Habari Mpya

Mkuu wa UN-HABITAT anafafanua athari za mazingira haribifu katika miji

Kamisheni ya UM juu ya Maendeleo ya Kudumu (CSD) ilikutana hapa Makao Makuu kwenye mijadala ya wiki mbili na kuangaza ajenda yake kwenye yale masuala yanayoambatana na mabadiliko ya hali ya hewa ulimwenguni, na namna mageuzi haya yanavyotatanisha huduma za maendeleo ya kiuchumi na jamii.

KM kuihimiza jumuiya ya kimataifa kuungana kukabili uchafuzi wa hewa ulimwenguni

KM Ban Ki-moon alihutubia kikao maalumu cha Mkutano wa Kamisheni juu ya Maendeleo ya Kudumu (CSD)kilichofanyika Makao Makuu, na kuhudhuriwa na mawaziri wa mazingira pamoja na wajumbe kadha wengineo wa kimataifa.

Mahakama Maalumu ya Sierra Leone imetangaza tarehe ya kesi ya C. Taylor

Mahakama Maalumu kwa Sierra Leone inayohusika na kesi za jinai ya vita imetangaza rasmi kuwa utaanza kusikiliza kesi ya aliyekuwa Raisi wa Liberia, Charles Taylor mnamo tarehe 04 Juni mwaka huu. Uamuzi huu ulifikiwa kwenye kikao kilichokutana kwenye mji wa Hague, Uholanzi kuandaa taratibu za usikilizaji wa mashtaka. Taylor ametuhumiwa makosa 11 yanayoambatana na makosa ya kushiriki kwenye jinai ya vita pamoja na ukiukaji uliovuka mipaka ya sheria ya kimataifa dhidi ya utu, ikijumuisha mauaji ya halaiki, vitendio vya kunajisi kihorera, ukataji viungo, utumwa wa kijinsia na kuwalazimisha watoto wenye umri mdogo kupigana.

UM na AU kuteua Mjumbe Maalumu kwa Darfur

KM wa UM Ban Ki-moon na Mwenyekiti wa Umoja wa Afrika (AU) Alpha Oumar Konare wameteua pamoja Rodolphe Adada wa Jamhuri ya Kongo kuwa Mjumbe Maalumu atakayewakilisha huduma za amani katika jimbo la magharibi la Sudan la Darfur.

Baraza la Usalama lina wasiwasi juu ya mvutano wa Ethiopia/Eritrea

Baraza la Usalama limeitisha kikao maalumu kusailia ripoti mpya ya KM juu ya hali ya usalama na amani mipakani kati ya Ethiopia na Eritrea. Mkurugenzi wa Kitengo kinachohusika na Masuala ya Afrika katika Idara ya Operesheni za Amani za UM, Dmitri Titov aliiwakilisha ripoti na kuelezea, kwa mukhtasari, matukio yaliojiri karibni kwenye eneo husika la Pembe ya Afrika.

WFP imeanzisha tena ugawaji wa chakula Mogadishu

Shirika la UM juu ya Miradi ya Chakula Duniani (WFP) imeanzisha tena huduma za kugawa chakula, pamoja na huduma nyenginezo za kihali, kwa wakaazi na wahamaji 16,000 wa Mogadishu, Usomali mnamo wiki hii. WFP ilitarajiwa kuwapatia watu 114,000 msaada wa chakula mnamo mwisho wa wiki, ikijumuisha idadi ya wakazi waliohajiri mji baada ya vita kuanza, pamoja na wale ambao walishindwa kukimbia mapigano na kunaswa ndani ya mastakimu yao wakati uhasama uliposhtadi.

Msaada mpya kwa WFP kuashiria mwisho wa mgawo wa dharura Uganda

Shirika la UM juu ya Miradi ya Chakula Duniani (WFP) imepokea msaada wa yuro milioni 5 kutoka Ofisi ya Misaada ya Kiutu ya Kamisheni ya Ulaya (ECHO) pamoja na mchango ziada mwengineo ambao tuliarifiwa utatumiwa kugawa chakula kwa watu milioni 1.28 waliong\'olewa makwao nchini Uganda. Msaada huu utaipatia WFP fursa ya kurudisha posho kamili ya chakula kwa umma huo muhitaji ambao siku za nyuma walialzimika kupatiwa posho haba kwa sababu ya upungufu wa misaada ya kuendeleza shughuli hizo.

UNICEF yasaidia watoto 60,000 kupata vifaa vya maskuli

Shirika la UM juu ya Mfuko wa Maendeleo kwa Watoto (UNICEF) limetuma misaada ya vifaa vya skuli kwa wanafunzi watoto 60,000 waliopo kwenye yale maeneo sita ya Zambia yalioathiriwa na mafuriko yaliogharikisha sehemu hizo za nchi hivi karibuni.

Hapa na pale

Waundaji sera za kitaifa pamoja na wataalmu kutoka ulimwengu wa taaluma, sayansi na biashara wamekutana mjini Trieste, Utaliana kwenye mkutano wa siku tatu, ulioandaliwa na mataifa ya G-8 pamoja na UNESCO, kuzingatia hatua za kuchukuliwa kimataifa kuhamasisha maendeleo ya kudumu, kwa kutumia mfumo wa kufungamanisha matumizi ya uvumbuzi wa teknolojia ya kisasa, utafiti wa kisayansi na ilimu.

--FAO kupendekeza marekibisho ya ugawaji wa chakula katika nchi zinazoendelea--Utekelezaji wa haki za binadamu katika Darfur

Shirika la UM juu ya Chakula na Kilimo (FAO) hivi karibuni liliwasilisha ripoti ya mwaka ambayo ilifanya mapitio juu ya Hali ya Chakula na Kilimo Duniani, ripoti ambayo hujulikana kwa umaarufu kama Ripoti ya SOFA. Mkurugenzi Mkuu wa FAO, Jacques Diouf alipoiwakilisha kwa mara ya kwanza ripoti hiyo alikumbusha ya kwamba wakati umewadia, kwa wahisani wa kimataifa kurekibisha huduma za ugawaji wa misaada ya chakula duniani.