Habari Mpya

WHO inasimama na mataifa ya Afrika, chocnde chonde msifunge mipaka

Wakati idadi ya nchi zinazotangaza marufuku ya safari za ndege kwa mataifa ya Kusini mwa Afrika ikiongezeka kutokana na hofu ya aina mpya ya virusi vya COVID-19 vya Omicron, shirika la afya la Umoja wa Mataifa ulimwenguni WHO leo limezisihi nchi kufuata sayansi na kanuni za kimataifa za afya za mwaka 2005.

Michelle Bachelet aanza ziara ya wiki moja Burkina Faso na Niger:OHCHR

Kamishina Mkuu wa Haki za Binadamu wa Umoja wa mataifa Michelle Bachelet leo ameaza ziara ya siku saba ya kikazi barani Afrika akizuru nchi za Burkina Faso na Niger, kwa mwaliko maalum wan chi hizo. 

Je wafahamu misingi iliyowezesha Kiswahili kuadhimishwa 7/7?

Mkutano Mkuu wa 41 wa shirika la Umoja wa Mataifa la elimu, sayansi na utamaduni, UNESCO tarehe 23 mwezi huu wa Novemba mwaka 2021 ulipitisha azimio namba 41C/61 la kutangaza tarehe 7 mwezi Julai kila mwaka kuwa siku ya Kiswahili duniani.

Kumezuka aina mpya ya COVID-19, tahadhari ichukuliwe:WHO

Shirika la Umoja wa Mataifa la afya ulimwenguni, WHO limezitaka nchi zote kuzingatia mbinu za kisayansi na za dharura pindi zinapotaka kupiga marufuku safari katika maeneo yanayohusishwa na aina mpya ya virusi vya Corona au COVID-19 iliyobainiwa nchini Afrika Kusini na Botswana. 

Mfanyakazi 1 tu kati ya 4 wa afya wa Kiafrika ndio amepata chanjo kikamilifu dhidi ya COVID-19

Asilimia 27 tu au mfanyakazi 1 wa Afya kati ya 4 barani Afrika ndio amepata chanjo kamili dhidi ya COVID-19, hii ikimaanisha kuwa idadi kubwa ya wafanyikazi wa sekta hii iliyo mstari wa mbele kupambana na janga la CORONA au COVID-19 wanafanya kazi bila kinga. 

Mamilioni ya watu zaidi wahitaji msaada wa chakula Ethiopia kutokana na machafuko Kaskazini mwa nchi:WFP

Idadi ya watu wanaohitaji msaada wa chakula kaskazini mwa Ethiopia imeongezeka na kufikia takriban watu milioni 9.4 na hii ni kutokana na vita inayoendelea nchini  humo, limesema shirika la Umoja wa Mataifa la mpango wa chakula duniani WFP. 

Kenya tuna mengi ya kujivunia na expo2020 ni fursa ya kuyaonesha:Macheso

Maonesho ya kimataifa au Expo2020 ambayo mwaka huu yanafanyika Dubai katika nchi za Falme za Kiarabu au Emarati ni fursa nzuri ya washiriki kutoka kila pembe ya dunia kunadi uwezo wao katika Nyanja mbalimbali iwe kilimo, biasahara, nishati, teknolojia na kadhalika lengo likiwa kuvutia fursa za kibiashara, ushirikiano, utalii  na hata uwekezaji.

Msaada kwa manusura wa ukatili wa kijinsia waleta raha baada ya karaha

Mizozo, majanga ya kibinadamu na ongezeko la majanga yatokanayo na tabianchi yamesababisha viwango vya juu vya ukatili dhidi ya wanawake na wasichana, hali ambayo imshika kasi zaidi wakati wa janga la ugonjwa wa Corona au COVID-19. Kitendo hicho kimechangia udharura wa kutokomeza ukatili dhidi ya wanawake.
 

Kutozingatia masharti ya matumizi ya viuavijiumbe maradhi ndio chachu ya usugu wa dawa:FAO

Shirika la chakula na kilimo la Umoja wa Mataifa FAO limesema ongezeko la usugu wa viuavijiumbe maradhi yaani dawa zinazopambana na vimelea vya maradhi unatokana kwa kiasi kikubwa na kutozingatia marshi ya matumizi ya dawa hizo hususani katika kilimo na ufugaji. 

COVID-19 yachochea madhila ya ukatili dhidi ya wanawake :UN WOMEN

Ripoti mpya iliyotolewa na Shirika la wanawake la Umoja wa Mataifa UN Women iliyoangazia athari za janga la COVID-19 kwa usalama wa wanawake nyumbani na katika maeneo ya umma imeonesha kuwa hisia za usalama za wanawake zimepotea, na kusababisha athari mbaya kwa hali yao ya kiakili na kimihemko.