Habari Mpya

Fafanuzi juu ya Mkataba mpya wa Kuhifadhi Haki na Utu wa Watu Walemavu Duniani

Mkurugenzi Mtendaji wa Umoja wa Watu Walemavu Zanzibar (UWZ), Maalim Khalfan Hemed Khalfan, anayewakilisha pia shirika lisio la kiserekali la kimataifa linaloitwa Disabled Persons International (DPI) alikuwa miongoni mwa wajumbe kadha wa kimataifa, waliohudhuria katika wiki iliopita taadhima zilizofanyika kwenye ukumbi wa Baraza la Kuu la UM, New York, ambapo wawakilishi wa nchi wanachama 80 ziada walikusanyika kutia sahihi Mkataba mpya wa Kuhifadhi Haki na Utu wa Watu Walemavu Duniani. Idadi hiyo ilikiuka rikodi ya kihistoria kuhusu jumla ya ya nchi zilizotia sahihi mkataba mpya wa kimataifa, kwa mara ya kwanza.~~

Maendeleo ya uchumi Afrika yameegamia msingi dhaifu: ECA

Mnamo mwanzo wa wiki, Ejeviome Eloho Otobo, ofisa mchumi wa UM, aliyewahi kufanya kazi na Kamisheni ya UM juu ya Maendeleo ya Uchumi kwa Afrika (ECA), iliopo Addis Ababa, Ethiopia aliwakilisha mbele ya waandishi habari wa kimataifa kwenye Makao Makuu ripoti yenye muktadha usemao \'Taarifa juu ya Hali ya Uchumi Afrika 2007\'. Alisema uchumi wa Afrika, kwa ujumla, uliendelea kukuwa kwa asilimia tano mnamo miaka mitatu iliopita, lakini mwelekeo huo uliselelea kwenye msingi dhaifu sana.~

Hapa na pale

Antonio Guterres, Kamishna Mkuu was Shirika la UM juu ya Huduma za Wahamiaji (UNHCR, alipokuwa ziarani Mashariki ya Kati wiki hii, aliahidi kuwa atapeleka Iraq maofisa zaidi wa shirika lake kuwasaidia kihali wale WaIraki karibu milioni 4 waliong’olewa makwao kutokana na vurugu lilioshtadi nchini mwao.~

KM na UNMIS walaani mauaji ya wanajeshi wa AMIS katika Darfur

KM Ban Ki-moon amearifu kuhuzunishwa na mauaji ya kihorera ya wanajeshi watano wa vikosi vya ulinzi wa amani vya Umoja wa Afrika (AMIS) yaliyofanyika Ijumapili iliopita katika eneo la Um Baru, kilomita 220 kutoka El Fasher, mji mkuu wa jimbo la Darfur ya Kaskazini.

UM kuimarisha huduma mseto kwa Darfur

Mkutano wa sita wa Makundi Matatu ya Ushauri ulifanyika mjini Khartoum wiki hii kuzingatia usimamizi bora wa mpango wa amani katika Darfur. Mpango huu unahusisha Serekali ya Sudan, Umoja wa Mataifa (UM) na pia Umoja wa Nchi Huru za Afrika (AU). Shirika la UM juu ya Ulinzi wa Amani kwa Sudan (UNMIS) liliripoti mkutanoni ya kwamba UM umeshaajiri maofisa waandalizi wa kijeshi 21 pamoja na wafanyakazi wa kiraia 11, ambao wapo Khartoum wakisubiri kupelekwa Darfur kuwasaidia walinzi wa amani wa AU, wakiwa sehemu ya mwafaka wa Furushi Hafifu la Msaada wa vikosi vya mseto vinavyohitajika kuimarisha utulivu na amani katika Darfur.

Ajenda ya BU kwa Aprili itaongozwa na masuala ya Darfur na mabadiliko ya hali ya hewa

Balozi Emyr Jones Parry wa Uingereza aliwaambia wanahabari wa kimataifa kwenye Makao Makuu mjini New York, ya kwamba kutokana na muongezeko wa vurugu na hali ya wasiwasi katika jimbo la uhasama la Darfur, Sudan na athari zake kwa mataifa jirani, na pia tatizo la madhara ya mabadiliko ya hali ya hewa ulimwenguni, Baraza la Usalama limeamua kuyapa masuala haya umuhimu zaidi katika mijadala yake ya Aprili.

UM unahimiza upatanishi na amani irudishwe Usomali

Mjumbe Maalumu wa KM kwa Usomali, Francois Lonseny Fall wiki hii alihudhuria Mkutano wa Amani wa Pande Tatu kwa Usomali uliofanyika Cairo, Misri na kusimamiwa Shirika la Mawasiliano ya Kimataifa kwa Somalia (IGAD). Alipowasilisha risala yake mkutanoni Fall alionya dhidi ya kitendo cha kupokonya silaha kwa nguvu makundi yanayohasimiana mjini Mogadishu, ikiwa lengo la operesheni hizo ni kuwasilisha mazingira yatakayoruhusu mkutano wa upatanishi kufanyika kwenye mji mkuu huo.

Halali kutuma vikosi vya usalama CAR, asisitiza Mshauri wa UM juu ya misaada ya dharura

Mshauri wa KM kwa Masuala ya Kiutu, John Holmes alipendekeza, kwenye ripoti aliowasilisha mbele ya Baraza la Usalama (BU) kuhusu ziara ya karibuni barani Afrika, kuwa wakati umewadia kwa jamii ya kimataifa kupeleka vikosi vya amani vya kimataifa, vyenye ujuzi na uzoefu mbalimbali, kwenye lile eneo la vurugu la Jamhuri ya Afrika ya Kati (CAR), liliopo kaskazini mashariki ambapo karibuni wakazi 300,000 walingo\'lewa makwao kwa nguvu kwa sababu ya mapigano yaliofumka huko na kuhatarisha maisha ya raia.Holmes alipendekeza vikosi vya kimataifa vipelekwe bila ya kusubiri idhini ya taifa jirani la Chad, ambalo kwa sasa nalo pia limezongwa na mvutano wa uhasama wa wenyewe kwa wenyewe.

Mijadala ya mwaka ya CSW inazingatia haki za wanawake na mabinti

Kamisheni ya Baraza Kuu juu ya Haki za Wanawake, au Kamisheni ya CSW, kabla ya kukamilisha kikao cha mwaka, kwa 2007, ilipitisha mswada wenye mapendekezo manne muhimu: awali, jumuiya ya kimataifa ilitakiwa kuwatekelezea wanawake wa Kifalastina haki halali za kimsingi; pili, watoto wa kike walitakiwa wapatiwe hifadhi bora dhidi ya VVU/UKIMWI; tatu, tabia ya kutahiri mabinti ikomeshwe, na mwishowe, kuhakikisha mila ya kuoza watoto wa kike wenye umri mdogo inasitishwa. Mapendekezo haya manne yanalingana na kiini cha mijadala ya kikao cha 51 cha Kamisheni ya CSW.

Fafanuzi za kikao cha 51 cha Kamisheni ya CSW kuhusu haki za wanawake

Kamisheni ya Baraza Kuu la UM juu ya Hadhi na Haki za Wanawake, au Kamisheni ya CSW, karibuni ilikutana kwenye Makao Makuu ya UM mjini New York, na kuzingatia utaratibu wa kuchukuliwa na nchi wanachama kuharakisha utekelezaji wa ile mikataba na miradi iliopitishwa na kuidhinishwa kimataifa, inayohusu haki za wanawake, ili kulipatia fungu hili la kijinsia ulinzi halali dhidi ya vitendo vya kibaguzi.~