Habari Mpya

Zimbabwe yashuhudia uzalishaji mkubwa wa kilimo, lakini wasiwasi bado umeselelea juu ya akiba ya chakula

Mashirika mawili ya UM - yaani FAO, linalohusika na chakula na kilimo, pamoja na WFP, linaloshughulikia miradi ya chakula - yamewakilisha bia ripoti ya tathmini halisi juu ya maendeleo ya kilimo katika Zimbabwe.

Wataalamu wa UM wamehadharisha wajumbe wa Kikao cha BK juu ya Mzozo wa Uchumi kutosahau kufungamanisha haki za binadamu kwenye maamuzi yao

Magdalena Sepúlveda na Cephas Lumina, Wataalamu Huru wawili wa UM wanaohusika na masuala ya haki za kibinadamu kwenye mazingira ya umaskini uliovuka mipaka na kuhusu athari haribifu za madeni, wametuma taarifa maalumu kwenye Mkutano wa Baraza Kuu juu ya Mizozo ya Uchumi na Kifedha, iliohimiza Mataifa Wanachama "kuchukua hatua za dharura, zitakazosaidia kuendeleza ufufuaji wa muda mrefu wa shughuli za kiuchumi na fedha, kwa kutunza haki za kimsingi kwa umma mamskini wenye kusumbuliwa zaidi na matatizo haya ya kiuchumi" kwa kupatiwa huduma za jamii.

Mkutano wa BK juu ya Mzozo wa Kifedha na Uchumi Duniani waendela New York

Mkutano Mkuu juu ya Mzozo wa Uchumi na Fedha Duniani na Athari Zake Kwa Maendeleo umeingia siku ya pili Alkhamisi ya leo, ambapo wawakilishi wa kutoka karibu nchi 150 wanaendelea kujadilia uwezekano wa kusuluhisha mizozo hii kwa "maamuzi yatakayokuwa na natija, kwa kiasi kikubwa, na kwa muda mrefu, miongoni mwa umma wa kimataifa."

Hapa na Pale

KM Ban Ki-moon amewatumia viongozi wa Kundi la G-8 barua maalumu, iliyoorodhisha masuala ambayo angelipendelea kuona yanapewa umuhimu kwenye Mkutano Mkuu utakaofanyika mwezi Julai kwenye mji wa l\'Aquila, Utaliana. Aliyataka mataifa yenye maendeleo ya viwandani yaahidi kupunguza kwa kiwango cha baina ya asilimia 25 mpaka 40 vitendo vya kumwaga hewa chafu kwenye anga, itakapofika 2020, kama ilivyopendekezwa na Tume ya Kimataifa juu ya Mabadiliko ya Hali ya Hewa Duniani (IPCC). Vile vile aliwataka viongozi wa G-8 kuandaa ratiba na utaratibu wa kuchangisha mabilioni ya dola zinazohitajiwa kuyasaidia mataifa dhaifu na masikini kujirekibisha ili kukabiliana na matatizo yaliozushwa na mabadiliko ya hali ya hewa katika miaka ijayo. Alikumbusha pia kwamba kiwango cha mchango wa kila mwaka unaotakiwa kuyasaidia mataifa ya Afrika kupata uwezo wa kuyakamilisha Malengo ya Maendeleo ya Milenia (MDGs) kwa wakati, bado ni kidogo sana, chini ya kima cha dola bilioni 20 zilioahidiwa kuchangishwa kwenye Mkutano wa Gleneagles.

Taarifa mpya juu ya homa ya mafua ya A(H1N1)

Shirika la Afya Duniani (WHO) leo limetangaza ripoti mpya kuhusu maambukizi ya homa ya mafua ya

A(H1N1) katika ulimwengu katika kipindi cha sasa.

KM amehuzunishwa sana na uvamizi wa kunajisi kimabavu wanawake wafungwa katika JKK

KM Ban Ki-moon ametangaza kuhuzunishwa sana na ripoti alizopokea karibuni, kuhusu tukio la uvamizi na vitendo vya kunajisi kimabavu, wafungwa wanawake 20 waliojaribu majuzi kukimbia kutoka gereza kuu la Goma, liliopo katika eneo la mashariki ndani ya JKK.

Janga la Nzige Wekundu ladhibitiwa Afrika Mashariki: FAO

Juhudi za dharura, zinazoungwa mkono na UM, kudhibiti bora tatizo la kuripuka janga la Nzige Wekundu katika Jamhuri ya Muungano wa Tanzania, zimeripotiwa karibuni kufanikiwa kuwanusuru kimaisha mamilioni ya wakulima, baada ya kutumiwa, kwa kiwango kikubwa, ule utaratibu wa kuangamiza kianuwai vijidudu hivi vinavyokiuka mipaka na kuendeleza uharibifu wa kilimo pamoja na kuzusha njaa.

Mkutano mkuu wa UM juu ya athari za mizozo ya Uchumi na Kifedha Duniani waanza rasmi makao makuu

Baraza Kuu la UM limeanzisha rasmi, Ijumatano ya leo, Mkutano Muhimu juu ya Mzozo wa Uchumi na Fedha Duniani na Athari Zake Kwenye Huduma za Maendeleo ambao utafanyika kwa siku tatu kwenye Makao Makuu ya UM yaliopo mjini New York.

Hapa na Pale

KM Ban Ki-moon alitangaza Ijumatatu alasiri taarifa maalumu ilioleza kuwa aliingiwa wasiwasi na fadhaa, juu ya kufumka kwa fujo na vurugu katika Jamhuri ya KiIslam ya Iran, kufuatia uchaguzi wa uraisi ulioendelezwa nchini humo wiki za karibuni.Alisema alishtushwa na matumizi ya nguvu dhidi ya raia, hali ambayo ilizusha vifo na majeruhi kadha. Aliwasihi wenye madaraka kusitisha, halan, vitendo vyote vya kutumia nguvu dhidi ya raia, na kusimamisha vitisho pamoja na kuwashika watu bila hatia. Alitumai "matakwa ya kidemokrasia ya umma wa Iran yatahishimiwa kikamilifu" na wenye mamlaka.

UNODC inajiandaa kutangaza ripoti ya 2009 juu ya tatizo la madawa ya kulevya duniani

Shirika la UM juu ya Udhibiti wa Madawa ya Kulevya na Uhalifu (UNODC) litawakilisha Ijumatano ripoti mpya kuhusu tatizo la madawa ya kulevya ulimwenguni katika 2009.