Uhifadhi wa bioanuwai nchini Pakistan

Timu ya UNDP Pakistan SFM inayofanya kazi na jumuiya za wenyeji kukagua sehemu ya mkoa wa Sindh, Pakistani.

Shirika la Umoja wa Mataifa la mpango wa Maendeleo Duniani UNDP nchini Pakistani, linafadhili mradi unajumuisha takriban hekta 145,300 lengo likiwa ni kulinda miti iliyohatarini kupotea na aina muhimu za miti ya msituni huko Punjab, pamoja na misitu iliyo karibu na kingo za mito huko Sindh.
Inakadiriwa kuwa chini ya asilimia 5 ya eneo lote la ardhi ya Pakistani limezingirwa na misitu na karibu asilimia 1.5 ya misitu ya Pakistani hupotea kila mwaka.

Mradi pia umesaidia kurejesha maeneo ya misitu yaliyoharibiwa kupitia mbinu za upandaji miti kavu huko Chakwal, Punjab.

Maeneo haya yaliyo hatarini pia yanatoa ishara ya hatari kwa sababu yana rutuba bora na nzuri ambayo huwavutia wakulima ambao wanataka kupanua eneo lao. Mradi ulizindua shughuli ya kuchora ramani na kuweka mipaka ya ardhi hizi za misitu, ili kuhifadhi misitu yenyewe, na pia kuhifadhi huduma zao za mfumo ikolojia.

Wakaguzi huweka mipaka katika msitu wa Pakistani kwa kutumia mbinu za usahihi kwa uainishaji sahihi wa mipaka.

Huko Sindh, uwekaji mipaka ya misitu ya mito ulifanyika kwa mara ya kwanza katika historia ya Pakistani, kwa kutumia mbinu zenye bora za kubainisha mipaka kwa usahihi zaidi.

Walinzi wa misitu kutoka idara ya Msitu ya Khyber Pakhtunkhwa nchini Pakistani wanaweka nguzo za mipaka kwa ajili ya ulinzi dhidi ya wavamizi.

Alama za ziada za mipaka ya msitu zilijengwa kuzunguka eneo lote la msitu ili kulinda ardhi dhidi ya wavamizi.

Shughuli za upandaji miti mipya zinafanyika katika misitu ya Punjab, Pakistan.

Wakati misitu inakatwa kwa kuchagua maeneo maalum, inaweza kurejeshwa kwa juhudi za kawaida na mbinu rahisi ambazo huruhusu kuhifadhi bioanuwai na kupunguza mabadiliko ya tabianchi. Kinyume chake, ikiwa ukataji ni mkubwa zaidi, upandaji miti unahitaji juhudi kubwa katika viwango vyote vya kijamii, kisiasa na kisheria.

Wanajamii huko Punjab, Pakistani, wanashiriki katika mkutano wa kujadili matumizi sahihi ya maliasili.

Ii kuongeza ushirikishwaji wa wanajamii, jumla ya mikutano 50 iliandaliwa na wanachama 600 wameweza kushiriki katika mjadala kuhusu matumizi sahihi ya maliasili.

Mkoa wa Sindh, Pakistani, ambapo ardhi ya misitu imerudishwa kutoka kwa wavamizi katika mandhari mbili za mradi.

Jumla ya hekta 83,350 za ardhi ya misitu zilipimwa, na hekta 2,024 za ardhi ya misitu zilirudishwa kutoka kwa wavamizi katika maeneo ya ardhi mawili ndani ya mradi huo unaofadhiliwa na UNDP.
Thamani ya chini inayokadiriwa ya ardhi iliyorudishwa katika jimbo la Sindh pekee ni dola milioni 10.