Habari Mpya

ICC kuchunguza uhalifu wa vita Palestina itakuwa hatua muhimu:UN

Wataalam wa haki za binadamu wa Umoja wa Mataifa wamesema itakuwa hatua muhimu kwa mahakama ya kimata ya uhalifu ICC kuchunguza madai ya uhalifu wa vita katika eneo linalokaliwa la Wapalestina itakuwa muhimu sana.

UNAMID yakaribisha muafaka baina ya serikali ya Sudan na Darfur Track

Mpango wa pamoja wa Umoja wa Mataifa na Muungano wa Afrika AU kulinda amani Darfur Sudan UNAMID, leo umekaribisha mpango wa makubaliano uliotowasaini baina ya serikali ya mpito ya Sudan na kundi la vuguvugu lenye silaha la Darfur liitwalo Darfur Track.

UN yalaani vikali shambulio la kigaidi lililoua zaidi ya watu 70 Mogadishu

Umoja wa Mataifa umelaani vikali shambulio la kigaidi lililofanyika leo Jumamosi Desemba 28 mwaka 2019 mjini Mogadishu nchini Somalia.

Baraza Kuu laidhinisha bajeti ya UN kwa 2020 ni zaidi ya dola bilioni 3

Baraza Kuu la Umoja wa Mataifa Ijumaa jioni limeidhinisha bajeti ya Umoja huo kwa mwaka 2020 ambayo ni jumla ya dola 3,073,830,500. 

Hukumu ya kifo kwa madai ya kukashifu dini Pakistan ni ukiukwaji wa haki: Wataalam UN

Watalaam huru wa haki za binadamu wa Umoja wa Mataifa leo wamelaani vikali hukumu ya kifo aliyopewa mhadhiri wa chuo kikuu cha Bahauddin Zakariya nchini Pakistan kwa madai ya kukashifu dini.

Usajili wa kuzaliwa ni nini na una umuhimu gani?

Katika nchi nyingine, usajili wa kuzaliwa haupewi kipaumbele kama jambo la kawaida kufuatia kuzaliwa kwa mtoto. Lakini kwa wengine wengi, ni hatua muhimu inayokosekana katika kuthibitisha utambulisho wa kisheria wa mtoto. Bila huo, watoto hawatambuliki na serikali zao, hivyo haki zao zinaweza kutolindwa na kutozingatiwa, pamoja na huduma muhimu kama huduma za afya na elimu.

Karibu robo ya watoto wote waliozaliwa duniani walio chini ya wa miaka 5 hawajawahi kusajiliwa. Maisha ya watoto hawa ni muhimu, lakini hawawezi kulindwa ikiwa serikali hawatambui.

Hukumu ya kifo dhidi ya wauaji wa Khashoggi ni zahma juu ya zahma:Callamard

Mtaalam maalum wa haki za binadamu wa Umoja wa Mataifa kuhusu mauaji na mauaji ya kiholela Agnes Callamard amesema ameshtushwa sana na hukumu ya kifo waliyopewa wanaodaiwa kumuua mwandishi wa Habari wa Saudia Jamal Khashoggi huku walioamuru mauaji hayo wakiachwa bila kuguswa.

Guterres alaani shambulio la Jumanne Soum, Burkina Faso

Katibu Mkuu wa Umoja wa Mataifa, Antonio Guterres amelaani vikali shambulio lililotekelezwa Jumanne na kikundi cha watu waliokuwa wamejihami wasiojulikana huko kaskazini mwa Burkina Faso.

Guterres aelezea kusikitishwa na mauaji ya raia Nigeria, atuma salamu za rambirambi kwa familia

Katibu Mkuu wa Umoja wa Mataifa, Antonio Guterres ameelezea kusikitishwa na ripoti za raia kuuwawa na wengine kutekwa na kundi la watu waliojihami kaskazini mwa jimbo la Borno kwenye eneo la Kaskazini Mashariki mwa Nigeria.

WFP na serikali ya Myanmar wafanya ushirikiano mpya kutokomeza njaa

Shirika la mpango wa chakula duniani WFP na serikali ya Myanmar wametia saini makubaliano mapya kwa lengo la kutokomeza njaa. U Than Aung Kyaw,  mkurugenzi mkuu katika idara ya mambo ya nje  na Stephen Anderson mkurugenzi wa WFP nchini Myanmar ndio waliosaini makubaliano kati ya pande hizo mbili.