Wanawake walinda amani Mei 2020

Sweden ni moja ya mchangiaji mkubwa wa vikosi kwenye operesheni za ulinzi wa amani za Umoja wa Mataifa nchini Mali, MINUSMA.

Wanawake hawa wawili wa kiswidi ni askari wa majini ambao walikuwa sehemu ya timu ya ushiriki wa jamii na walinda amani katika operesheni ya Umoja wa Mataifa nchini Mali (MINUSMA) mnamo 2018. Uswidi ni kati ya nchi zinazo ongoza kuchangia kwa kutoa wanawake walinda amani wa Umoja wa Mataifa

UN/Harandane Dicko

Wanawake walinda amani wa Afrika Kusini katika Jamhuri ya Kidemokrasia ya Congo watembelea kituo cha watoto yatima katika Mkoa wa Kivu Kaskazini mnamo Machi 2018.

Msaada wa kimatibabu kwa jamii za mitaani ni moja kati ya njia nyingi ambazo walinda amani wa Umoja wa Mataifa wanatumia ili kusaidia kuimarisha maisha ya raia na kusaidia kujenga na kuimarisha uaminifu.

Hapa, wahudumu wa afya wa kijeshi wa Afrika Kusini katika Jamhuri ya Kidemokrasia ya Congo wanatoa msaada wa kwanza kwa mtoto.

UN Photo/Michael Ali

Afisa wa polisi wa Uchina aliyetumwa kwa Misheni ya UN huko Liberia (UNMIL), anaongea na msichana mchanga wakati wa doria.

Huko Liberia, polisi wanawake wanahudumu kutoka Kitengo cha Polisi raia wa China kilichopelekwa kwa operesheni ya kulinda amani ya ya Umoja wa Mataifa UNIL.

Walishiriki katika doria wakasaidia katika kutoa ushauri kwa maafisa wa polisi wa Liberia na kufanya kwa upana na kwa kina shughuli za kufikia na kuelimisha jamii za mitaa.

UN Photo/Albert Gonzalez Farran

Kundi la Bangladeshi la wanawake walinda amani linawasili Haiti kufuatia tetemeko la ardhi lililosababisha uharibifu wa mali mnamo 2010.

Kitengo cha polisi cha Bangladeshi kilifika Haiti mnamo 2010 kufanya kazi na walinda amani wa Umoja wa Mataifa nchini humo.

MINUSTAH. Bangladesh ni kati ya nchi chache ambazo zimetoa msaada wa kuchangia wanawake walinda amani karibia wote katika kulinda amani ya Umoja wa Mataifa.

UN Photo/Marco Dormino

Kitengo cha kulinda amani wa Umoja wa Mataifa katika Jamhuri ya Afrika ya Kati (MINUSCA) kimeanza doria za kuelimisha jamii jinsi ya kujinga dhidi ya COVID-19 kusaidia kuzuia kuenea kwa virusi.

Wanawake walinda amani wamehusika pia katika mapambano dhidi ya ugonjwa huo wa COVID-19, kusaidia viongozi wa kitaifa na kusaidia kulinda jamii zilizo hatarini.

Hapa, afisa wa polisi wa Indonesia katika Jamhuri ya Afrika ya Kati anaonyesha wavulana huko Bangui jinsi ya kunawa mikono yao ili kuzuia kuenea kwa virusi.

MINUSCA/Indonesia FPU

Nchini Haiti Afisa wanawake wanapelekwa kufanya kazi kwenye magerezani

Kitengo cha kulinda amani ya Umoja wa Mataifa huko Haiti pia kimepeleka maafisa wa polisi ili kutoa mafunzo kwa wenzao wa kitaifa. Hapa, afisa magereza kutoka Rwanda anaongea na mfungwa kwenye gereza la wanawake huko Port-au-Prince.

MINUSTAH/Victoria Hazou

Afisa wa haki za binadamu anayefanya kazi katika kitengo cha kulinda amani ya Umoja wa Mataifa huko Mali anachunguza tukio lililoripotiwa katika mkoa wa Menaka.

Raia wana jukumu muhimu katika operesheni za kulinda amani za Umoja wa Mataifa kote ulimwenguni. Huko Mali, afisa wa haki za binadamu wa Umoja wa Mataifa (katikati) anahojiana na shuhuda katika mji wa Menaka kama sehemu ya uchunguzi wa mauaji ya watu kadhaa na washambuliaji wenye silaha.

UN Photo/Marco Dormino

Mtangazaji wa Radio Miraya, Irene Lasu, ambaye yuko katika kitengo cha kulinda amani ya UN huko Sudan Kusini (UNMISS)

Na huko Sudani Kusini, waandishi wa habari wanaofanya kazi katika redio ya Umoja wa Mataifa ya Miradi ya Miraya inachangia kujenga amani, kwa kuleta jamii pamoja kujadili changamoto zao lakini pia matarajio yao ya pamoja.

Leo, vituo vya redio vya kulinda amani katika nchi nyingi, kama vile Mali, Jamhuri ya Afrika ya Kati na Jamhuri ya Kidemokrasia ya Congo,DRC hivi sasa vinatoa habari muhimu wakati wa janga la COVID-19.

UNMISS/Isaac Billy

Mkuu wa Kikosi cha Kulinda Amani cha Umoja wa Mataifa huko Kupro (UNFICYP) Elizabeth Spehar (katikati), na Kamanda wa Jeshi Mkuu Jenerali Cheryl Pearce, wakikagua ramani za mahali maafisa wametumwa

Wanawake zaidi katika utunzaji wa amani inamaanisha usalama bora wa kulinda amani, na shughuli bora na utendaji.

Kikosi cha Kulinda amani cha Umoja wa Mataifa nchini Cyprus (UNFICYP) ilikuwa dhamira ya kwanza kuwa na wanawake wakati huo huo wakiongoza raia wake, jeshi na polisi.

Hapa, Mwakilishi Maalum wa Katibu Mkuu huko Cyprus na Mkuu wa UNFICYP, Elizabeth Spehar, na Kamanda wa Jeshi Mkuu Meja Jenerali Cheryl Pearce, anakukagua ramani za maeneo walinda amani wanakotumwa kufanya kazi.

Courtesy of HER Documentary/Courtney Martin