Habari Mpya

Msaada wa dharura unahitajika haraka CAR kunusuru maisha, yaonya UNICEF

Mia Farrow, msanii maarufu wa michezo ya kuigiza, ambaye pia ni Balozi Mfadhili wa Shirika la UM juu ya Mfuko wa Maendeleo kwa Watoto (UNICEF) karibuni alizuru kwa siku nne sehemu za kaskazini za Jamhuri ya Afrika ya Kati (CAR).

WFP kununua chakula Msumbiji kuhudumia waathiriwa wa mafuriko

Shirika la UM juu ya Miradi ya Chakula Duniani (WFP) limetoa mwito wa kufadhiliwa, kidharura, msaada wa fedha zinazohitajika kununua chakula kutoka Msumbiji, taifa liliodhurika na mafuriko kusini ya Afrika. Lengo la hatua hii ni kunusuru maisha ya raia muhitaji 120,000 walioathiriwa na mafuriko yalizka hivi karibuni katika taifa hilo.

Mkuu wa UNESCO anashtumu unyanyasaji wa wanahabari Eritrea

Koichiro Matsuura, Mkurugenzi Mkuu wa Shirika la UM juu ya Ilimu, Sayansi na Utamaduni (UNESCO) ameripotiwa akisema ya kwamba hakuridhika hata kidogo juu ya namna waandishi habari wanavyotendewa na wenye madaraka katika Eritrea na vikwazo walioekewa vyombo vya habari dhidi ya uhuru wa kuendeleza kazi zao bila ya kuingiliwa na serekali.

FAO imeitahadharisha Nigeria kuboresha udhibiti wa mifugo na kujikinga na H5N1

Shirika la UM juu ya Chakula na Kilimo (FAO) limependekeza kwa Serekali ya Nigeria kuongeza huduma za kudhibiti afya katika masoko na mashamba ya kuku, kwa kuchanja mifugo ili kujikinga na hatari ya kutapakaa kwa virusi vya aina ya H5N1, ambavyo husababisha homa ya mafua ya ndege.

UM umeanzisha huduma za kuwasaidia waathiriwa wa mafuriko katika Msumbiji

Mnamo mwanzo wa wiki UM ulianzisha operesheni maalumu za dharura za kugawa chakula na kuokoa wale raia walionaswa baada ya mvua kali kunyesha na kuzusha mafuriko mabaya ya kihistoria katika Msumbiji, hasa katika eneo ya kati. Hali hiyo iliwalazimisha watu 85,000 kuhajiri makazi yao.

Suala la haki za kibinadamu katika Darfur Kusini

Tume ya wataalamu watano ya Baraza la UM juu ya Haki za Binadamu ilioatarajiwa kwenda jimbo la Sudan magharibi la Darfur kuchunguza namna haki za kibinadamu zinavyotekelezwa na wenye madaraka, haikufanikiwa kuzuru eneo hilo wiki hii kwa sababu ya kutopatiwa viza na Serekali ya Sudan.

KM akariri mwito wa kuimarisha ushirikiano na Afrika, na kusifu mchango wa Ufaransa katika Afrika

Alkhamisi Mshauri wa KM juu ya Masuala ya Kisiasa, Tuliameni Kalomoh aliwasilisha risala maalumu ya KM Ban Ki-moon kwenye Mkutano Mkuu wa siku tano juu ya hatua za kuimarisha uhusiano kati ya Afrika na Ufaransa uliofanyika kwenye mji wa Cannes, Ufaransa. Viongozi wa kutoka mataifa kadha ya Afrika pamoja na Ufaransa walihudhuria mkusanyiko huo.

Mtaalamu wa haki za kibinadamu kwa Usomali kuitaka serekali kuachia huru waandishi watatu wa habari

Ghanim Alnajjar, Mtaalamu anayehusika na Haki za Kibinadamu katika Usomali amependekeza na kuawahimiza wenye madaraka Usomali kuwaachia huru, halan, wale waandishi habari watatu wa Kisomali walioshikwa karibuni na kuwekwa kizuizini. Alisema kitendo hiki kinatia wasiwasi na alikumbusha ya kwamba ni muhimu kwa vyombo vya habari kuwa na uwezo wa kueneza ripoti zao bila kuhofu wenye madaraka, msimamo ambao ukitekelezwa kama unavyotakikana ni kadhia itakayosaidia pakubwa kurfufua uslama na amani katika Usomali.

UNHCR kuharakisha operesheni za kurudisha wahamiaji Sudan ya kusini

Shirika la UM juu ya Huduma za Wahamiaji (UNHCR) limeripoti kuongeza kasi kwenye operesheni zake za kuwarudisha makwao wahamiaji wa ndani ya nchi (IDPS) wa eneo la Blue Nile, Sudan ya kusini.

Makundi husika na mzozo wa Darfur yakiri vurugu halizalishi suluhu, wabainisha Wapatanishi wa UM na AU

Jan Eliasson, Mjumbe Maalumu wa KM kwa Darfur pamoja na Salim Ahmed Salim, Mpatanishi wa Darfur wa Umoja wa Nchi Huru za Afrika (AU) walikutana wiki hii nchini Sudan kwa mashauriano ya amani na viongozi wa wahamiaji wa ndani ya nchi, majemadari wa makundi ya waasi wasiotia sahihi Itifaki ya Amani ya Darfur, pamoja na machifu wa makabila kadhaa na vile vile wawakililishi wa Sereklali.