Wahudumu wa kwanza duniani :Washindi wa tuzo ya amani ya Nobel WFP

Shirika la mpangao wa chakula la Umoja wa Mataifa katika harakati ya kusambaza chakula kwa wakazi wa Torbek, jamii iliyoko vitongoji vya Les Cayes, Haiti walioathiriwa na kimbunga Mathew.

Shirika la Umoja wa Mataifa la mpango wa chakula (WFP), limetunukiwa tuzo ya amani ya Nobel ya mwaka 2020. Kamati ya Nobel imesema WFP imetambuliwa “kwa juhudi zake za kupambana na njaa, kwa mchango wake wa kuboresha mazingira kwa ajili ya amani katika maeneo yaliyoathirika na vita na kwa kuwa chachu katika kuzuia matumizi ya njaa kama silaha ya vita na migogoro”.

UN Photo/Logan Abassi

Watu walio kwenye maeneo yaliyoathirika na mizozo ya mji wa Deir Hafer nchini Syria wanategemea msaada kutoka WFP kwa mahitaji ya kila siku.

WFP inatoa msaada wa kibinadamu ikiwemo msaada wa chakula duniani kote na mwaka 2019 iliwasaidia watu milioni 97 katika nchi 88 zikiwemo zenye vita kama Syria.

WFP/Khudr Alissa

Licha ya changamoto za operesheni ikiwemo wakati wa janga la COVID-19, WFP imekuwa ikifanya kazi kuwafikia watu waliofurushwa Cabo Delgado, Msumbiji.

Kamati ya Nobel imesema janga la COVID-19 litaongeza njaa na kuwaacha watu milioni 265 wakikabiliwa na njaa kubwa ndani ya mwaka mmoja. WFP imesema itatumia uzoefu wake katika hatua za dharura na masuala ya kiufundi na mnyororo wa usambazaji kuwafikia kuwafikia watu wengi zaidi na msaada kadri inavyowezekana.

Mgao wa chakula unasambazwa kupitia njia ya anga na WFP kwa watu walio hatarini Kaskazini mwa Sudan Kusini mwaka 2015.

WFP inafanya kazi katika maeneo ya mashinani na yenye hatari zaidi duniani na inatumia njia yoyote iliyopo kufikisha msaada.

UN Photo/Isaac Billy

Mkurugenzi mtendaji wa WFP David Beasley alipokutana na mtoto wa kike Yemen 2017.

Akishukuru kuhusu tuzo hiyo mkurugenzi mtendaji wa WFP, David Beasley, amesema “shirika hilo limepokea tuzo kwa unyenyekevu mkubwa" akiongeza kwamba “Palipo na vita pana njaa, na palipo na njaa mara nyingi kuna vita. Leo ni kumbusho kwamba uhakika wa chakula, amani na utulivu vinakwenda sanjari. Bila amani hatuwezi kufikia lengo la kimataifa la kutokomeza njaa.”

WFP/Marco Frattini

Wafanyakazi wa maghala ya WFO nchini Nigeria ambayo ni sehemu ya mnyororo wa usambazaji wa chakula.

Bwana. Beasley amewapongeza wafanyakazi wa WFP kwa kazi yao inayochagizwa na “Maadili yetu ya pamoja ya uadilifu, utu na ujumuishaji”, na kuongeza kwamba." “Tuzo ya amani ya Nobel sio kwa WFP peke yake” ni kutambua umuhimu wa ushirikiano na serikali, mashirika na wadau wa sekta binafsi.

António Guterresalishuhudia usambazaji wa chakula nchini Sudan Kusini mwaka 2014 wakati akiongoza shirika la kuhudumia wakimbizi, UNHCR.

Katibu Mkuu wa Umoja wa Mataifa, António Guterres, amesema, “amefurahishwa” na uamuzi wa kamati ya tuzo ya amani ya Nobel," na kuelezea kwamba WFP “ni wahudumu wa kwanza duniani katika msitari wa mbele wa kutokuwa na uhakika wa chakula”

Watoto katika shule nchini Haiti wakipata chakula kama sehemu ya mpango wa mlo shuleni wa WFP.

Likiwa limeanzishwa mwaka 1961 shirika hilo la WFP linajitaja kama “shirika kubwa zaidi duniani la msaada wa kibinadamu" linaokoa maisha katika hali za dharura, kuleta mafanikio na kusaidia mustakabali endelevu kwa watu wanaojikwamua kutoka kwenye vita, majanga na athari za mbadiliko ya tabianchi.”

UN Photo/Leonora Baumann