Katika ukarabati wa barabara hii ya kutoka kijiji cha Mbau kuelekea Kamango huko  Kivu Kaskazini, walinda amani kutoka Indonesia wanahusika na ujenzi wa barabara ilihali wale wa kutoka Tanzania wanahusika na ulinzi.

Kamanda kikosi TANZBATT 7 Luteni Kanali John Ndunguru ( wa kwanza kulia) akiangalia ramani kwa makini wakati wa ukaguzi wa barabara inayotoka kijiji cha Mbau kuelekea Kamango ambapo barabara hiyo ilikarabatiwa kwa msaada wa MONUSCO kupitia kikundi chake cha uhandisi cha Indonesia huku TANZBATT 7 ikitoa ulinzi kwa kikundi hicho dhidi ya waasi wa ADF.

Askari wa kikundi cha uhandisi kutoka Indonesia kwa kushirikiana na Kamanda wa TANZBATT,  Luteni Kanali John Ndunguru, wakikagua moja ya daraja la barabara hiyo ya Mbau kwenda PK.

Baada ya kamanda wa kikosi cha Tanzania, TANZBATT 7, Luteni kanali John Ndunguru kujiridhisha na usalama wa daraja, sasa anauruhusu gari la kivita la kubeba askari lipite kwenye daraja hilo.

Kamanda wa TANZBATT 7 ,  Luteni Kanali John Ndunguru (kulia) akiwa na mazungumzo na wahandisi wa kikosi cha uhandisi cha Indonesia ambao wao wanahusika ana ukarabati wa barabara.

Kamanda kikosi cha TANZBATT 7, Luteni Kanali John Ndunguru (wa pili kushoto) akizungumza na mmoja wa maafisa wa jeshi la DRC, FARDC (wa kwanza kushoto) ikiwa ni sehemu ya ushirikiano na Tanzabatt katika kuhakikisha usalama wa vikosi hivyo vya MONUSCO.

Kapteni Ng'walinda (kushoto) kutoka TANZBATT 7 akijadiliana na mlinda amani wa kikosi cha uhandisi cha Indonesia  kwenye MONUSCO, kuhusu jinsi ya kutekeleza majukumu yao kwenye ukarabati wa barabara.

Kamanda wa kikosi cha Tanzania kwenye ujumbe wa MONUSCO, Luteni Kanali John Ndunguru akizungumza na  Ostech Mputi (katikati) ambaye ni mkalimani wa lugha za kikongo na kifaransa. Bwana Mputi ameajiriwa na MONUSCO kusaidia kuleta maelewano kati ya walinda amani na wenyeji kupitia matumizi ya lugha ya wenyeji DRC.