Habari Mpya

Bodi la Utendaji la WHO lakutana Geneva kwenye kikao cha mwaka

Bodi la Utendaji la Shirika la Afya Duniani (WHO), ambalo hukutana mara mbili kwa mwaka, Ijumatatu lilianza mjini Geneva kikao cha awali kwa 2007. Katika hotuba ya ufunguzi, Mkurugenzi Mpya wa WHO, Dktr Margaret Chan alizungumzia mafanikio yaliojiri karibuni katika kuboresha afya ya jamii.

Katibu Mkuu ziarani Ulaya na Afrika

KM Ban Ki-moon alianza ziara rasmi Ijumanne kuyatembelea mataifa saba ya Ulaya na Afrika. Hii ni ziara kuu ya kwanza ya KM tangu alipochukua madaraka ya kuuongoza UM Janauari mosi.

Kamishna Mkuu wa Haki za Kibinadamu ashinikiza uchunguzi ufanyike juu ya mauaji ya waandamanaji Guinea

Louise Arbour, Kamishna Mkuu wa UM juu ya Utekelezaji wa Haki za Kibinadamu Ulimwenguni alinakiliwa akisema kuna ulazima wa tume huru kubuniwa itakayoendeleza uchunguzi kuhusu mauaji ya waandamanaji yaliotukia 10 Januari 2007 kufuatia mgomo wataifa ulioaznishwa wakati huo.

Katibu Mkuu ana wasiwasi na operesheni za serekali katika Darfur kaskazini

Mapema wiki hii KM Ban aliripoti kuingiwa wasiwasi kuhusu athari za operesheni za Serekali ya Sudan katika Darfur Kaskazini, ambako inasemekena ndege zake za kijeshi zilishambulia hivi karibuni raia na kujeruhi idadi kubwa yao.

Mjumbe wa UM juu ya Haki za Watoto Walionaswa kwenye Uhasama kuzuru Sudan

Mjumbe Maalumu wa UM juu ya Hifadhi ya Watoto kwenye Mazingira ya Uhasama na Vita, Radhika Coomaraswamy anatazamiwa kuzuru Sudan mwisho wa wiki kwa kuitikia mwaliko wa Serekali ya Sudan.

KM apendekeza muda wa ulinzi amani Ethiopia na Eritrea uongezwe

Ripoti ya KM juu ya hali mipakani kati ya Ethiopia na Eritrea imependekeza Baraza la Usalama liongeze kwa miezi sita ziada operesheni za ulinzi wa amani za UM katika eneo hilo.

EU kufadhilia dola milioni 1.3 WFP kuhudumia chakula wahamiaji wa Sahara ya Magharibi

Shirika la UM juu ya Miradi ya Chakula Duniani (WFP) limepokea kutoka idara inayohusika na misaada ya kiutu ya Umoja wa Ulaya (EU) msaada wa dola milioni 1.3 ulikusudiwa kuhudumia wahamiaji wa Sahara ya Magharibi waliopo Algeria.

Didier Drogba ameteuliwa kuwa balozi mfadhili wa UNDP

Didier Drogba, mchezaji mashuhuri wa mpira kutoka Cote d’Ivoire anayechezea timu ya Chelsea ya Uingereza, na kuongoza kwa kufunga magoli mengi zaidi kushinda wachezaji wengine Ulaya hivi sasa, ameteuliwa na Shirika la UM juu ya Miradi ya Maendeleo (UNDP) kuwa Balozi Mfadhili, atakayesaidia kwenye zile juhudi za kuhamasisha umma wa kimataifa kujumuisha mchango wao maridhawa, ili kukamilisha, kwa wakati, yale Malengo ya Maendeleo ya Milenia (MDGs).

UM yashiriki kikamilifu kuhudumia umma muathiriwa na mafuriko Afrika Mashariki

Hivi majuzi, Afrika Mashariki ilikabiliwa na tatizo la mafuriko ya kihistoria yaliotukia baada ya mvua kali kunyesha mwisho wa mwaka 2006. Maafa haya yalisababisha uharibifu mkubwa wa hali na mali, hususan, miongoni mwa wale wahamiaji waliopo mipakani kati ya Kenya na Usomali.

Kumbukumbu za miaka 10 ya uongozi wa KM mstaafu Kofi Annan katika UM (Sehemu ya Pili)

Sehemu ya pili ya makala hii inaendelea na mahojiano aliyokuwa nayo KM mstaafu Kofi Annan na wanahabari wa kimataifa kwenye kikao cha mwisho kabla ya kukhitimisha kazi na Umoja wa Mataifa (UM).