Habari Mpya

WHO bado kutangaza virusi vya Corona kama ni tishio la afya ya umma au la

Shirika la afya la Umoja wa Mataifa, WHO limesema uamuzi kuhusu iwapo mlipuko wa ugonjwa wa virusi vya Corona nchini China  utangazwe kuwa dharura ya kimataifa ya umma unahitaji uchunguzi zaidi kabla ya kufanyika.

Tukio la mwanamfalme wa Saudia kudukua simu ya mkuu wa Amazon lichunguzwe- Wataalam

Wataalamu wa haki za binadamu wa Umoja wa Mataifa wameelezea wasiwasi wao mkubwa juu ya madai ya kwamba mwanamfalme wa Saudi Arabia alihusika katika udukuzi wa simu ya Jeffery Bezos ambaye ni mmiliki wa gazeti la Washington Post na Afisa Mtendaji Mkuu wa kampuni ya Amazon.

 

Mkakati wa UN na DRC wapaswa kushughulikia changamoto za usalama:Tume

Serikali nchini Jamhuri ya Kidemkrasia ya Congo DRC na mpango wa Umoja wa Mataifa nchini humo MONUSCO wametakiwa kuunda mkakati wa kina wa pamoja ili kushughulikia changamoto za usalama kwenye eneo la Beni, jimboni Kivu Kaskazini, Mashariki mwa DRC.

Nina imani na Baraza la Usalama katika kusongesha mchakato wa amani ya kudumu Libya- Guterres

Katibu Mkuu wa Umoja wa Mataifa Antonio Guterres amezungumza na waandishi wa habari kwenye makao makuu ya Umoja huo jijini New York, Marekani na kuelezea matumaini yake kwa Baraza la Usalama la chombo hicho katika kusongesha makubaliano yaliyofikiwa hivi karibuni huko Berlin, Ujerumani kuhusu mzozo unaoendelea nchini Libya.

Kamishina mkuu wa haki za binadamu kuzuru DRC wiki hii

Kamishna Mkuu wa haki za binadamu wa Umoja wa Mataifa Michelle Bachelet Alhamisi wiki hii ataanza ziara ya siku tano nchini Jamhuri ya Kidemokarsia ya Congo, DRC kwa mwaliko maalum wa serikali.

Rushwa na jinsia

Wanawake na wanaume wanathirika tofauti na rushwa au ufisadi, lakini hakuna ushahidi wa kubainisha nani kati yao anaathirika kidogo.

Lebanon chukueni hatua mnusuru wananchi- OHCHR

Ghasia kati ya waandamanaji na vikosi vya  usalama nchini Lebanon vimezua hofu kubwa katika ofisi ya haki za binadamu ya Umoja wa  Mataifa, OHCHR.

Ongezeko la pengo la usawa linaathiri theluthi mbili ya dunia:UN

Pengo la usawa duniani linaongezeka kwa zaidi ya asilimia 70 ya watu wote duniani na hivyo kuongeza hatari ya migawanyiko na kuathiri maendeleo ya kiuchumi na kijamii. Lakini ongezeko hilo linaweza kudhibitiwa na kushughulikiwa katika ngazi ya kitaifa na kimataifa kwa mujibu wa ripoti ya utafiti ya Umoja wa Mataifa iliyotolewa leo Jumanne.

Mgonjwa mwingine wa virusi vya Corona abainika Korea Kusini; alitokea China

Wakati idadi ya watu walioambukizwa ugonjwa wa Virusi vya Corona nchini China ikiripotiwa kufikia 205 na watu 3 wakifariki dunia nchini humo, Korea Kusini nayo imeripoti kisa cha kwanza cha mgonjwa ambaye ni raia China.

Takribani watu nusu bilioni hawawezi kupata ajira zenye hadhi, kukosekana kwa ajira kunaongezeka-ILO

Takribani  nusu ya watu bilioni moja wanafanya kazi saa chache za kulipwa kuliko zile ambazo wangependa au kukosekana kabisa kwa kazi za kulipwa. Hiyo ni kwa mujibu wa riupoti mpya ya shirika la kazi duniani.