Habari Mpya

Juhudi za kuwasawazishia wanawake haki za kisheria nchini Tanzania

Mnamo 1996, Shirika la UM juu ya Mfuko wa Maendeleo kwa Wanawake (UNIFEM) lilidhaminiwa na Baraza Kuu la UM madaraka muhimu ya kusimamia matumizi ya Mfuko wa Amana ulioanzishwa wakati huo Kukomesha Unyanyasaji na Utumiaji Nguvu dhidi ya Wanawake.

ICC kufichua orodha ya majina ya watuhumiwa dhidi ya makosa ya jinai katika Darfur.

Mahakama ya UM juu ya Jinai ya Halaiki (Mahakama ya ICC) imetengaza kuwa itawasilisha mbele ya Mahakama Ndogo, mnamo Februari 27 (2006)orodha ya awali ya majina ya watuhumiwa walioshukiwa kushiriki kwenye vitendo vya uhalifu wa vita na jinai dhidi ya utu katika jimbo la Sudan magharibi la Darfur.

Mazungumzo ya amani kwa Darfur yafanyika Khartoum

Shirika la UM juu ya Ulinzi wa Amani kwa Sudan (UNMIS) limeripoti kuwa Alkhamisi kulifanyika mkutano wa sita wa Utaratibu wa Amani wa Sehemu Tatu, katika mji wa Khartoum, Sudan ambapo kulijumuika wawakilishi wa Vikosi vya Ulinzi wa Amani vya Umoja wa Nchi Huru za Afrika (AU), wawakilishi wa UM pamoja na wale wa Serekali ya Sudan ambao walizingatia, kipamoja, furushi la mapendekezo ya kuimarisha zaidi operesheni za amani za vikosi vya AU katika Darfur.

AU kuidhiniwa na Baraza la Usalama ruhusa ya kupeleka vikosi vya usalama Usomali

Mapema wiki hii Baraza la Usalama limepitisha, kwa kauli moja, pendekezo lilioruhusu Umojas wa Nchi Huru za Afrika (AU) kuanzisha operesheni mpya za usalama na amani katika Usomali kwa kipindi cha miezi sita.

MONUC imethibitisha askari watoto wanaendelea kuajiriwa DRC, kinyume na kanuni za kimataifa

Shirika la UM juu ya Ulinzi wa Amani katika Jamhuri ya Kidemokrasia ya Kongo (MONUC)limethibitisha kwenye ripoti yake iliobainishwa wiki hii, ya kuwa askari watoto, wenye umri mdogo, bado wanaendelea kushinikizwa kusema uongo kuhusu umri wao na hadhi yao ya kiraia, ili wapate fursa ya kujiandikisha na jeshi jipya la muungano la taifa. TRukio hili limeshuhudiwa kujiri katika jimbo la Kivu Kaskazini.

Msaada wa dharura unahitajika haraka CAR kunusuru maisha, yaonya UNICEF

Mia Farrow, msanii maarufu wa michezo ya kuigiza, ambaye pia ni Balozi Mfadhili wa Shirika la UM juu ya Mfuko wa Maendeleo kwa Watoto (UNICEF) karibuni alizuru kwa siku nne sehemu za kaskazini za Jamhuri ya Afrika ya Kati (CAR).

WFP kununua chakula Msumbiji kuhudumia waathiriwa wa mafuriko

Shirika la UM juu ya Miradi ya Chakula Duniani (WFP) limetoa mwito wa kufadhiliwa, kidharura, msaada wa fedha zinazohitajika kununua chakula kutoka Msumbiji, taifa liliodhurika na mafuriko kusini ya Afrika. Lengo la hatua hii ni kunusuru maisha ya raia muhitaji 120,000 walioathiriwa na mafuriko yalizka hivi karibuni katika taifa hilo.

Mkuu wa UNESCO anashtumu unyanyasaji wa wanahabari Eritrea

Koichiro Matsuura, Mkurugenzi Mkuu wa Shirika la UM juu ya Ilimu, Sayansi na Utamaduni (UNESCO) ameripotiwa akisema ya kwamba hakuridhika hata kidogo juu ya namna waandishi habari wanavyotendewa na wenye madaraka katika Eritrea na vikwazo walioekewa vyombo vya habari dhidi ya uhuru wa kuendeleza kazi zao bila ya kuingiliwa na serekali.

FAO imeitahadharisha Nigeria kuboresha udhibiti wa mifugo na kujikinga na H5N1

Shirika la UM juu ya Chakula na Kilimo (FAO) limependekeza kwa Serekali ya Nigeria kuongeza huduma za kudhibiti afya katika masoko na mashamba ya kuku, kwa kuchanja mifugo ili kujikinga na hatari ya kutapakaa kwa virusi vya aina ya H5N1, ambavyo husababisha homa ya mafua ya ndege.

UM umeanzisha huduma za kuwasaidia waathiriwa wa mafuriko katika Msumbiji

Mnamo mwanzo wa wiki UM ulianzisha operesheni maalumu za dharura za kugawa chakula na kuokoa wale raia walionaswa baada ya mvua kali kunyesha na kuzusha mafuriko mabaya ya kihistoria katika Msumbiji, hasa katika eneo ya kati. Hali hiyo iliwalazimisha watu 85,000 kuhajiri makazi yao.