Habari Mpya

Mtumishi wa UM kutoka Tanzania anazungumzia maana halisi ya "Sikukuu ya Walinzi Amani wa Kimataifa" pamoja na mchango wa wanawake

Idhaa ya Kiswahili ya Redio ya UM imeandaa kipindi maalumu kuiadhimisha \'Sikukuu ya Walinzi Amani wa Kimataifa\' kwa 2009, makalailiokusudiwa kubainisha mchango wa vikosi vya wanajeshi, polisi na watumishi raia katika kuimarisha utulivu na amani duniani.

Hapa na Pale

Tume ya Kuchunguza Ukweli juu ya Vita katika Tarafa ya Ghaza, iliobuniwa rasmi mwezi uliopita kwenye kikao maalumu cha Baraza la Haki za Binadamu Geneva, inatarajiwa kuelekea Ghaza mnamo mwisho wa wiki hii, kwa kupitia kivuko cha Rafah, kiliopo upande wa Misri. Tume ya watu watatu, inayoongozwa na Jaji Richard Goldstone wa Afrika Kusini, itawasili Ghaza Juni mosi na itakutana na makundi husika yote na mgogoro wa eneo hilo, ikijumlisha mashirika yasio ya kiserikali, jumuiya za kiraia, mashirika ya UM, waathirika wa mashambulio ya Israel pamoja na kuklutana na wale mashahidi wengine wanaohusika na madai ya kufanyika ukiukaji wa haki za kibinadamu katika eneo liliokaliwa. Tume ya Barazala Haki za Binadamu pia itakutana na watu wengine wenye taarifa ziada juu ya ukweli wa matukio yanayofanyiwa uchunguzi katika Ghaza.

Siku ya kimataifa dhidi ya matumizi ya tumbaku- 31 Mei 2009

Tarehe 31 Mei, ambayo mwaka huu itaangukia Ijumapili, huadhimishwa kila mwaka na UM, kuwa ni Siku ya Upinzani Dhidi ya Matumizi ya Tumbaku Ulimwenguni.

OCHA itafadhilia JKK na Sudan msaada wa CERF kuwahudumia waathirika wa mashambulio ya LRA

Ofisi ya UM juu ya Misaada ya Dharura (OCHA) imetangaza kutenga dola milioni 10.2 kutoka Mfuko wa UM wa Maafa ya Dharura au Mfuko wa CERF, ili kuisaidia JKK kuhudumia kihali umma ulioathirika na mashambulio ya waasi wa kundi la LRA.

Mfumko wa fujo Usomali waitia wasiwasi ICRC kuhusu usalama wa umma

Kamati ya Kimataifa ya Msalaba Mwekundu na Hilali Nyekundu (ICRC) imeeleza kuwa na wasiwasi kuhusu uharibifu mkubwa ulioshuhudiwa kuzuka karibuni katika Usomali, hali ambayo imeathiri sana hali ya kiutu ya raia walionaswa kwenye mazingira ya mapigano, hususan kwenye mji wa Mogadishu.

UM waadhimisha 'Sikukuu ya Kuwakumbuka Walinzi Amani wa Kimataifa'

Siku ya leo, tarehe 29 Mei (2009) inaadhimishwa na UM kuwa ni ‘Siku Kuu ya Kumbukumbu ya Walinzi Amani wa Kimataifa.’

Hapa na pale

Asubuhi, Baraza la Usalama lilifanyisha mkutano kusailia hali katika Bosnia na Herzegovina. Wajumbe wa Baraza walipatiwa fafanuzi juu ya maendeleo ya kurudisha “utulivu na usimamizi wa utawala wa muda mrefu” kieneo, kutoka Mjumbe Mkuu mpya wa UM kwa Bosnia na Herzegovina, Valentin Izko. Alisema hali katika miezi sita iliopita nchini Bosnia-Herzegovina ilikuwa “imara na isio wasiwasi” lakini umoja wa taifa, katiba na mfumo wa kiTaifa ni masuala ambayo bado yanaendelea kupigwa vita na Republika Srpska, eneo la nchi ambalo limeashiria linataka haki ya kujiamulia wenyewe na kujitenga. Na mnamo alasiri Baraza la Usalama lilifanyisha kikao rasmi juu ya ziara ya karibuni ya wajumbe wa Baraza katika JKK, Rwanda, Liberia na Ethiopia, ambapo walipata fursa ya kushauriana na wawakilishi wa Umoja wa Afrika (UA).

ILO inatabiri kukithiri kwa wasiyekuwa na kazi duniani katika 2009

Juan Somavia, Mkurugenzi Mkuu wa Shirika la UM juu ya Haki za Wafanyakazi (ILO) amewasilisha ripoti mpya, kwa kupitia Geneva, yenye kutabiri idadi ya watu wasiyekuwa na kazi mwaka huu, itaongezeka kwa kima cha baina ya watu milioni 39 hadi milioni 59.

UNAMID imeripoti hali tulivu imefunika Darfur kwa sasa

Shirika la Operesheni za Mchanganyiko za UM-UA kwa Darfur (UNAMID) limeripoti Ijumatano kwamba hali ya usalama kwenye eneo hilo, kwa sasa hivi, ni shwari.

WFP yafungua ofisi mpya Usomali ya Kati

Shirika la Miradi ya Chakula Duniani (WFP) limefungua ofisi mpya katika eneo la Usomali ya Kati. Hatua hii muhimu iliochukuliwa na UM inatarajiwa kurahisisha shughuli za kuhudumia chakula watu muhitaji milioni moja ziada, waliokuwa wakitegemea shirika lisio la kiserikali, ambalo liliondoka nchini mwaka jana, kwa sababu ya ukosefu wa usalama wa wafanyakazi.