Habari Mpya

Baraza la Usalama kuongeza muda wa operesheni za amani katika Sahara ya Magharibi

Wiki hii Baraza la Usalama limepitisha, kwa kauli moja, azimio la kuongeza kwa miezi sita zaidi opereshani za UM za juu ya ulinzi wa amani katika Sahara ya Magharibi zinazoongozwa na Shirika la MINURSO. Operesheni hizi zinatarjiwa kuendelea hadi mwezi Aprili 2007.

Wahamiaji 800 kutoka Senegal kuhama makazi na kuelekea Gambia wakikimbia mapigano

Shirika la UM juu ya Huduma za Wahamiaji (UNHCR) limeripoti ya kuwa mnamo wiki mbili zilizopita wahamiaji 800 ziada kutokea jimbo la Casamance la Senegal ya kusini wameyahama makazi yao na kukimbilia vijijini katika taifa jirani la Gambia kujiepusha na mapigano yaliofumka nchini mwao kati ya vikosi vya Serekali na waasi wanaotaka kujitenga, tangu mwezi Agosti mwaka huu.

Dhamana ya wachoraji wa makatuni kuimarisha tabia ya kuvumiliana miongoni ya tamaduni tofauti

Majuzi UM ulikamilisha semina ya tano iliyozingatia suala la kustahamiliana kitamaduni, ambayo iliandaliwa na Idara ya Habari (DPI) kwa ushirikiano na Chuo Kikuu cha Emory katika Marekani.

UM waanzisha Waqf mpya wa kudumisha amani

UM umeanzisha Mfuko wa Fedha za Kudumisha Amani, waqf ambao umekusudiwa kuzisaidia nchi zinazofufuka kutoka mazingira ya uhasama, fujo, vurugu na vita kufadhiliwa fedha na ujuzi wa kukidhia mahitaji yao ya dharura, hususan katika kipindi ambapo hujikuta zimekabwa kihali na mali kutokana na upungufu wa fedha na ukosefu mkubwa wa zana kufufua ujenzi wa taasisi za taifa zilizoharibiwa na mapigano.~

Jan Pronk ataendelea kuwa Mwakilishi Maalumu wa UM kwa Sudan

Wiki hii KM Kofi Annan alikutana kwa mashauriano na Jan Pronk, Mjumbe wake maalumu anayeongoza lile Shirika la Ulinzi wa Amani la UM nchini Sudan, yaani UNMIS. Hivi majuzi Serekali ya Sudan iliripotiwa kumpiga marufuku Pronk kuwepo nchini.

Umoja wa Mataifa (UM) unaadhimisha Siku Kuu ya kuzaliwa kwake

Ijumanne tarehe 24 Oktoba huadhimishwa kote duniani na watumishi wa kimataifa kuwa ni ‘Siku Kuu ya UM’ na mwaka huu ilisherehekea mwaka wa 61 tangu Mkataba wa UM kuidhinishwa rasmi kuwa ni chombo kamili cha kanuni za kimataifa.

WFP yalalama, upungufu wa michango unahatarisha maisha ya mamilioni kusini ya Afrika

Shirika la UM juu ya Miradi ya Chakula Duniani (WFP) limenakiliwa likiripoti ya kuwa limelazimika kupunguza ile posho ya chakula wanayofadhiliwa watu muhitaji milioni 4 katika eneo la kusini ya Afrika, kwa kima kikubwa zaidi, kwa sababu ya uhaba wa michango kutoka wahisani wa kimataifa.

UM unahimiza hali ya utulivu iendelezwe katika DR Congo wakati wa duru ya pili ya uchaguzi wa uraisi

UM umetoa nasaha kwa wale viongozi wenye kugombea kiti cha uraisi katika Jamhuriya Kidemokrasi ya Kongo (DR Congo), kwenye duru ya pili ya uchaguzi utakaofanyika mwisho wa wiki [Ijumapili], kuendelea kuheshimu muungano wa taifa kabla na baada ya upigaji kura kumalizika, bila ya kuzusha mfarakano kutokana na tofauti za kimawazo.

Baraza la Usalama kuridhia kuanzishwa ofisi ya kuimarisha amani Burundi

Baraza la Usalama limepitisha, kwa kauli moja, azimio la kuanzisha ofisi maalumu mpya nchini Burundi (Bureau Integre des Nations Unies au Burundi, BINUB)itakayopewa dhamana ya kusaidia kujenga utulivu wa kudumu nchini baada ya Shirika la UM juu ya Ulinzi wa Amani (ONUB) kukamilisha operesheni zake mwisho wa mwaka (31 Disemba 2006).

Jukumu la wachoraji makatuni kustawisha amani duniani

Mapema wiki hii Idara ya Habari ya UM iliandaa semina maalumu iliyohudhuriwa na wachoraji makatuni mashuhuri wa kimataifa ambao walibadilishana mawazo juu ya taratibu zifaazo kutumiwa kwenye usanii wao zitakazosaidia kusukuma mbele amani na, hatimaye, kukomesha ile tabia ya kutovumiliana kati ya raia wa tamaduni tofauti. ~