Habari Mpya

Watu milioni 45 wanakabiliwa na janga la njaa kusini mwa Afrika:WFP

Watu milioni 45 wengi wakiwa wanawake na watoto katika mataifa 16 ya nchi zinazoendelea Kusini mwa Afrika wanakabiliwa na hali mbaya ya kutokuwa na uhakika wa chakula kufuatia kujirudia kwa hali ya ukame, kusambaa kwa mafuriko na kuyumba kwa uchumi.

Kimbunga Idai kilitoa picha halisi ya hali ya watu wanoishi na ulemavu Zimbabwe:UNESCO

Wakati kimbunga Idai kilipiga nchi mbali mbali ikiwemo Zimbabwe kuna baadhi ya watu katika jamii hususan wanaoishi na ulemavu walikuwa hatarini na ilikuwa ni vigumu kwao kufikiwa na msaada, kwa mujibu wa Shirika la Umoja wa Mataifa la elimu, sayansi na utamaduni UNESCO lililoandaa video mahsusi kwa ajili ya kutoa elimu kuhusu suala hilo.

Unapokuwa mkimbizi huchoki kuota ndoto:Wakimbizi Bidibidi Uganda

Unapokuwa mkimbizi huchoki kuota ndoto za siku moja maisha yako yatabadilika na kuachana na jinamizi lililolazimisha kufungasha virago.  Hii ni kauli ya baadhi ya wakimbizi kutoka Sudan Kusini ambao hivi karibuni wamepatiwa mafunzo na shirika la mpango wa chakula duniani WFP kuhadhithia maisha ya ukimbizini. 

Hatua za haraka zichukuliwe kuhakikisha afya na usalama wa wanawake Darfur:UNFPA

Hali ya machafuko inayoendelea kwenye jimbo la Darfur Magharibi nchini Sudan imewaacha maelfu ya wanawake bila huduma za kutosha za afya ya uzazi na ulinzi na hivyo kutishia Maisha yao, afya na ulinzi wao imeonya ripoti iliyotolewa leo na shirika la Umoja wa Mataifa la idadi ya watu duniani UNFPA. 

Msimu wa baridi waleta madhila zaidi kwa waliokimbia mapigano Idlib, Syria-UNICEF

Wakati mapigano yakiendela na watu wakiendelea kufurushwa Kaskazini magharibi mwa Syria, mahitaji ya watoto na familia kwa ujumla yanaongezeka kila uchao  kwa mujibu wa shirika la watoto la Umoja wa Mataifa UNICEF.

Kutambua taaluma za wakimbizi kutawasaidia kuanza upya maisha katika nchi zinazowahifadhi:UNESCO

Shirika la Umoja wa Mataifa la elimu , sayansi na utamaduni UNESCO kwa kushirikiana na shirika la Umoja wa Mataifa la kuhudumia wakimbizi UNHCR na wadau wengine wameendesha tathimini ya kwanza kabisa ya usaili wa taaluma kwa wakimbizi kwenye makazi ya wakimbizi ya Maheba nchini Zambia. 

UNHCR yaomba msaada kwa wakimbizi na jamii zinazowahifadhi nchini Sudan

Shirika la kuhudumia wakimbizi la Umoja wa Mataifa UNHCR  lina mpango wa kuongeza msaada kwa Sudan kwa kutoa  ombi la dola milioni 477 kusaidia wakimbizi 900,000 nchini humo pamoja na karibu watu robo milioni wanaowapa hifadhi katika kipindi cha mwaka mmoja ujao.

Mabadiliko ya tabianchi yanaleta changamoto kubwa kwa wanawake wavuvi Ecuador:WFP

Shirika la Umoja wa Mataifa la mpango wa chakula duniani WFP limesema mabadiliko ya tabianchi ni changamoto kubwa nchini Ecuador hasa kwa wanawake wanaotegemea na kufanya kazi ya uvuvi. 

Ofisi ya Miradi ya UN na Benki ya Dunia washirikiana kuboresha maisha ya watu wa Yemen

Ofisi ya miradi ya Umoja wa Mataifa, UNOPS kwa kushirikiana na Benki ya dunia pamoja na wadau wenyeji, wanafanya juhudi za kuboresha huduma mijini pamoja na nishati ya umeme kwa mamilioni ya watu wa Yemen. Ni kufuatia miaka mitano ya vurugu nchini Yemen ambazo zimeharibu sana miundombinu na huduma za jamii zinazotegemewa sana na watu wa Yemen.

Jinamizi la tetemeko la 2010 bado linaighubika Haiti-IOM

Shirika la uhamiaji la Umoja wa Mataifa IOM linasema miaka 10 baada ya tetemeko baya zaidi kuwahi kukikumba kisiwa cha Haiti idadi kubwa ya watu waliotawanywa wameweza kurejea nyumbani lakini bado jinamizi la tetemko hilo linawaandama.