Habari Mpya

WHO yatangaza leseni ya wazi ya utafiti wa kupamba na COVID-19

Shirika la afya la Umoja wa Mataifa WHO na lile la hati miliki za dawa MPP hii leo wametangaza leseni ya kwanza ya uwazi ya kimataifa ya teknolojia inayohusiana na COVID-19 iliyotolewa na baraza la kitaifa la utafiti la Hispania CSIC.

Yemen njaa na magonjwa vinakatili maisha ya watu wengi kuliko vita:UNDP

Vifo vingi nchini Yemen vinatokea kutokana na athari za mzozo kwa bei ya vyakula na kuzorota kwa hali ya usafi.  

Mifumo ya uzalishaji na usambazaji wa mazao ya chakula iimarishwe- FAO

Ripoti mpya ya Umoja wa Mataifa kuhusu hali ya chakula na kilimo duniani SOFA2021, imezitaka nchi duniani kuhakikisha mifumo yao ya kilimo cha mazao ya chakula ina uwezo wa kuhimili changamoto zozote zinazoweza kutokea kama vile janga la ugonjwa wa Corona au COVID-19, ambalo limesababisha ongezeko la njaa duniani.
 

Miaka mitano baada ya makubaliano ya amani, Llano Grande Colombia waunda familia kutoka sehemu tofauti.

Katibu Mkuu wa Umoja wa Mataifa António Guterres anaelekea Colombia wiki hii kuadhimisha miaka mitano tangu kutiwa saini kwa mapatano ya amani yaliyomaliza miaka 50 ya mzozo nchini humo, na shughuli zake zitajumuisha kusafiri hadi katika kijiji cha Llano Grande, ambako wakazi wa mji huo. na wapiganaji wa zamani wanafanya kazi pamoja ili kupata maisha bora ya baadaye. 

Mkakati wa wilaya moja bidhaa moja wainua viwanda vidogo Tanzania

Tanzania imeitikia wito wa kuimarisha viwanda vidogo vidogo kama njia mojawapo ya kufanikisha malengo ya Umoja wa Mataifa ya maendeleo endelevu, SDG ikiwemo kutokomeza umaskini.
 

Ili kutimiza lengo la mabadiliko ya tabianchi lazima tutimize lengo la misitu:FAO/UNECE

Athari za mabadiliko ya tabia nchi kwenye misitu zitakuwa kubwa imesema ripoti iliyotolewa leo na shirikia la Umoja wa Mataifa la chakula na Kilimo FAO kwakushirikinana na kamisheni ya masuala ya uchumi barani ulaya UNECE. 

Mtu 1 anauawa kwenye ajali barabarani katika kila sekunde 24- UN

Kila sekunde 24 mtu mmoja anakufa kwenye ajali ya barabarani! Ndivyo ulivyoanza ujumbe wa Katibu Mkuu wa Umoja wa Mataifa Antonio Guterres katika maadhimisho ya leo ya siku ya kukumbuka waliopoteza maisha au kujeruhiwa kutokana na ajali za barabarani.
 

Tutaendelea kushirikiana na Afrika kusongesha maendeleo ya viwanda- UN

Katika kuadhimisha siku ya maendeleo ya viwanda barani Afrika, hii leo tarehe 20 mwezi Novemba mwaka 2021, Katibu Mkuu wa Umoja wa Mataifa Antonio Guterres amesisitiza azma ya umoja huo kushirikiana na viongozi na wakazi wa Afrika katika kuhakikisha maendeleo ya viwanda yanakuwa jumuishi na yanafungua njia ya ustawi na amani kwa wote.
 

Mlo shuleni warejesha ari na matumaini kwa watoto Haiti baada ya tetemeko la ardhi

Nchini Haiti watoto wa familia ambazo ziliathiriwa vibaya na tetemeko kubwa la ardhi lililosambaratisha kwa kiasi kubwa eneo la kusini-magharibi mwa nchi hiyo mwezi Agosti mwaka huu sasa wanapata mgao wa bure wa chakula shuleni kama sehemu ya hatua ya shirika la Umoja wa Mataifa la mpango wa chakula duniani WFP ya kusaidia jamii zilizo hatarini zaidi kujikwamua.

Kutana na Emmanuel, kijana mchechemuzi wa haki za mtoto

Ikiwa leo ni siku ya mtoto duniani, shirika la Umoja wa Mataifa la kuhudumia watoto UNICEF limetumia siku ya leo kuonesha ni kwa jinsi gani vijana wameamua kuchukua hatua kusongesha haki za msingi za mtoto ambazo ni kuishi, kuendelezwa, kulindwa na kushirikishwa.