Habari Mpya

IOM imetangaza kuwapatia IDPs wa Zimbabwe hifadhi na misaada ya dharura

Shirika la Kimataifa la Uhamiaji (IOM) limetangaza kuanzisha mradi mpya wa kuwasaidia kidharura wahamiaji wa ndani (IDPs) waliong\'olewa makazi katika Zimbabwe kupata hifadhi wanayohitajia kumudu maisha.

Mashambulio ya chuki za wageni Afrika Kusini yamelaaniwa na UNHCR

Mashambulio yaliotukia Ijumanne kwenye eneo la De Doorns, Afrika Kusini yaliochochewa na chuki na hofu dhidi ya wageni wa nchi, ikijumlisha raia wa Zimbabwe wenye kuomba hifadhi ya kisiasa, yaliripotiwa kusababisha baadhi ya wahamiaji 3,000 kukimibia mabanda waliokuwa wakijistiria ili kunusuru maisha, na ni kitendo ambacho kililaaniwa na Shirika la UM juu ya Huduma za Wahamiaji (UNHCR).

Hapa na pale

KM Ban Ki-moon ameripotiwa kukaribisha uteuzi wa Herman van Rompuy kuwa raisi wa awali wa Umoja wa Ulaya, na vile vile kupongeza uteuzi wa Catherine Ashton kuwa Mjumbe Mkuu wa Umoja wa Ulaya juu ya Masuala ya Nchi za Kigeni na Sera za Usalama. KM alisema atashirikiana kikazi, kwa ukaribu, na viongozi hawa wa Umoja wa Ulaya, yaani Rompuy na Ashton, na kuimarisha uhusiano baina ya Umoja wa Ulaya na Umoja wa Mataifa.

Hapa na pale

KM Ban Ki-moon amemtumia salamu za pongezi Raisi Hamid Karzai wa Afghanistan baada ya kuapishwa Alkhamisi, kuwa Raisi atakayetumikia awamu ya pili ya utawala, kufuatia uchaguzi uliofanyika nchini katika wiki za karibuni. KM aliunga mkono ahadi za Raisi Karzai za kutumikia raia wote WaAfghani, na kupiga vita vitendo vya rushwa, na katika kuimarisha utawala bora, na pia kuhakikisha hali ya usalama inajiri nchini, na kwamba atajitahidi kuhudumia mahitaji ya taifa, kwa ujumla, kwa kulingana na fafanuzi alizowakilisha kwenye hotuba yake ya kutawazishwa uraisi. KM alisema UM utaendelea kushirikiana na Raisi Karzai na serikali yake, pamoja na umma wa Afghanistan na washirika wa kimataifa katika huduma za maendeleo ya kukuza uchumi na jamii nchini mwao.

Mashirika ya UM yanahudumia kihali WaAngola waliofukuzwa kutoka JKK

Ofisi ya OCHA imeripoti raia wa Angola waliofukuzwa JKK na waliorejea nchini mwao hivi sasa wanajumlisha watu 51,000.

MONUC imekaribisha kukamatwa Ujerumani kwa viongozi wawili wa FDLR

Shirika la UM juu ya Ulinzi Amani katika JKK (MONUC) limetangaza kukaribisha kukamatwa nchini Ujerumani, mnamo siku ya Ijumanne, kwa viongozi wawili wa kundi la waasi la FDLR (Forces démocratiques de Libération du Rwanda), wanaoitwa Ignace Murwanashyka and Straton Musoni.

Uspeni imeongeza maradufu mchango wake kwa WFP kupambana na njaa katika Pembe ya Afrika

Soraya Rodriguez Ramos, Waziri wa Nchi wa Uspeni kwa Ushirikiano wa Kimataifa, ametangaza siku ya leo kuwa serikali yao imekabidhi Shirika la UM juu ya Miradi ya Chakula Duniani (WFP) msaada wa Yuro milioni 75 (dola milioni 112) kutumiwa kufarajia hali mbaya ya chakula iliolivaa eneo la Pembe ya Afrika.

Benki Kuu ya Dunia inasisitiza miundombinu dhaifu ya Afrika inahitajia misaada maridhawa kukuza maendeleo

Kwenye ripoti ya utafiti wa Benki Kuu ya Dunia kuhusu hali ya miundombinu katika Afrika, imeripotiwa kwamba mnamo miaka michache iliopita, bara la Afrika lilifaidika kujipatia maendeleo muhimu.

UNICEF inaunga mkono utekelezaji wa Mkataba wa Haki ya Mtoto kimataifa

Philip O\'Brien, Mkurugenzi wa Shirika la UM juu ya Mfuko wa Maendeleo kwa Watoto (UNICEF) anayehusika na Uchangishaji Pesa na Mashirkiano aliwaambia waandishi habari Geneva Alkhamisi ya leo,

Hapa na pale

Mkutano Mkuu wa UM wa kuzingatia maendeleo kwenye bidii za pamoja katika kudhibiti bora akiba ya chakula duniani, uliofanyika Roma, Utaliana kwa siku tatu, ulihitimisha majadiliano Ijumatano bila ya wajumbe wa kimataifa kukubaliana juu ya mchango wa fedha maridhawa zinazohitajika kupambana na tatizo kuu la njaa katika ulimwengu. Shirika la UM juu ya Chakula na Kilimo (FAO) - liliotayarisha mkutano - limekadiria mchango wa dola bilioni 44 utahitajika kidharura, kuwekezwa kila mwaka, kwenye kilimo, kupiga vita, kwa mafanikio, matatizo ya njaa duniani.