizozo ya ajira kimataifa. Mkuu huyo wa ILO, alisema ulimwengu hauwezi tena kusubiri uchumi ukuwe, kwanza, kwa miaka kadha kabla ya kuamua kuzalisha ajira.

Mkuu wa WHO ahimiza haki kwenye sera za kimataifa

15 Juni 2009

Mkurugenzi Mkuu wa Shirika la Afya Duniani (WHO), Dktr Margaret Chan aliwaambia wajumbe wa kimataifa, waliohudhuria warsha maalumu uliofanyika Makao Makuu ya UM, kuwacha ile tabia ya “kuamini, bila kuelewa, madai yanayojigamba ustawi wa uchumi na natija zake kimataifa ndio mambo yatakayofanikiwa kumaliza na kuponya matatizo yote ya maisha duniani.”

Hapa na Pale

12 Juni 2009

KM amemteua Moustapha Soumaré wa Mali kuwa Naibu Mjumbe Maalumu mpya atakayeshughulikia kitengo kinachohusika na Ufufuaji wa Huduma za Jamii na Uchumi na Utawala Bora kwenye Shirika la UM juu ya Operesheni za Amani Liberia (UNMIL). Soumaré pia atashika wadhifa wa Mratibu Mkaazi wa UM na Mshauri wa Misaada ya Kiutu wa UM kwa Liberia.

Ulimwengu sasa umo kwenye mkumbo wa awali wa maambukizo ya janga la homa ya A(H1N1), yahadharisha WHO

12 Juni 2009

Shirika la Afya Duniani (WHO) wiki hii limepandisha kiwango cha tahadhari ya maambukizi ya homa ya mafua ya aina ya A(H1N1) kutoka daraja ya 5 mpaka ya sita.

Siku ya Dunia Dhidi ya Ajira ya Watoto Wadogo

12 Juni 2009

Kwenye kumbukumbu ya miaka 10 ya Siku ya Dunia dhidi ya Ajira ya Watoto wa Umri Mdogo, siku ambayo huadhimishwa tarehe ya leo kulitolewa mwito maalumu na Shirika la UM juu ya Mfuko wa Maendeleo kwa Watoto (UNICEF), likijumuika na mashirika wenzi wa kuhimiza jamii ya kimataifa kukabiliana na sababu za msingi zenye kuchochea umasikini na ufukara, hali ambayo inaaminika ndio yenye kuwalazimisha watoto wenye umri mdogo kutafuta ajira ya kumudu maisha.

Maendeleo kupatikana kwenye mkutano wa kudhibiti mabadiliko ya hali ya hewa

12 Juni 2009

Mkutano wa UM uliofanyika Bonn, Ujerumani mwezi huu, kuzingatia masuala yanayohusu Mabadiliko ya Hali ya Hewa Duniani, umemalizika Ijumaa ya leo na iliripotiwa kumepatikana mafanikio ya kuridhisha katika maandalizi ya waraka wa ajenda ya majadiliano, kwa kubainisha dhahiri matarajio ya serikali wanachama kutoka Mkutano ujao wa Copenhagen, ili kuharakisha udhibiti bora wa taathira za mabadiliko ya hali ya hewa kimataifa.

Mapigano Usomali yazusha msururu was maafa, mamia ya majeruhi na uhamisho wa lazima

12 Juni 2009

Ofisi ya UM juu ya Misaada ya Dharura (OCHA) imeripoti mapigano makali yalioshtadi katika mji mkuu wa Mogadishu, Usomali mnamo miezi ya karibuni, yamewacha nyuma msururu wa uharibifu na maangamizi, majeruhi kadha wa kiraia na kusababisha mamia elfu ya watu kulazimika kuhama makazi na kuelekea maeneo tofauti ya nchi yenye hifadhi bora.