Habari Mpya

Cryptocurrency: UNCTAD yatangaza sera 3 zakufuatwa katika matumizi ya sarafu za kidijitali

Kamati ya  Umoja wa Mataifa wa Biashara na Maendeleo UNCTAD imetoa mapendekezo ya sera tatu zinazoweza kutumiwa na nchi zinazoendelea kufuatia kuongezeka kwa matumizi ya sarafu za kidijitali au Cryptocurrency wakati huu ambapo nchi nyingi hazina sera wala mifumo madhubuti ya udhibiti na matumizi yake kwa jamii.

ILO yawezesha 'Juakali' Kenya kurasimisha ujuzi sasa kupata hata zabuni za serikali

Shirika la Umoja wa Mataifa la kazi duniani, ILO nchini Kenya, kwa kushirikiana na wadau wengine, hivi karibuni wamewaidhinisha na kuwakabidhi watu 62 vyeti vya kwanza kabisa vya RPL ambao ni mfumo wa kutambua, kutathmini na kuthibitisha maarifa na ujuzi au stadi za mtu bila kujali kwamba mtu huyo hakupita kwenye mfumo rasmi wa elimu.

Mashine za kusaidia watoto kupumua zapelekwa Ukraine; ni ubunifu kutoka Kenya

Mashine 220 za kusaidia watoto wachanga kupata hewa ya oksijeni kutokana na kuwa hatarini kufariki dunia baada ya kuzaliwa ambazo zimetengenezwa nchini Kenya kwa msaada wa shirika la Umoja wa MAtaifa la kufanikisha upatikanaji wa dawa na tiba kwa gharama nafuu UNITAID zimepelekwa nchini Ukraine wakati huu ambapo vita vinakwamisha huduma za uzazi na kujifungua. 

Tuzipe nafasi zaidi sauti za wanawake wa jamii za asili kwani wana mchango mkubwa duniani - Guterres 

Ikiwa leo Agosti 9 ni siku ya Kimataifa ya watu wa jamii ya asili dunani, Katibu Mkuu wa Umoja wa Mataifa Antonio Guterres kupitia ujumbe wake mahususi kwa siku hii, ametoa wito kwa ulimwengu kuzidisha zaidi sauti za wanawake wa jami ya asili kwani wana mchango mkubwa kwa ulimwengu.

Wiki ya unyonyeshaji wa watoto maziwa ya mama, imetupa uzoefu - Wanajamii Tanzania

Wiki ya unyonyeshaji wa maziwa ya mama kwa watoto ambayo ilianza tarehe mosi ya mwezi huu wa Agosti na kuadhimishwa duniani kote kwa jamii kuelimishwa kuhusu umuhimu wa mama kumnyonyesha mtoto imehitimishwa jana tarehe 7. Huko mkoani Morogoro nchini Tanzania, kwa wiki nzima mashirika mbalimbali kwa kushirikiana na serikali yamekuwa yakizungumza na wanajamii ili kufahamu uelewa wao kuhusu suala hili la unyonyeshaji na pia kuwapa elimu panapohitajika.

FAO yapeleka mbolea Tigray kuimarisha kilimo msimu huu wa upanzi

Huko Tigray, shirika la Umoja wa Mataifa la chakula na kilimo duniani, FAO linaimarisha upatikanaji wa mbolea ili kusaidia wakulima kupanda mazao katikati ya msimu huu wa upanzi na hili linawezekana kutokana na mkopo wa dola milioni 10 ulioidhinishwa na mfuko wa Umoja wa Mataifa wa kushughulikia majanga, CERF.

Tusisubiri baa la njaa litangazwe ndio tuisaidie Somalia: FAO

Shirika la Umoja wa Mataifa la Chakula na Kilimo FAO nchini Somalia limetoa ombi la dola milioni 131.4 ili kusaidia wananchi 882,000 kutoka wilaya 55 wenye uhitaji wa haraka wa msaada wa kuokoa maisha yao. FAO wameisihi jumuiya ya kimataifa kutosubiri mpaka nchi hiyo itangaze kuwa na baa la ndio hatua zichukuliwe na badala yake wameomba hatua kuchukuliwa sasa.

Teknolojia ya kuchuja maji kwenye mabwawa ya samaki yaongeza kiwango cha kamba 

Nchini Thailand, neema imerejea tena kwa wafugaji wa Kamba wadogo baada ya teknolojia mpya ya kuchuja maji na kulisha viumbe hao kusaidia kuondoa changamoto waliyopata awali ya milipuko ya magonjwa kutokana na uchafu wa maji kwenye mabwawa wanayofugia. 
 

Meli ya kwanza kutoka Ukraine yakamilisha ukaguzi na kuruhusiwa kuendelea na safari

Meli ya kwanza ya Ukraine iliyobeba shehena ya tani 26,000 za mahindi kwenda kuuzwa nchini Lebanon imekamilisha ukaguzi wake nchini Uturuki na kuruhusiwa kuendelea na safari yake hii leo. 

Shukrani kwa UNICEF kutupatia mafunzo ya ndege zisizo na rubani ndani – Vijana Afrika

Miaka miwili na nusu iliyopita, kupitia hapa hapa katika Idhaa ya Kiswahili ya Umoja wa Mataifa tulikufahamisha kuhusu kuanzishwa kwa shule ya kwanza ya mafunzo kuhusu takwimu na ndege zinazoruka bila rubani (Drone), ADDA ilipofunguliwa nchini Malawi kwa ufadhili wa shirika la Umoja wa Mataifa la kuhudumia watoto UNICEF.  Sasa shule hiyo inaendelea vizuri na wanafunzi kutoka mataifa mbalimbali wanaosoma hapo wanaushukuru Umoja wa Mataifa kwa kuwafanikishia elimu hii muhimu itakayosaidia katika maendeleo ya jamii za sasa na kwa siku zijazo.